Ինչու է ՍԴ նախագահի ընտրության վճռորոշ պահին անակնկալ շրջադարձ տեղի ունեցել․ մանրամասներ
10:25 07.11.2026 (Թարմացված է: 10:29 07.11.2026)
ՍԴ դատավոր Էդգար Շաթիրյանը. Արխիվային լուսանկար
© Sputnik / Aram Nersesyan
Բաժանորդագրվել
Շաթիրյանը վստահ է եղել, որ իր օգտին անհրաժեշտ ձայներն ապահովված են, և ինքը պետք է հաղթի։ Սակայն ձայների հարաբերակցությունը փոխվել է, և Վլադիմիր Վարդանյանը ստացել է հինգ ձայն։
ԵՐԵՎԱՆ, 6 նոյեմբերի – Sputnik. ՍԴ նախագահի ընտրության վճռորոշ պահին անակնկալ շրջադարձ է տեղի ունեցել․ Էդգար Շաթիրյանի օգտին տրամադրված դատավորներից մեկի քվեարկությունը փոխել է ամբողջ պատկերը, գրում է «Ժողովուրդ» օրաթերթը։
Հայտնել էինք, որ Սահմանադրական դատարանի նախագահ է ընտրվել Վլադիմիր Վարդանյանը, որը նախկինում «Քաղաքացիական պայմանագիր» կուսակցության անդամ ու պատգամավոր էր։ Նախագահի պաշտոնում առաջադրվել էր նաև Էդգար Շաթիրյանը։
«Դատավոր Երվանդ Խունդկարյանի քվեաթերթիկը վճռորոշ է դարձել Վլադիմիր Վարդանյանի հաղթանակի համար։ Սահմանադրական դատարանի նախագահի ընտրությունն ուղեկցվել է ներքին լարվածությամբ, դատավորների միջև ձևավորված տարբեր դիրքավորումներով և վերջին պահին տեղի ունեցած անսպասելի շրջադարձով»,–գրում է օրաթերթը։
Շաթիրյանը վստահ է եղել, որ իր օգտին անհրաժեշտ ձայներն ապահովված են, և ինքը պետք է հաղթի։ Սակայն ձայների հարաբերակցությունը փոխվել է, և Վլադիմիր Վարդանյանը ստացել է հինգ ձայն։
Շաթիրյանն իր դժգոհությունը հրապարակավ արտահայտել է նաև լրագրողների հետ զրույցում։ Նա հայտարարել է, որ շարունակելու է պաշտոնավարել որպես ՍԴ դատավոր, սակայն անհնարին է համարել փոխնախագահի պաշտոնում իր հետագա աշխատանքը՝ հաշվի առնելով «ձևավորված իրողությունները»։
«Շաթիրյանի հրաժարականն ու նրա հրապարակային ակնարկները ցույց են տալիս, որ նոր նախագահի ընտրությունից հետո էլ Սահմանադրական դատարանի ներսում հարցերը փակված չեն»,–գրում է թերթը։
Հավելենք, որ այս տարվա հոկտեմբերի 14–ին ՀՀ սահմանադրական դատարանի նախագահի ընտրության երկու փուլ է անցկացվել, սակայն դրանցից ոչ մեկի արդյունքում նախագահ չի ընտրվել։
ՍԴ աշխատակարգային նիստում նախկինում էլ ՍԴ նախագահի թեկնածու էր առաջադրվել է ՍԴ դատավոր Էդգար Շաթիրյանի թեկնածությունը, իսկ ՍԴ դատավոր Վլադիմիր Վարդանյանն ինքնառաջադրվել է։ Սահմանադրական դատարանը հայտարարություն տարածեց` նշելով, որ գաղտնի քվեարկության արդյունքով թեկնածուներից ոչ մեկը չի ստացել ընտրվելու համար անհրաժեշտ թվով կողմ ձայներ։
Հիշեցնենք, որ հոկտեմբերի 12-ին լրացել է Արման Դիլանյանի՝ Սահմանադրական դատարանի նախագահի պաշտոնավարման ժամկետը։ Նա շարունակում է պաշտոնավարել որպես ՍԴ դատավոր։
ՍԴ աշխատակարգային նիստում նախկինում էլ ՍԴ նախագահի թեկնածու էր առաջադրվել է ՍԴ դատավոր Էդգար Շաթիրյանի թեկնածությունը, իսկ ՍԴ դատավոր Վլադիմիր Վարդանյանն ինքնառաջադրվել է։ Սահմանադրական դատարանը հայտարարություն տարածեց` նշելով, որ գաղտնի քվեարկության արդյունքով թեկնածուներից ոչ մեկը չի ստացել ընտրվելու համար անհրաժեշտ թվով կողմ ձայներ։
Հիշեցնենք, որ հոկտեմբերի 12-ին լրացել է Արման Դիլանյանի՝ Սահմանադրական դատարանի նախագահի պաշտոնավարման ժամկետը։ Նա շարունակում է պաշտոնավարել որպես ՍԴ դատավոր։
