https://arm.sputniknews.ru/20260928/heci-bazhnetvomsery-geraka-shah-tshanachelu-nakhagitsy-2rd-hanrajin-lsumn-ancav-107404516.html

ՀԷՑ–ի բաժնետոմսերը գերակա շահ ճանաչելու նախագիծը 2–րդ հանրային լսումն անցավ

ՀԷՑ–ի բաժնետոմսերը գերակա շահ ճանաչելու նախագիծը 2–րդ հանրային լսումն անցավ

Sputnik Արմենիա

ՀԷՑ–ի սեփականատեր «Տաշիր գրուպ»–ից որևէ ներկայացուցիչ լսումներին չի մասնակցել։ 28.09.2026, Sputnik Արմենիա

2026-09-28T17:04+0400

2026-09-28T17:04+0400

2026-09-28T17:22+0400

հայաստանի էլեկտրական ցանցեր (հէց)

հանրային ծառայությունները կարգավորող հանձնաժողով (հծկհ)

հանրային գերակա շահ

հհ տկեն (հհ տարածքային կառավարման և ենթակառուցվածքների նախարարություն)

https://cdn.am.imgsputniknews.ru/img/07e9/07/08/91069355_0:146:1280:866_1920x0_80_0_0_d69e3292bc89b892d1f1dce54956d24b.jpg

ԵՐԵՎԱՆ, 28 սեպտեմբերի – Sputnik. ՀՀ տարածքային կառավարման և ենթակառուցվածքների նախարարությունում այսօր տեղի է ունեցել «Հայաստանի էլեկտրական ցանցեր» ՓԲԸ-ի 100 % բաժնետոմսերի (բաժնեմասի) նկատմամբ հանրային գերակա շահ ճանաչելու մասին ՀՀ կառավարության որոշման նախագծի նոր հանրային լսումը։ Տեղեկությունը հայտնում է ՀՀ տարածքային կառավարման և ենթակառուցվածքների նախարարության մամուլի խոսնակը։ Հանրային լսումը վարում էր ՏԿԵ նախարար Դավիթ Խուդաթյանը։ ՏԿԵՆ–ից նշում են, որ հանրային լսմանը մասնակցել են ՀԷՑ ժամանակավոր կառավարիչ Ռոմանոս Պետրոսյանը, ՀՀ հանրային ծառայությունները կարգավորող հանձնաժողովի անդամ Սերգեյ Աղինյանը, էներգետիկ համակարգի ընկերությունների ղեկավարներ ու ներկայացուցիչներ, լրատվամիջոցների ներկայացուցիչներ, քաղաքացիներ։Նախարարությունից հայտնում են, որ մասնակիցների կողմից նախագծի վերաբերյալ առաջարկություններ և դիտողություններ չեն ներկայացվել։ Ի դեպ, լսումներին ՀԷՑ–ի սեփականատեր «Տաշիր գրուպ»–ից ներկայացուցիչներ չեն եղել։Նշենք, որ հանրային առաջին լսումն այս հարցով անցկացվել է այս տարվա հուլիսի 28–ին։ ՀՀ կառավարության որոշման նախագիծը, ըստ որի` ՀՀ կառավարությունը մտադիր է «Հայաստանի էլեկտրական ցանցեր» ընկերության 100 տոկոս բաժնետոմսերի նկատմամբ սեփականության օտարման գործընթացն ավարտել 2027 թ. հոկտեմբերի 1–ին, իրավական ակտերի նախագծերի հրապարակման e-draft միասնական կայքում հրապարկվել է 2026 թ. սեպտեմբերի 9–ին։Հիշեցնենք` ՀՀ Ազգային ժողովը 2025 թվականի հուլիսի 3–ին ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։2026 թվականի մայիսի 8–ին հայտնի դարձավ, որ ՀՀ կառավարությունը ՀԷՑ–ը ձեռք բերելու համար 380 000 դոլար է առաջարկել սեփականատերերին՝ գործարար և «Ուժեղ Հայաստան» դաշինքի առաջնորդ Սամվել Կարապետյանի ընտանիքին (Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար)։ Կարապետյանը գումարի այս չափն անընդունելի է համարել, ու բանակցությունները չեն կայացել։Հունիսին հայտնի դարձավ, որ ՀՀ կառավարությունը մտադիր է ՀԷՑ–ի 100% բաժնետոմսերը ճանաչել հանրության գերական շահ։ՀԷՑ–ի ժամանակավոր կառավարիչ Ռոմանոս Պետրոսյանը հունիսի 29-ին հայտարարեց, թե կառավարությունը որոշում կընդունի «Հայաստանի էլեկտրական ցանցեր» ՓԲԸ–ն հանրային գերակա շահ ճանաչելու մասին, որին կհաջորդեն արդեն շուկայական արժեքի գնահատումը և փոխհատուցումը։

2026

Լուրեր

am_HY

հայաստանի էլեկտրական ցանցեր (հէց), հանրային ծառայությունները կարգավորող հանձնաժողով (հծկհ), հանրային գերակա շահ, հհ տկեն (հհ տարածքային կառավարման և ենթակառուցվածքների նախարարություն)