ԵՐԵՎԱՆ, 29 հոկտեմբերի – Sputnik. Քիչ առաջ սարսափելի դեպք է արձանագրվել Շիրակի մարզում. Ազատան գյուղի տներից մեկում 2 դիակ է հայտնաբերվել։
Sputnik Արմենիայի տեղեկություններով` Ախուրյանի հրշեջ-փրկարարներն ու ոստիկանները բացել են գյուղի տներից մեկի դուռը, քանի որ համագյուղացիներն ահազանգել են ու հայտնել, որ բնակիչները չեն արձագանքում։
Ներս մտած անձինք ողբերգական պատկեր են տեսել․ 80-ամյա ծերունին անկողնում մահացած է եղել, իսկ նրա հետ բնակվող 46-ամյա որդին` տան սենյակներից մեկում կախված։
Գյուղում խոսում են, որ թոշակառու տղամարդը անկողնային հիվանդ էր, և նրա մահը բնական է, իսկ թե ինչու է որդին դիմել ինքնասպանության, որևէ հստակ վարակած չկա։
Ողբերգական վրաերթ Երևանում. երիտասարդը տեղում մահացել է
Իրավապահները պարզում են կատարվածի մանրամասները։ Այս պահին տեղում իրենց գործողություններն են իրականացնում քննչական կոմիտեի և ոստիկանության աշխատակիցները։
Արտառոց դեպք Լոռիում. տղամարդը դիահերձարանում աշխատելու համար փորձել է ինքնահրկիզվել