ԵՐԵՎԱՆ, 20 մայիսի — Sputnik. ԵԱՀԿ ԽՎ ղեկավար Իլկա Կաներվան կոչ է արել ԱՊՀ Միջխորհրդարանական վեհաժողովին` համատեղ ջանքերով Լեռնային Ղարաբաղի հակամարտության կարգավորման խաղաղ լուծում գտնել։
«Ես կցանկանայի ԱՊՀ ՄԽՎ բոլոր գործընկերներին հրավիրել համատեղ ջանքեր գործադրել համաձայնության խաղաղ լուծում գտնելու և ՄԽ շրջանակներում հակամարտությունը դադարեցնելու համար», — ասել է նա` ելույթ ունենալով ԱՊՀ ՄԽՎ շրջանակներում։
Կաներվան նշել է, որ Լեռնային Ղարաբաղի հակամարտությունն ընդլայնվում է։
«Մենք միավորում են մեր հույսերը նրա համար, որպեսզի տուժածների քանակը նվազի և կողմերը բանակցությունների սեղանի շուրջ նստեն», — ասել է նա։
Մայիսի 16-ին Վիեննայում Ղարաբաղում իրավիճակի սրումից հետո առաջին անգամ տեղի ունեցավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը։ Բանակցություններին մասնակցում էին նաև Լեռնային Ղարաբաղի հակամարտության կարգավորման ԵԱՀԿ ՄԽ համանախագահները` դեսպան Ջեյմս Ուորլիքը, Իգոր Պոպովն ու Պիեր Անդրիեն։
Ղարաբաղյան հակամարտության գոտում իրավիճակը սրվել էր ապրիլի 1-ի լույս 2-ի գիշերը։ Երևանը հաղորդել էր ադրբեջանական կողմի նախահարձակ գործողությունների մասին, Բաքուն էլ հայտարարել էր, թե իբր Հայաստանի ԶՈւ-ն է գնդակոծել ադրբեջանական տարածքը։ Հակամարտող կողմերը տասնյակ զոհեր ունեն։ Ապրիլի 5-ին պայմանավորվածություն է ձեռք բերվել ռազմական գործողությունները դադարեցնելու մասին, սակայն երկու կողմն էլ հայտարարում է, որ փոխադարձ պայմանավորվածությունը խախտվում է։ Ադրբեջանը կրակում է նաև Հայաստանի սահմանամերձ գյուղերի ուղղությամբ։
