https://arm.sputniknews.ru/20260721/makar-srbazani-nkatmamb-qreakan-hetapndumy-entaka-e-dadarecman-pastaban-104883152.html

Մակար սրբազանի նկատմամբ քրեական հետապնդումը ենթակա է դադարեցման. փաստաբան

Մակար սրբազանի նկատմամբ քրեական հետապնդումը ենթակա է դադարեցման. փաստաբան

Sputnik Արմենիա

Դատարանն արձանագրել է, որ Մակար սրբազանի նկատմամբ հանրային քրեական հետապնդման ժամկետը կասեցվել է առանց դրա համար անհրաժեշտ բացառիկ հիմքի պատշաճ հիմնավորման։ 21.07.2026, Sputnik Արմենիա

2026-07-21T17:12+0400

2026-07-21T17:12+0400

2026-07-21T18:40+0400

հայաստան

եպիսկոպոս

դատարան

դատավոր

https://cdn.am.sputniknews.ru/img/07e8/0b/02/82615945_0:0:1600:900_1920x0_80_0_0_1ef8eba35f398c3e3fe53cc6bbd88395.jpg

ԵՐԵՎԱՆ, 21 հուլիսի – Sputnik. Սյունյաց թեմի առաջնորդ Մակար եպիսկոպոս Հակոբյանի նկատմամբ քրեական հետապնդումը ենթակա է դադարեցման: Այս մասին հայտնել է փաստաբան Արմինե Ֆանյանը։Նրա խոսքով` բավարարելով բողոքը` դատարանն արձանագրել է, որ Մակար սրբազանի նկատմամբ հանրային քրեական հետապնդման ժամկետը կասեցվել է առանց դրա համար անհրաժեշտ բացառիկ հիմքի պատշաճ հիմնավորման։Արդյունքում խախտվել են օրինական և հիմնավորված դատավարական ակտի, արդյունավետ դատական պաշտպանության և ողջամիտ ժամկետում մեղադրանքի հարցի լուծման իրավունքները:Հիշեցնենք` հունվարի 31-ին 6 եպիսկոպոսի մեղադրանք էր առաջադրվել դատական ակտը խոչընդոտելու հանցակազմով։ Խոսքը Մասյացոտնի թեմի նախկին առաջնորդ, կարգալույծ արված Արման Սարոյանի (նախկինում` Գևորգ եպիսկոպոս Սարոյան) գործի մասին է (դատարանը որոշել էր կաթողիկոսի որոշումն անվավեր ճանաչել և Սարոյանին վերականգնել պաշտոնում)։ Գործով դատախազը հետագայում քրեական հետապնդման ժամկետը կասեցրել էր բոլոր եպիսկոպոսների նկատմամբ։ Այդ որոշումը բողոքարկվել էր վերադաս դատախազին, որը մերժվել էր, հետագայում այդ որոշումը բողոքարկվել էր առաջին ատյանի դատարան։

2026

Լուրեր

am_HY

հայաստան, եպիսկոպոս, դատարան, դատավոր