Օդի ջերմաստիճանը կհասնի +40–ի. եղանակի տեսություն
© Sputnik / Andranik Ghazaryan
Բաժանորդագրվել
Ջերմաստիճանի բարձրացումը պայմանավորված է Իրաքից տաք օդային հոսանքնեի ներթափանցմամբ։
ԵՐԵՎԱՆ, 23 օգոստոսի – Sputnik. Հայաստանի Հանրապետության տարածքում այսօր և վաղը սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
«Իրաքի շրջաններից արևադարձային տաք օդի ալիքի ներթափանցմամբ պայմանավորված` օդի ջերմաստիճանը հանրապետության ողջ տարածքում օգոստոսի 23-24-ին, օգոստոսի 22-ի հետ համեմատ, ցերեկային ժամերին կբարձրանա 3-4 աստիճանով։ Ամենաբարձր ջերմաստիճանները կգրանցվեն օգոստոսի 24-ին` լեռնային մարզերում ցերեկը հասնելով +32․․․+33°C, նախալեռնային գոտում` +36․․․+37°C, հովտային գոտում՝ հատկապես Երևանում, Արարատյան դաշտում և Սյունիքի հովիտներում` +38․․․+40°C»,–ասվում է հաղորդագրության մեջ։
Օդերևութաբանական կանխատեսումների համաձայն` օգոստոսի 22-27-ին Երևանում, Արարատյան դաշտում, Արագածոտնի, Կոտայքի և Վայոց Ձորի նախալեռներում սպասվում է բարձր կարգի հրդեհավտանգ իրավիճակ։
Երևան քաղաքում օգոստոսի 23-25-ին սպասվում է առանց տեղումների եղանակ: Մայրաքաղաքում այսօր ցերեկային ժամերին կանխատեսվում է մինչև 38 աստիճան տաքություն։
