https://arm.sputniknews.ru/20260827/vehaparn-u-episkvopvosnery-vaghva-datakan-nistin-chen-masnakcelu-pastaban-106163062.html
Վեհափառն ու եպիսկոպոսները վաղվա դատական նիստին չեն մասնակցելու. փաստաբան
Վեհափառն ու եպիսկոպոսները վաղվա դատական նիստին չեն մասնակցելու. փաստաբան
Sputnik Արմենիա
Պաշտպանն ընդգծում է՝ պետությունը չի ձեռնադրում եպիսկոպոս, հետևաբար չի կարող որոշել՝ որևէ անձը կարգալույծ հռչակված համարվի՞, թե՞ ոչ։ 27.08.2026, Sputnik Արմենիա
2026-08-27T09:54+0400
2026-08-27T09:54+0400
2026-08-27T16:42+0400
կաթողիկոս
ամենայն հայոց կաթողիկոս գարեգին բ
դատ
եպիսկոպոս
դատարան
արա զոհրաբյան
փաստաբան
https://cdn.am.sputniknews.ru/img/07ea/08/07/105541438_0:67:1280:787_1920x0_80_0_0_abb3ba7d8a015f7d053d63b4492bd385.jpg
ԵՐԵՎԱՆ, 27 օգոստոսի – Sputnik․ Ամենայն հայոց կաթողիկոս Գարեգին Բ-ն և եպիսկոպոսները օգոստոսի 28-ին նշանակված դատական նիստին ներկա չեն լինելու։ Այս մասին հայտնում է փաստաբան Արա Զոհրաբյանը՝ նշելով, որ նիստին կմասնակցեն պաշտպանները։Ավելի վաղ հայտնի էր դարձել, որ կաթողիկոսի և 6 եպիսկոպոսների գործը մակագրվել է Արմավիրի մարզի առաջին ատյանի ընդհանուր իրավասության դատավոր Սերժ Ռուշանյանին։ Նախնական դատալսումների առաջին նիստը նշանակվել է օգոստոսի 28-ին՝ ժամը 16։30-ին։Փաստաբանը հիշեցնում է, որ ըստ մեղադրանքի` Ամենայն հայոց կաթողիկոսը կարգալույծ է հռչակել նախկինում Մասյացոտնի թեմի առաջնորդ Գևորգ եպիսկոպոս Սարոյանին (ներկայում՝ Արման Սարոյան), և հենց այդ կարգալուծումն է որակվել որպես դատական ակտի կատարմանը խոչընդոտում։Նա հավելում է՝ եպիսկոպոսի ձեռնադրությունը, նրա հոգևոր կարգավիճակի պահպանումը, կարգապահական պատասխանատվությունը և կարգալուծումը հենց այդ ներքին կյանքի առանցքային տարրերն են։ Պետությունը չի ձեռնադրում եպիսկոպոս կամ շնորհում եպիսկոպոսական աստիճան, հետևաբար պետությունը չի կարող նաև որոշել, որ կոնկրետ անձը, անկախ եկեղեցու բարձրագույն կանոնական իշխանության որոշումից, պետք է շարունակի համարվել եպիսկոպոս, թե ոչ։«Երբ պետությունը կարգալույծ հռչակելու տնօրինությունն ինքնին կապում է աշխարհիկ դատական ակտի խոչընդոտման հետ, ապա պետությունն իրեն է վերապահում հոգևոր կարգավիճակի վերջնական որոշման իրավասությունը»,- նշում է Զոհրաբյանը։Հիշեցնենք` փետրվարի 14-ին հայտնի դարձավ, որ Ամենայն հայոց կաթողիկոսի նկատմամբ քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, արգելվել է նրա ելքը Հայաստանից:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կաթողիկոս, ամենայն հայոց կաթողիկոս գարեգին բ, դատ, եպիսկոպոս, դատարան, արա զոհրաբյան, փաստաբան
կաթողիկոս, ամենայն հայոց կաթողիկոս գարեգին բ, դատ, եպիսկոպոս, դատարան, արա զոհրաբյան, փաստաբան
Վեհափառն ու եպիսկոպոսները վաղվա դատական նիստին չեն մասնակցելու. փաստաբան
09:54 27.08.2026 (Թարմացված է: 16:42 27.08.2026) Պաշտպանն ընդգծում է՝ պետությունը չի ձեռնադրում եպիսկոպոս, հետևաբար չի կարող որոշել՝ որևէ անձը կարգալույծ հռչակված համարվի՞, թե՞ ոչ։
ԵՐԵՎԱՆ, 27 օգոստոսի – Sputnik․ Ամենայն հայոց կաթողիկոս Գարեգին Բ-ն և եպիսկոպոսները օգոստոսի 28-ին նշանակված դատական նիստին ներկա չեն լինելու։ Այս մասին հայտնում է փաստաբան Արա Զոհրաբյանը՝ նշելով, որ նիստին կմասնակցեն պաշտպանները։
Ավելի վաղ հայտնի էր դարձել, որ կաթողիկոսի և 6 եպիսկոպոսների
գործը մակագրվել է Արմավիրի մարզի առաջին ատյանի ընդհանուր իրավասության դատավոր Սերժ Ռուշանյանին։ Նախնական դատալսումների առաջին նիստը նշանակվել է օգոստոսի 28-ին՝ ժամը 16։30-ին։
Փաստաբանը հիշեցնում է, որ ըստ մեղադրանքի` Ամենայն հայոց կաթողիկոսը կարգալույծ է հռչակել նախկինում Մասյացոտնի թեմի առաջնորդ Գևորգ եպիսկոպոս Սարոյանին (ներկայում՝ Արման Սարոյան), և հենց այդ կարգալուծումն է որակվել որպես դատական ակտի կատարմանը խոչընդոտում։
«Դատարանի առջև դրված առաջին և հիմնական իրավական հարցը պետք է լինի հետևյալը. կարո՞ղ է արդյոք եպիսկոպոսին կարգալույծ հռչակելը՝ որպես ինքնուրույն հոգևոր-կանոնական ակտ ինքնին ճանաչվել քրեորեն պատժելի «խոչընդոտում»։ Հայաստանի Սահմանադրությունը և օրենքները պետության համար սահմանում են ոչ միայն ընդհանուր չեզոքության պահանջ, այլև ուղղակի պարտականություն՝ չմտնել Հայաստանյայց առաքելական սուրբ եկեղեցու ներքին կառավարման ու կանոնական կյանքի ոլորտ»,- նշում է Զոհրաբյանը։
Նա հավելում է՝ եպիսկոպոսի ձեռնադրությունը, նրա հոգևոր կարգավիճակի պահպանումը, կարգապահական պատասխանատվությունը և կարգալուծումը հենց այդ ներքին կյանքի առանցքային տարրերն են։ Պետությունը չի ձեռնադրում եպիսկոպոս կամ շնորհում եպիսկոպոսական աստիճան, հետևաբար պետությունը չի կարող նաև որոշել, որ կոնկրետ անձը, անկախ եկեղեցու բարձրագույն կանոնական իշխանության որոշումից, պետք է շարունակի համարվել եպիսկոպոս, թե ոչ։
«Երբ պետությունը կարգալույծ հռչակելու տնօրինությունն ինքնին կապում է աշխարհիկ դատական ակտի խոչընդոտման հետ, ապա պետությունն իրեն է վերապահում հոգևոր կարգավիճակի վերջնական որոշման իրավասությունը»,- նշում է Զոհրաբյանը։
Հիշեցնենք` փետրվարի 14-ին հայտնի դարձավ, որ Ամենայն հայոց կաթողիկոսի նկատմամբ
քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, արգելվել է նրա ելքը Հայաստանից:
