ԵՐԵՎԱՆ, 4 մայիսի - Sputnik. Ռուսաստանի հրթիռային զորքերն ուկրաինական ԲՄ-21 «Գրադ» ՀԿՌՀ ռադիոտեղորոշիչ կայան են ոչնչացրել։ Տեղեկությունը ճեպազրույցի ժամանակ հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը:
«Հրթիռային զորքերն ու հրետանին խոցել է ԲՄ-21 «Գրադ» համազարկային կրակի ռեակտիվ համակարգերի ուկրաինական մարտկոցը, ինչպես նաև կենդանի ուժի ու ռազմական տեխնիկայի կենտրոնացման 83 շրջան»,-ասել է նա:
Կոնաշենկովը նշել է, որ ռուս զինվորականները մեկ օրում խոցել են ուկրաինական 6 անօդաչու թռչող սարք ու «Սմերչ» համազարկային կրակի համակարգերի 2 արկ:
«Ռուսական հակաօդային պաշտպանությունն օրվա ընթացքում ոչնչացրել է վեց ուկրաինական ԱԹՍ ԼԺՀ-ում Ավդեևկա, Սևերոդոնեցկ, Վեսյոլայա գորա բնակավայրերոի շրջանում, ինչպես նաև Զմեինի կղզու վրա: Բացի այդ, Խարկովի մարզի Շպակովկա շրջանում օդում խոցվել են «Սմերչ» համազարկային կրակի համակարգերի երկու ռեակտիվ արկ», - նշել է գեներալը:
ՊՆ տվյալներով՝ ՌԴ ավիացիան օրվա ընթացքում խոցել է Ուկրաինայի զորքերի կենդանի ուժի կենտրոնացման 97 շրջան։
«Ռուսաստանի օդատիեզերական ուժերի բարձր ճշգրտությամբ հրթիռներն օրվա ընթացքում ոչնչացրել են չորս հրետանային մարտկոց կրակային դիրքերում, զինամթերքի երեք պահեստ Միրնայա Դոլինա, Բախմուտի ու Տաշկովկա շրջաններում, կենդանի ուժի ու ռազմական տեխնիկայի կենտրոնացման 20 շրջան, ինչպես նաև ԱՄՆ արտադրության հակամարտկոցային պայքարի ռադիոտեղորոշիչ կայան Պոպասնայա բնակավայրի շրջանում»,-ասել է գեներալը:
Կոնաշենկովը նշել է, որ բացի այդ, Ռուսաստանի օդատիեզերական ուժերի օպերատիվ-մարտավարական ու բանակային ավիացիան «խոցել է կենդանի ուժի ու ռազմական տեխնիկայի կենտրոնացման 77 շրջան: Արդյունքում ոչնչացվել է մինչև 310 ազգայնական և 36 միավոր սպառազինություն և ռազմական տեխնիկա»։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 70-րդ օրը։