https://arm.sputniknews.ru/20260618/rd-n-voghjunum-e-amn-i-ev-irani-mijev-pvokhymbrnman-hushagri-stvoragrumy-agn-103614141.html
ՌԴ-ն ողջունում է ԱՄՆ-ի և Իրանի միջև փոխըմբռնման հուշագրի ստորագրումը. ԱԳՆ
ՌԴ-ն ողջունում է ԱՄՆ-ի և Իրանի միջև փոխըմբռնման հուշագրի ստորագրումը. ԱԳՆ
Sputnik Արմենիա
Մոսկվան հույս ունի, որ Իրանի և ԱՄՆ-ի միջև խաղաղության հաստատումը կնպաստի Պարսից ծոցի երկրների միջև վստահության վերականգնմանը, նշել են ՌԴ ԱԳՆ–ից։ 18.06.2026, Sputnik Արմենիա
2026-06-18T14:02+0400
2026-06-18T14:02+0400
2026-06-18T14:02+0400
ռուսաստան
ամն
իրանի իսլամական հանրապետություն
հուշագիր
https://cdn.am.sputniknews.ru/img/07e9/08/1e/92932109_0:0:895:503_1920x0_80_0_0_ae6d17420b18ceb54ce887b54f802fc5.jpg
ԵՐԵՎԱՆ, 18 հունիսի – Sputnik. Ռուսական կողմը ողջունում է ԱՄՆ-ի և Իրանի միջև փոխըմբռնման հուշագրի ստորագրումը, որը կոչված է վերջ դնել հակամարտությանը։ Այս մասին այսօր հայտարարել են ՌԴ ԱԳՆ–ում։Ավելի վաղ հայտնի էր դարձել, որ ԱՄՆ-ն և Իրանը փոխըմբռնման մասին հուշագրի տեքստ են ստորագրել։ Նշվել էր, որ կողմերը դա արել են էլեկտրոնային եղանակով։Նախարարությունից նշել են, որ Մոսկվան հույս ունի, որ Իրանի և ԱՄՆ-ի միջև խաղաղության հաստատումը կնպաստի Պարսից ծոցի երկրների միջև վստահության վերականգնմանը։ԱԳՆ–ն հավելել է, որ Մոսկվան նաև հույս ունի, որ խաղաղության հաստատումը կնպաստի Հորմուզի նեղուցով անվտանգ և անարգել նավարկության վերականգնմանը, ինչպես դա եղել է մինչև փետրվարի 28-ը, ինչպես նաև կօգնի նվազեցնել համաշխարհային էներգետիկ և պարենային շուկաներում անկայունությունը, որը, առաջին հերթին, ազդում է ամենախոցելի երկրների շահերի վրա։ՌԴ ԱԳՆ–ից նաև հայտարարել են, որ Մոսկվան պատրաստ է շարունակել դիվանագիտական աջակցություն ցուցաբերել Մերձավոր Արևելքում երկարաժամկետ կայունացման հասնելու ջանքերին։Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Իրանն էլ պատասխան հարվածներ հասցրեց Մերձավոր Արևելքում գտնվող ամերիկյան ռազմաբազաներին։ Ապրիլի 8-ին ԱՄՆ նախագահ Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած 10 կետերի շուրջ։Մերձավոր Արևելքում իրավիճակը կրկին սրվեց, երբ ԱՄՆ նախագահ Դոնալդ Թրամփը Թեհրանին մեղադրեց բանակցությունները ձգձգելու մեջ և հրամայեց հարձակում սկսել: Էսկալացիայի պատճառ դարձավ վերջերս Հորմուզի նեղուցի մոտ ամերիկյան ռազմական ուղղաթիռի կործանումը։ԱՄՆ–ն հունիսի 10-ի լույս 11-ի գիշերը Իրանի ուղղությամբ 49 «Tomahawk» թևավոր հրթիռ արձակեց, Թեհրանն ի պատասխան հարվածներ հասցրեց տարածաշրջանում գտնվող ամերիկյան ռազմաբազաներին։ ԱՄՆ նախագահ Դոնալդ Թրամփը նույն օրը սպառնաց, որ Վաշինգտոնը շատ ուժեղ հարված կհասցնի Իրանին, բայց ավելի ուշ հայտարարեց, որ չեղարկել է Իրանի ուղղությամբ նախատեսված հարվածները:Իրանն ու ԱՄՆ-ն հունիսի 15-ի գիշերը հաստատեցին հուշագրի շուրջ աշխատանքների ավարտը, որը պետք է ստորագրվեր Շվեյցարիայում հունիսի 19-ին: Ինչպես նշել է իրանական կողմը, հուշագիրը ենթադրում է ռազմական գործողությունների ավարտ բոլոր ճակատներում, այդ թվում՝ Լիբանանում:
ամն
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ամն, իրանի իսլամական հանրապետություն, հուշագիր
ռուսաստան, ամն, իրանի իսլամական հանրապետություն, հուշագիր
ՌԴ-ն ողջունում է ԱՄՆ-ի և Իրանի միջև փոխըմբռնման հուշագրի ստորագրումը. ԱԳՆ
Մոսկվան հույս ունի, որ Իրանի և ԱՄՆ-ի միջև խաղաղության հաստատումը կնպաստի Պարսից ծոցի երկրների միջև վստահության վերականգնմանը, նշել են ՌԴ ԱԳՆ–ից։
ԵՐԵՎԱՆ, 18 հունիսի – Sputnik. Ռուսական կողմը ողջունում է ԱՄՆ-ի և Իրանի միջև
փոխըմբռնման հուշագրի ստորագրումը, որը կոչված է վերջ դնել հակամարտությանը։ Այս մասին այսօր հայտարարել են ՌԴ ԱԳՆ–ում։
Ավելի վաղ հայտնի էր դարձել, որ ԱՄՆ-ն և Իրանը փոխըմբռնման մասին հուշագրի տեքստ են ստորագրել։ Նշվել էր, որ կողմերը դա արել են էլեկտրոնային եղանակով։
«Ողջունում ենք ԱՄՆ-ի և Իրանի միջև ռազմական հակամարտության դադարեցման վերաբերյալ ձեռք բերված համաձայնությունը, որն ամրագրել են երկու երկրների նախագահները», – ասվում է ՌԴ ԱԳՆ–ի կայքում հրապարակված հայտարարության մեջ։
Նախարարությունից նշել են, որ Մոսկվան հույս ունի, որ Իրանի և ԱՄՆ-ի միջև խաղաղության հաստատումը կնպաստի Պարսից ծոցի երկրների միջև վստահության վերականգնմանը։
ԱԳՆ–ն հավելել է, որ Մոսկվան նաև հույս ունի, որ խաղաղության հաստատումը կնպաստի Հորմուզի նեղուցով անվտանգ և անարգել նավարկության վերականգնմանը, ինչպես դա եղել է մինչև փետրվարի 28-ը, ինչպես նաև կօգնի նվազեցնել համաշխարհային էներգետիկ և պարենային շուկաներում անկայունությունը, որը, առաջին հերթին, ազդում է ամենախոցելի երկրների շահերի վրա։
ՌԴ ԱԳՆ–ից նաև հայտարարել են, որ Մոսկվան պատրաստ է շարունակել դիվանագիտական աջակցություն ցուցաբերել Մերձավոր Արևելքում երկարաժամկետ կայունացման հասնելու ջանքերին։
Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին
հարվածներ հասցնել Իրանին։ Իրանն էլ պատասխան հարվածներ հասցրեց Մերձավոր Արևելքում գտնվող ամերիկյան ռազմաբազաներին։ Ապրիլի 8-ին ԱՄՆ նախագահ
Դոնալդ Թրամփը համաձայնեց երկու շաբաթով դադարեցնել Իրանի ուղղությամբ հարվածները և հավաստիացրեց, որ հրադադարը կլինի երկկողմանի։ Թեհրանն էլ հայտարարեց, որ ԱՄՆ-ի հետ բանակցություններ կսկսի Իսլամաբադում (Պակիստան) իրանական կողմի առաջարկած
10 կետերի շուրջ։
Մերձավոր Արևելքում իրավիճակը կրկին սրվեց, երբ ԱՄՆ նախագահ Դոնալդ Թրամփը Թեհրանին
մեղադրեց բանակցությունները ձգձգելու մեջ և հրամայեց
հարձակում սկսել: Էսկալացիայի պատճառ դարձավ վերջերս Հորմուզի նեղուցի մոտ ամերիկյան ռազմական ուղղաթիռի կործանումը։
ԱՄՆ–ն հունիսի 10-ի լույս 11-ի գիշերը Իրանի ուղղությամբ 49 «Tomahawk» թևավոր հրթիռ
արձակեց, Թեհրանն ի պատասխան հարվածներ հասցրեց տարածաշրջանում գտնվող ամերիկյան ռազմաբազաներին։ ԱՄՆ նախագահ Դոնալդ Թրամփը նույն օրը
սպառնաց, որ Վաշինգտոնը շատ ուժեղ հարված կհասցնի Իրանին, բայց ավելի ուշ
հայտարարեց, որ չեղարկել է Իրանի ուղղությամբ նախատեսված հարվածները:
Իրանն ու ԱՄՆ-ն հունիսի 15-ի գիշերը հաստատեցին հուշագրի շուրջ աշխատանքների ավարտը, որը պետք է ստորագրվեր Շվեյցարիայում հունիսի 19-ին: Ինչպես նշել է իրանական կողմը, հուշագիրը ենթադրում է ռազմական գործողությունների ավարտ բոլոր ճակատներում, այդ թվում՝ Լիբանանում:
