https://arm.sputniknews.ru/20261009/aregnaz-manukjanin-dataran-chnerkajacnelu-pattsharvov-nisty-hetadzgvel-e-107921988.html

Արեգնազ Մանուկյանին դատարան չներկայացնելու պատճառով նիստը հետաձգվել է

Արեգնազ Մանուկյանին դատարան չներկայացնելու պատճառով նիստը հետաձգվել է

Sputnik Արմենիա

Նիստի ընթացքում փորձ է արվել ապահովել Մանուկյանի ներկայությունը, սակայն նրան սահմանված ժամանակահատվածում դատարան տեղափոխել չի հաջողվել։ 09.10.2026, Sputnik Արմենիա

2026-10-09T20:39+0400

2026-10-09T20:39+0400

2026-10-09T20:48+0400

արեգնազ մանուկյան

դատարան

պրոբացիայի ծառայություն

անդրանիկ թևանյան

https://cdn.am.imgsputniknews.ru/img/07ea/09/07/106561358_0:272:720:677_1920x0_80_0_0_c6add31b65c99db6d40812c781e92e49.jpg

ԵՐԵՎԱՆ, 9 հոկտեմբերի – Sputnik․ «Մայր Հայաստան» կուսակցության առաջնորդ Անդրանիկ Թևանյանի և կուսակցության վարչության անդամ Արեգնազ Մանուկյանի գործով դատական նիստը հետաձգվել է՝ տնային կալանքի տակ գտնվող Մանուկյանին դատարան չներկայացնելու պատճառով։ Այս մասին հայտարարություն է տարածել «Մայր Հայաստան» ժողովրդական շարժումը։Նշենք, որ տնային կալանքում գտնվող անձանց դատարան պարտավոր են ներկայացնել Պրոբացիայի ծառայության աշխատակիցները։Ըստ հայտարարության` նիստի ընթացքում փորձ է արվել ապահովել Մանուկյանի ներկայությունը, սակայն նրան սահմանված ժամանակահատվածում դատարան տեղափոխել չի հաջողվել։Այսօրվա նիստում նախատեսվում էր շարունակել դատական քննությունը՝ ապացույցների հետազոտման փուլում։Հիշեցնենք` հուլիսի 9-ի վաղ առավոտյան իրավապահները ներխուժեցին Արեգնազ Մանուկյանի տուն և ձերբակալեցին նրան։ Ավելի ուշ ՔԿ–ն հայտարարեց, որ Մանուկյանը մեղադրվում է պետական գաղտնիք հրապարակելու մեջ։ Նույն օրը նա կալանավորվեց։ Սեպտեմբերի 22-ից Մանուկյանի կալանքը փոխարինվեց 3 ամիս ժամկետով տնային կալանքով՝ հաղորդակցության սահմանափակմամբ։Մանուկյանն անցնում է նույն գործով, ինչ «Մայր Հայաստան» կուսակցության առաջնորդ Անդրանիկ Թևանյանը։ Վերջինս մեղադրվում է լրտեսության և պետական դավաճանության մեջ և կալանքի տակ է մայիսի 23–ից։

2026

Լուրեր

am_HY

արեգնազ մանուկյան, դատարան, պրոբացիայի ծառայություն, անդրանիկ թևանյան