ԵՐԵՎԱՆ, 18 օգոստոսի - Sputnik․ Հրդեհ է բռնկվել գործարար Խաչատուր Սուքիասյանի՝ Երևանի Զավարյան փողոցում գտնվող տանը։ Տեղեկությունը հայտնում է Shamshyan.com-ը։
Հրդեհի մասին ահազանգը ստացվել է ժամը 12։25-ի սահմաններում։ ԱԻՆ-ի երկու մարտական հաշվարկ է աշխատում տեղում։ Հրդեհի պատճառն անհայտ է։ Ըստ աղբյուրի՝ տուժածներ չկան։
Խաչատուր Սուքիասյանը խոշոր գործարար է, նրան են պատկանում «ՍԻԼ Կոնցեռն» ՍՊԸ-ն և «Հայէկոնոմբանկը»։ Նա երեք անգամ ընտրվել է ԱԺ պատգամավոր, եղել է անկուսակցական, 2008-ի նախագահական ընտրություններին սատարել է Լևոն Տեր-Պետրոսյանին։
Միքայելյան վիրաբուժության ինստիտուտի տարածքում հրդեհ է բռնկվել․ մարդկանց տարհանել են