https://arm.sputniknews.ru/20261014/sahmanadrakan-datarany-2-angam-chi-karvoghacel-nakhagah-yntrel-108125605.html
Սահմանադրական դատարանը 2 անգամ չի կարողացել նախագահ ընտրել
Սահմանադրական դատարանը 2 անգամ չի կարողացել նախագահ ընտրել
Sputnik Արմենիա
Սահմանադրական դատարանի նախագահի ընտրությունը համարվում է չկայացած, կանցկացվի նոր ընտրություն։ 14.10.2026, Sputnik Արմենիա
2026-10-14T21:54+0400
2026-10-14T21:54+0400
2026-10-14T22:08+0400
հայաստան
սահմանադրական դատարան
հհ վարչապետի ընտրություն
https://cdn.am.imgsputniknews.ru/img/07ea/0a/0e/108125421_0:0:593:333_1920x0_80_0_0_edab8544a1db347c75abbd99929bbfc9.jpg
ԵՐԵՎԱՆ, 14 հոկտեմբերի – Sputnik․ ՀՀ սահմանադրական դատարանի նախագահի ընտրության երկու փուլ է անցկացվել, սակայն դրանցից ոչ մեկի արդյունքում նախագահ չի ընտրվել։ Այս մասին հայտնում է Սահմանադրական դատարանը։«Փաստինֆո» գործակալությունն ավելի վաղ տեղեկացրել էր, որ ՀՀ Սահմանադրական դատարանին չի հաջողվել նոր նախագահ ընտրել։ՍԴ–ն հաստատել է, որ ՍԴ աշխատակարգային նիստում որպես ՍԴ նախագահի թեկնածու առաջադրվել է ՍԴ դատավոր Էդգար Շաթիրյանի թեկնածությունը, իսկ ՍԴ դատավոր Վլադիմիր Վարդանյանն ինքնառաջադրվել է։ Նշենք, որ Վլադիմիր Վարդանյանն իրավաբանական գիտությունների թեկնածու է։ 2018 թվականի ապրիլից մինչև 2019 թվականի հունվար ղեկավարել է Սահմանադրական դատարանի աշխատակազմը։ Նա նախկինում եղել է իշխող «Քաղաքացիական պայմանագիր» կուսակցության անդամ և ԱԺ «Քաղաքացիական պայմանագիր» խմբակցության պատգամավոր։ Վարդանյանը Սահմանադրական դատարանի դատավոր է ընտրվել 2026 թվականի մարտի 25-ին։ՍԴ նախագահի պաշտոնի մյուս թեկնածուն՝ Էդգար Շաթիրյանը, իրավաբանական գիտությունների թեկնածու է, դոցենտ։ Նա նախկինում եղել է Բարձրաստիճան պաշտոնատար անձանց էթիկայի հանձնաժողովի, այնուհետև Կոռուպցիայի կանխարգելման հանձնաժողովի անդամ։ ՍԴ դատավոր է ընտրվել 2020 թվականին։Հիշեցնենք, որ հոկտեմբերի 12-ին լրացել է Արման Դիլանյանի՝ Սահմանադրական դատարանի նախագահի պաշտոնավարման ժամկետը։ Նա շարունակում է պաշտոնավարել որպես ՍԴ դատավոր։Նշենք, որ Սահմանադրական դատարանի աշխատակարգի 20-րդ կետով սահմանվում է, որ ՍԴ նախագահի նոր ընտրությունը պետք է անցկացվի երկրորդ փուլի քվեարկությունից ոչ շուտ, քան 10 և ոչ ուշ, քան 30 օր հետո։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սահմանադրական դատարան, հհ վարչապետի ընտրություն
հայաստան, սահմանադրական դատարան, հհ վարչապետի ընտրություն
Սահմանադրական դատարանը 2 անգամ չի կարողացել նախագահ ընտրել
21:54 14.10.2026 (Թարմացված է: 22:08 14.10.2026) Սահմանադրական դատարանի նախագահի ընտրությունը համարվում է չկայացած, կանցկացվի նոր ընտրություն։
ԵՐԵՎԱՆ, 14 հոկտեմբերի – Sputnik․ ՀՀ սահմանադրական դատարանի նախագահի ընտրության երկու փուլ է անցկացվել, սակայն դրանցից ոչ մեկի արդյունքում նախագահ չի ընտրվել։ Այս մասին հայտնում է
Սահմանադրական դատարանը։
«Փաստինֆո» գործակալությունն ավելի վաղ
տեղեկացրել էր, որ ՀՀ Սահմանադրական դատարանին չի հաջողվել նոր նախագահ ընտրել։
ՍԴ–ն հաստատել է, որ ՍԴ աշխատակարգային նիստում որպես ՍԴ նախագահի թեկնածու առաջադրվել է ՍԴ դատավոր Էդգար Շաթիրյանի թեկնածությունը, իսկ ՍԴ դատավոր Վլադիմիր Վարդանյանն ինքնառաջադրվել է։
«Գաղտնի քվեարկության արդյունքով թեկնածուներից ոչ մեկը (ՍԴ դատավորներ Էդգար Շաթիրյանը և Վլադիմիր Վարդանյանը) չի ստացել ընտրվելու համար անհրաժեշտ թվով կողմ ձայներ։ Օրենքով սահմանված կարգով անցկացվել է ՍԴ նախագահի ընտրության երկրորդ փուլ, որի արդյունքով ևս թեկնածուներից ոչ մեկը չի ստացել ընտրվելու համար անհրաժեշտ թվով կողմ ձայներ։ Ուստի ընտրությունը համարվում է չկայացած, և կանցկացվի նոր ընտրություն»,– ասված է ՍԴ–ի հայտարարությունում։
Նշենք, որ Վլադիմիր Վարդանյանն իրավաբանական գիտությունների թեկնածու է։ 2018 թվականի ապրիլից մինչև 2019 թվականի հունվար ղեկավարել է Սահմանադրական դատարանի աշխատակազմը։ Նա նախկինում եղել է իշխող «Քաղաքացիական պայմանագիր» կուսակցության անդամ և ԱԺ «Քաղաքացիական պայմանագիր» խմբակցության պատգամավոր։ Վարդանյանը Սահմանադրական դատարանի դատավոր է ընտրվել 2026 թվականի մարտի 25-ին։
ՍԴ նախագահի պաշտոնի մյուս թեկնածուն՝ Էդգար Շաթիրյանը, իրավաբանական գիտությունների թեկնածու է, դոցենտ։ Նա նախկինում եղել է Բարձրաստիճան պաշտոնատար անձանց էթիկայի հանձնաժողովի, այնուհետև Կոռուպցիայի կանխարգելման հանձնաժողովի անդամ։ ՍԴ դատավոր է ընտրվել 2020 թվականին։
Հիշեցնենք, որ հոկտեմբերի 12-ին լրացել է Արման Դիլանյանի՝ Սահմանադրական դատարանի նախագահի պաշտոնավարման ժամկետը։ Նա շարունակում է պաշտոնավարել որպես ՍԴ դատավոր։
Նշենք, որ Սահմանադրական դատարանի աշխատակարգի 20-րդ կետով սահմանվում է, որ ՍԴ նախագահի նոր ընտրությունը պետք է անցկացվի երկրորդ փուլի քվեարկությունից ոչ շուտ, քան 10 և ոչ ուշ, քան 30 օր հետո։
