https://arm.sputniknews.ru/20261026/arshak-srbazanin-tujlatrecin-chmasnakcel-nisterin-ev-ejmiatsnic-durs-gtnvvogh-bkner-ajcelel-108552671.html
Արշակ սրբազանին թույլատրեցին չմասնակցել նիստերին և Էջմիածնից դուրս գտնվող ԲԿ–ներ այցելել
Արշակ սրբազանին թույլատրեցին չմասնակցել նիստերին և Էջմիածնից դուրս գտնվող ԲԿ–ներ այցելել
Sputnik Արմենիա
Մայր աթոռի դիվանապետը դատարանի որոշմամբ նաև կարող է չմասնակցել իր գործով դատական նիստերին։ 26.10.2026, Sputnik Արմենիա
2026-10-26T17:00+0400
2026-10-26T17:00+0400
2026-10-26T17:10+0400
տեր արշակ արքեպիսկոպոս խաչատրյան
դատարան
նիստ
հիվանդանոց
https://cdn.am.imgsputniknews.ru/img/07ea/03/05/99523052_0:0:1280:720_1920x0_80_0_0_c1533bb83fe48752210c30810b936a85.jpg
ԵՐԵՎԱՆ, 26 հոկտեմբերի – Sputnik. Մայր աթոռի դիվանապետ Արշակ արքեպիսկոպոս Խաչատրյանն այսուհետև կկարողանա Վաղարշապատ համայնքի տարածքից դուրս գտնվող բուժհաստատություններ այցելել։ Նման որոշում կայացրեց Արմավիրի մարզի ընդհանուր իրավասության դատարանի դատավոր Արթուր Ադամյանը` բավարարելով փաստաբան Արսեն Բաբայանի միջնորդությունը։Նշենք, որ Արշակ սրբազանի նկատմամբ սահմանված էր վարչական հսկողություն և Էջմիածնի տարածքից բացակայելու արգելք։Փաստաբանը միջնորդեց սրբազանին թույլ տալ Էջմիածնից դուրս ԲԿ–ներ այցելել` ելնելով առողջական վիճակից։ Խնդրեց նաև դռնփակ քննարկել հարցը։ Դրանից հետո դատավորը բավարարեց միջնորդությունը։Արշակ սրբազանը կապ չունի հայտնի տեսագրությունների հետ. Արսեն ԲաբայանԲաբայանը նաև միջնորդություն ներկայացրեց, որպեսզի Արշակ սրբազանին թույլատրեն չմասնակցել դատական նիստերին, ինչը նույնպես բավարարվեց։Դատական նիստի ընթացքում հանրային մեղադրողն էլ թվարկեց ապացույցները, որոնք, ըստ իրեն, նշանակություն ունեն վերդիկտի կայացման համար և դատարանում պետք է հետազոտվեն, այդ թվում՝ ուսապարկի (որում թմրանյութ է հայտնաբերվել) զննության արձանագրությունը, վկաների հարցաքննությունը, հեռախոսային կապերի վերաբերյալ տվյալները և այլն։Բաբայանը, սակայն, նշեց՝ յուրաքանչյուր կողմ, ներկայացնելով ապացույցը, պետք է նշի, թե ապացույցը կոնկրետ ինչ փաստական հանգամանք է հաստատում։Հիշեցնենք, որ հետագայում Արշակ սրբազանի նկատմամբ մեղադրանք է ներկայացվել մի խումբ անձանց կողմից նախնական համաձայնությամբ թմրամիջոց ապօրինի իրացնելու հոդվածով։ Դեկտեմբերի 5-ին նա կալանավորվեց։ 2026-ի փետրվարի 3-ին նրա կալանքի ժամկետը երկարաձգվեց 2 ամսով։ Մարտի 5-ին Արշակ սրբազանն ազատ արձակվեց, նրա նկատմամբ սահմանվեց վարչական հսկողություն։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տեր արշակ արքեպիսկոպոս խաչատրյան, դատարան, նիստ, հիվանդանոց
տեր արշակ արքեպիսկոպոս խաչատրյան, դատարան, նիստ, հիվանդանոց
Արշակ սրբազանին թույլատրեցին չմասնակցել նիստերին և Էջմիածնից դուրս գտնվող ԲԿ–ներ այցելել
17:00 26.10.2026 (Թարմացված է: 17:10 26.10.2026) Մայր աթոռի դիվանապետը դատարանի որոշմամբ նաև կարող է չմասնակցել իր գործով դատական նիստերին։
ԵՐԵՎԱՆ, 26 հոկտեմբերի – Sputnik. Մայր աթոռի դիվանապետ Արշակ արքեպիսկոպոս Խաչատրյանն այսուհետև կկարողանա Վաղարշապատ համայնքի տարածքից դուրս գտնվող բուժհաստատություններ այցելել։ Նման որոշում կայացրեց Արմավիրի մարզի ընդհանուր իրավասության դատարանի դատավոր Արթուր Ադամյանը` բավարարելով փաստաբան Արսեն Բաբայանի միջնորդությունը։
Նշենք, որ Արշակ սրբազանի նկատմամբ սահմանված էր վարչական հսկողություն և Էջմիածնի տարածքից բացակայելու արգելք։
Փաստաբանը միջնորդեց սրբազանին թույլ տալ Էջմիածնից դուրս ԲԿ–ներ այցելել` ելնելով առողջական վիճակից։ Խնդրեց նաև դռնփակ քննարկել հարցը։ Դրանից հետո դատավորը բավարարեց միջնորդությունը։
Բաբայանը նաև միջնորդություն ներկայացրեց, որպեսզի Արշակ սրբազանին թույլատրեն չմասնակցել դատական նիստերին, ինչը նույնպես բավարարվեց։
Դատական նիստի ընթացքում հանրային մեղադրողն էլ թվարկեց ապացույցները, որոնք, ըստ իրեն, նշանակություն ունեն վերդիկտի կայացման համար և դատարանում պետք է հետազոտվեն, այդ թվում՝ ուսապարկի (որում թմրանյութ է հայտնաբերվել) զննության արձանագրությունը, վկաների հարցաքննությունը, հեռախոսային կապերի վերաբերյալ տվյալները և այլն։
Բաբայանը, սակայն, նշեց՝ յուրաքանչյուր կողմ, ներկայացնելով ապացույցը, պետք է նշի, թե ապացույցը կոնկրետ ինչ փաստական հանգամանք է հաստատում։
«Թող հանրային մեղադրողը ներկայացնի՝ որ վկայի ցուցմունքը ինչ փաստական հանգամանք է հաստատում կամ հերքում, որ գրավոր ապացույցը ինչ փաստական հանգամանք է հաստատում կամ հերքում։ Մենք ցուցմունքների արժանահավատության հարց չենք քննարկում»,- ասաց նա։
Հիշեցնենք, որ հետագայում Արշակ սրբազանի նկատմամբ
մեղադրանք է ներկայացվել մի խումբ անձանց կողմից նախնական համաձայնությամբ թմրամիջոց ապօրինի իրացնելու հոդվածով։ Դեկտեմբերի 5-ին նա
կալանավորվեց։ 2026-ի փետրվարի 3-ին նրա
կալանքի ժամկետը երկարաձգվեց 2 ամսով։ Մարտի 5-ին Արշակ սրբազանն
ազատ արձակվեց, նրա նկատմամբ սահմանվեց վարչական հսկողություն։
