2 շաբաթ անց բողոքը որևէ դատավորի չի մակագրվել․ փաստաբանը՝ Արեգնազ Մանուկյանի կալանքի մասին
18:37 31.07.2026 (Թարմացված է: 18:47 31.07.2026)
© Photo : Social media of Sona Aghekyan
Բաժանորդագրվել
Անհարկի ձգձգում են․ փաստաբանը՝ Արեգնազ Մանուկյանի կալանքի դեմ բողոքի մասինՄանուկյանի փաստաբաններն արդեն համապատասխան գրությամբ դիմել են դատարանի նախագահին՝ պարզաբանելու այս ձգձումը:
ԵՐԵՎԱՆ, 31 հուլիսի - Sputnik. «Մայր Հայաստան» կուսակցության անդամ Արեգնազ Մանուկյանի կալանավորման դեմ բերված և անհապաղ քննության ենթակա բողոքը 14 օր է` վերաքննիչ դատարանի որևէ դատավորի չի մակագրվել։ Այս մասին «Ֆեբսուքի» իր էջում գրել է փաստաբան Տաթևիկ Սողոյանը։
Նշենք, որ վերաքննիչ բողոքը ներկայացվել էր հուլիսի 20-ին և պետք է մակագրվեր 10 օրվա ընթացքում։
«2 շաբաթ է անցել, բայց Արեգնազ Մանուկյանի ապօրինի կալանավորման դեմ բերված և անհապաղ քննության ենթակա բողոքը դեռևս վերաքննիչ դատարանի որևէ դատավորի չի մակագրվել: Պատճառն այն նույն դատավորի` Մանվել Շահվերդյանի «փայլուն» աշխատանքն է, որի պատճառով գործի նյութերը օրենքով սահմանված կարգով չեն փոխանցվել վերաքննիչ դատարան։ Այն նույն դատավորի, ում որոշմամբ 13 տարեկան աղջիկ երեխան զրկված է մոր հետ շփվելու իրավունքից»,- գրել է Սողոյանը:
Նա ընդգծել է, որ անհարկի ձգձգում են գործընթացը։ Փաստաբանի խոսքով՝ արդեն համապատասխան գրությամբ դիմել են դատարանի նախագահին՝ պարզաբանելու այս ձգձումը: Անհրաժեշտության դեպքում կդիմեն նաև դատավորին կարգապահական պատասխանատվության ենթարկելու հարցով:
Հիշեցնենք` հուլիսի 9-ի վաղ առավոտյան իրավապահները ներխուժեցին Արեգնազ Մանուկյանի տուն և ձերբակալեցին նրան։ Ավելի ուշ ՔԿ–ն հայտարարեց, որ Մանուկյանը մեղադրվում է պետական գաղտնիք հրապարակելու մեջ, և նա 2 ամսով կալանավորվեց։ Դատարանից նա տեղափոխվեց «Աբովյան» ՔԿՀ։ Նրա փաստաբանի տեղեկացմամբ՝ Մանուկյանին արգելված է հեռախոսակապ ունենալ նաև անչափահաս դստեր հետ։
Իրավապահները Մանուկյանի տուն էին մտել նաև հունիսի 12-ին, խուզարկություն իրականացրել, ապա նրան հրավիրել ՔԿ` հարցաքննության։ Դա արվել էր «Մայր Հայաստան» կուսակցության առաջնորդ Անդրանիկ Թևանյանի նկատմամբ նախաձեռնված քրեական վարույթի շրջանակում։
Իրավապահները Մանուկյանի տուն էին մտել նաև հունիսի 12-ին, խուզարկություն իրականացրել, ապա նրան հրավիրել ՔԿ` հարցաքննության։ Դա արվել էր «Մայր Հայաստան» կուսակցության առաջնորդ Անդրանիկ Թևանյանի նկատմամբ նախաձեռնված քրեական վարույթի շրջանակում։
