https://arm.sputniknews.ru/20260601/irany-dadarecnum-e-amni-het-banakcutjunnery-ev-pakum-e-hvormuzi-neghucy-102871116.html
Իրանն անհապաղ դադարեցնում է ԱՄՆ–ի հետ բանակցությունները և փակում է Հորմուզի նեղուցը
Իրանն անհապաղ դադարեցնում է ԱՄՆ–ի հետ բանակցությունները և փակում է Հորմուզի նեղուցը
Sputnik Արմենիա
Իրանի զինված ուժերն ու տարածաշրջանում նրանց դաշնակիցները պատրաստվում են անցնել ավելի կոշտ քայլերի։ 01.06.2026, Sputnik Արմենիա
2026-06-01T17:36+0400
2026-06-01T17:36+0400
2026-06-01T17:38+0400
իրանի իսլամական հանրապետություն
ամն
հորմուզի նեղուց
լիբանան
https://cdn.am.sputniknews.ru/img/07e7/0b/19/69109666_0:154:3092:1893_1920x0_80_0_0_20c005dc688f1b1538c75b5410bd9bb4.jpg
ԵՐԵՎԱՆ, 1 հունիսի – Sputnik. Իրանը, ի նշան բողոքի, ամբողջությամբ դադարեցնում է ԱՄՆ–ի հետ միջնորդավորված նամակագրությունն ու հաղորդագրությունների փոխանակումը։ Այս մասին հայտնում է իրանական «Tasnim» գործակալությունը` հավելելով, որ ԻԻՀ իշխանությունների այս որոշման պատճառը Լիբանանում և Գազայի հատվածում Իսրայելի կողմից իրականացվող ռազմական գործողությունների ակտիվացումն է ու ձեռք բերված հրադադարի խախտումը։ Ըստ գործակալության` քանի որ Լիբանանի իրավիճակի հանդարտեցումը եղել է հրադադարի հիմնական նախապայմաններից մեկը, իսկ այժմ այդ պայմանը խախտված է բոլոր ուղղություններով, իրանական կողմը չեղարկում է միջնորդների միջոցով ընթացող ցանկացած շփում։Ըստ «Tasnim»–ի` այս ամենից զատ, Իրանի զինված ուժերն ու տարածաշրջանում նրանց դաշնակիցները պատրաստվում են անցնել ավելի կոշտ քայլերի` Իսրայելին և նրա թիկունքին կանգնած արևմտյան երկրներին հարվածել տնտեսապես ու ռազմավարական կարևոր կետերում։«Դիմադրության ճակատը և Իրանը վճռական են լիովին փակելու Հորմուզի նեղուցը և ակտիվացնելու այլ ճակատներ, այդ թվում՝ Բաբ էլ-Մանդեբի նեղուցը՝ սիոնիստներին և նրանց աջակիցներին պատժելու նպատակով, և դա ներառել են իրենց գործողությունների օրակարգում»,– ասված է հոդվածում։Հիշեցնենք` Իսրայելի վարչապետ Բենիամին Նեթանյահուն հայտարարել էր, որ պաշտպանության նախարարությանը հրաման է տվել հարվածներ հասցնել Բեյրութի արվարձանի Դահիա շրջանին: Իրանի արտգործնախարար Աբբաս Արաղչին արձագանքել էր` որ Իրանի և ԱՄՆ-ի միջև հրադադարը նշանակում է հրադադար բոլոր ճակատներում` ներառյալ Լիբանանը, իսկ զինադադարի խախտումը մի ճակատում նշանակում է խախտում բոլոր ճակատներում։
իրանի իսլամական հանրապետություն
ամն
հորմուզի նեղուց
լիբանան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, հորմուզի նեղուց, լիբանան
իրանի իսլամական հանրապետություն, ամն, հորմուզի նեղուց, լիբանան
Իրանն անհապաղ դադարեցնում է ԱՄՆ–ի հետ բանակցությունները և փակում է Հորմուզի նեղուցը
17:36 01.06.2026 (Թարմացված է: 17:38 01.06.2026) Իրանի զինված ուժերն ու տարածաշրջանում նրանց դաշնակիցները պատրաստվում են անցնել ավելի կոշտ քայլերի։
ԵՐԵՎԱՆ, 1 հունիսի – Sputnik. Իրանը, ի նշան բողոքի, ամբողջությամբ դադարեցնում է ԱՄՆ–ի հետ միջնորդավորված նամակագրությունն ու հաղորդագրությունների փոխանակումը։ Այս մասին հայտնում է իրանական
«Tasnim» գործակալությունը` հավելելով, որ ԻԻՀ իշխանությունների այս որոշման պատճառը Լիբանանում և Գազայի հատվածում Իսրայելի կողմից իրականացվող ռազմական գործողությունների ակտիվացումն է ու ձեռք բերված հրադադարի խախտումը։
Ըստ գործակալության` քանի որ Լիբանանի իրավիճակի հանդարտեցումը եղել է հրադադարի հիմնական նախապայմաններից մեկը, իսկ այժմ այդ պայմանը խախտված է բոլոր ուղղություններով, իրանական կողմը չեղարկում է միջնորդների միջոցով ընթացող ցանկացած շփում։
«Իրանի պաշտոնյաներն ու բանակցողները շեշտել են Գազայում և Լիբանանում սիոնիստական ռեժիմի բանակի ագրեսիվ և դաժան գործողությունների անհապաղ դադարեցման, ինչպես նաև Լիբանանի օկուպացված տարածքներից ռեժիմի լիակատար դուրսբերման անհրաժեշտությունը։ Քանի դեռ Իրանի և դիմադրության պահանջներն այս հարցում չեն կատարվել, որևէ բանակցություն չի իրականացվի»,– նշում է լրատվամիջոցը։
Ըստ «Tasnim»–ի` այս ամենից զատ, Իրանի զինված ուժերն ու տարածաշրջանում նրանց դաշնակիցները պատրաստվում են անցնել ավելի կոշտ քայլերի` Իսրայելին և նրա թիկունքին կանգնած արևմտյան երկրներին հարվածել տնտեսապես ու ռազմավարական կարևոր կետերում։
«Դիմադրության ճակատը և Իրանը վճռական են լիովին փակելու Հորմուզի նեղուցը և ակտիվացնելու այլ ճակատներ, այդ թվում՝ Բաբ էլ-Մանդեբի նեղուցը՝ սիոնիստներին և նրանց աջակիցներին պատժելու նպատակով, և դա ներառել են իրենց գործողությունների օրակարգում»,– ասված է հոդվածում։
Հիշեցնենք` Իսրայելի վարչապետ
Բենիամին Նեթանյահուն հայտարարել էր, որ պաշտպանության նախարարությանը հրաման է տվել հարվածներ հասցնել Բեյրութի արվարձանի Դահիա շրջանին: Իրանի արտգործնախարար Աբբաս Արաղչին
արձագանքել էր` որ Իրանի և ԱՄՆ-ի միջև հրադադարը նշանակում է հրադադար բոլոր ճակատներում` ներառյալ Լիբանանը, իսկ զինադադարի խախտումը մի ճակատում նշանակում է խախտում բոլոր ճակատներում։
