ԵՐԵՎԱՆ, 2 ապրիլի — Sputnik. Ինչպես հայտնում է ԵԱՀԿ մամուլի ծառայությունը, համանախագահներն իրենց մտահոգությունն են հայտնում Լեռնային Ղարաբաղի շփման գծի հակամարտության գոտում հրադադարի ռեժիմի խախտումների, վերաբերյալ:
«Մենք խստորեն դատապարտում ենք ուժի կիրառումը և ցավում անտեղի մարդային կորուստների, այդ թվում՝ խաղաղ բնակիչների համար»,- ասված է հայտարարության մեջ:
Համանախագահները կողմերին կոչ են անում դադարեցնել կրակը և ձեռնարկել բոլոր անհրաժեշտ միջոցները՝ իրավիճակը կայունացնելու ուղղությամբ:
Հայտարարության մեջ վերահաստատվում է ՄԽ դիրքորոշումն առ այն, որ հակամարտության խաղաղ բանակցային լուծումն այլընտրանք չունի, և որ պատերազմը տարբերակ չէ:
