https://arm.sputniknews.ru/20260826/hhn-voreve-qajl-chi-anum-rdi-het-haraberutjunnery-vattaracnelu-hamar-rubinjan-106134245.html

ՀՀ–ն որևէ քայլ չի անում ՌԴ–ի հետ հարաբերությունները վատթարացնելու համար. Ռուբինյան

ՀՀ–ն որևէ քայլ չի անում ՌԴ–ի հետ հարաբերությունները վատթարացնելու համար. Ռուբինյան

Sputnik Արմենիա

ԱԺ նախագահն անդրադարձավ նաև ՌԴ նախագահի մամուլի քարտուղար Դմիտրի Պեսկովի` ՀԱՊԿ–ի մասին հայտարարությանը։ 26.08.2026, Sputnik Արմենիա

2026-08-26T11:58+0400

2026-08-26T11:58+0400

2026-08-26T12:38+0400

եվրասիական տնտեսական միություն (եատմ)

հայաստան և եատմ

տեսանյութեր

տեսանյութ

հայաստան

հայաստան-ռուսաստան համագործակցություն

ռուսաստան

ռուբեն ռուբինյան

հայաստան և հապկ

https://cdn.am.sputniknews.ru/img/07ea/08/1a/106133824_0:0:1920:1080_1920x0_80_0_0_2edd52536fab68b94dd83936b8c5dc93.jpg

ԵՐԵՎԱՆ, 26 օգոստոսի – Sputnik. Հայաստանը որևէ քայլ չի անում ՌԴ–ի հետ հարաբերությունները վատթարացնելու համար։ Այդ մասին այսօր ԱԺ–ում ճեպազրույցի ժամանակ ասաց ԱԺ նախագահ Ռուբեն Ռուբինյանը` անդրադառնալով ՌԴ Պետդումայի նախագահ Վյաչեսլավ Վոլոդինի հայտարարությանը։Ինչպես հայտնել ենք, օգոստոսի 24-ին ՀՀ վարչապետ Նիկոլ Փաշինյանն ԱԺ–ում հայտարարեց, որ Երևանն առաջիկայում կսկսի ԵՄ-ին անդամակցելու հայտի նախապատրաստումը։​ Վոլոդինը, ոնդրադառնալով այս հայտարարությանը, Հայաստանին կոչ է արել դադարեցնել «կեղծավոր ու ցինիկ» քաղաքականությունը և հստակ կողմնորոշվել Եվրամիության (ԵՄ) և Եվրասիական տնտեսական միության (ԵԱՏՄ) միջև։Ինչ վերաբերում է ԵՄ անդամի թեկնածու դառնալու դիմումին, նրա խոսքով` հենց ԵԱՏՄ գործընկերներն են ամեն կերպ ջանում, որ մենք դա անենք մի պարզ պատճառով` նրանք անընդհատ ասում են, որ պետք է հանրաքվե անցկացնենք, իսկ դա հնարավոր կլինի, եթե այդ հարցը ձևակերպված լինի և այդ հարցից բխող հանգամանքները հայտնի լինեն։«Այսինքն, հնարավոր չէ ուղղակի հանրաքվե անել` ուզո՞ւմ եք լինել Եմ անդամ, եթե դրա հարակից գործողություններն արված չեն։ Հանրաքվեն հնարավոր կլինի անցկացնել միայն այն բանից հետո, երբ դիմենք ԵՄ անդամակցության համար, ստանանք պատասխան արձագանք, համապատասխան դրական արձագանք, ժամանակային շրջանակների վերաբերյալ քայլերի ավելի հստակություն, այդ ժամանակ հնարավոր կլինի անցկացնել հանրաքվե»,– նշեց Ռուբինյանը։Նա անդրադարձավ նաև ՌԴ նախագահի մամուլի քարտուղար Դմիտրի Պեսկովի հայտարարությանը, որ Հայաստանն ազատ է դուրս գալ ՀԱՊԿ-ից, եթե Երևանն այլևս նպատակահարմար չի համարում իր անդամակցությունն այդ կառույցին: «Մենք այսպես թե այնպես գիտեինք, որ Երևանն ազատ է իր ընտրության հարցում, և այսուհետ Երևանը միշտ ազատ է լինելու իր ընտրության իրականացման հարցում»,– հայտարարեց ԱԺ նախագահը։Հիշեցնենք` 2024 թվականի փետրվարին հայտնի դարձավ, որ Երևանը սառեցրել է իր մասնակցությունը ՀԱՊԿ–ին:Այս տարվա օգոստոսի 20–ին Հայաստանի կառավարության հնգամյա ծրագիրը ներկայացնելիս ՀՀ վարչապետ Նիկոլ Փաշինյանը հայտարարեց, որ Հայաստանում ՀԱՊԿ վերադառնալու ծրագրեր չկան, և հավելեց, թե գոհ կլինի, եթե կազմակերպությունը որոշի Հայաստանին հեռացնել ՀԱՊԿ կազմից։Ռուսական կողմի արձագանքը չուշացավ. ՌԴ նախագահի խոսնակ Դմիտրի Պեսկովը հայտարարեց` Երևանն ազատ է լքել ՀԱՊԿ-ը, եթե իր ազգային շահերից ելնելով՝ այլևս անդամակցության կարիք չունի անվտանգության ապահովման համար կարևոր այդ կազմակերպությունում։

2026

Լուրեր

am_HY

եվրասիական տնտեսական միություն (եատմ), հայաստան և եատմ, տեսանյութեր, տեսանյութ, հայաստան, հայաստան-ռուսաստան համագործակցություն, ռուսաստան, ռուբեն ռուբինյան, видео, հայաստան և հապկ, հավաքական անվտանգության պայմանագիր կազմակերպություն (հապկ)