https://arm.sputniknews.ru/20260527/isk-menq-inch-enq-artahanelu-em-qvocharjany-eatm-shukan-pvokharinelu-masin-102652195.html
Իսկ մենք ի՞նչ ենք արտահանելու ԵՄ․ Քոչարյանը՝ ԵԱՏՄ շուկան փոխարինելու մասին
Իսկ մենք ի՞նչ ենք արտահանելու ԵՄ․ Քոչարյանը՝ ԵԱՏՄ շուկան փոխարինելու մասին
Sputnik Արմենիա
Ռոբերտ Քոչարյանի խոսքով՝ Հայաստան-Թուրքիա երկաթուղու բացման դեպքում պետք է հնարավոր ռիսկերը հաշվարկվեն, առաջնահերթ պաշտպանվի Հայաստանի գյուղատնտեսությունը։ 27.05.2026, Sputnik Արմենիա
2026-05-27T12:04+0400
2026-05-27T12:04+0400
2026-05-27T12:06+0400
հայաստան
եվրամիություն
եվրասիական տնտեսական միություն (եատմ)
ռոբերտ քոչարյան
տեսանյութ
տեսանյութեր
https://cdn.am.sputniknews.ru/img/07ea/05/1b/102650041_0:0:1280:720_1920x0_80_0_0_9dd9491da304491fa431c9b13b112c26.jpg
ԵՐԵՎԱՆ, 27 մայիսի – Sputnik․ Որպեսզի ԵՄ շուկան ԵԱՏՄ-ի համար այլընտրանք դառնա, ՀՀ կառավարությունը պետք է հստակ պայմանավորվածություններ ունենա արտահանվող ծավալների վերաբերյալ։ Մեղրիում մի քանի ԶԼՄ-ների ներկայացուցիչների հետ հանդիպման ժամանակ այս հայտարարություն արեց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը՝ անդրադառնալով Նիկոլ Փաշինյանի հայտարարությանը, թե արտահանման համար կարող է օգտագործվել Ախալքալաք-Կարս երկաթուղին, այդ թվում՝ դեպի Եվրոպա։Ինչ վերաբերում է Ախալքալաք-Կարս ճանապարհով արտահանումներին՝ Քոչարյանը նշեց` զարմացած է, որ իշխանությունները դա որպես այլընտրանքային մեծ ձեռքբերում են ներկայացնում։ Նրա խոսքով՝ Հայաստանի սահմանից մինչև Կարս շուրջ 150 կմ է, իսկ այս տարբերակով շուրջ 600-700 կմ ճանապարհն ավելանալու է։«Ինչքա՞ն ժամանակ է՝ խոսում են Հայաստան-Թուրքիա երկաթուղու բացման մասին։ Ի՞նչ եղավ էդ բացումը, խի՞ եք Ախալքալաքով գնում Կարս»,- հարց է տալիս Քոչարյանը։Ըստ նրա՝ երկաթուղային ճանապարհի բացումը վատ չէ, ավելին՝ կողջունի, եթե ուղիղ կապը բացվի, սակայն այստեղ էլ ռիսկեր կան, առաջնահերթ մեր գյուղատնտեսությունը պետք է պաշտպանվի, քանի որ գյուղատնտեսության առումով Թուրքիան Հայաստանի մրցակիցն է։ ՀՀ 2-րդ նախագահը վստահ է` Հայաստանը չի կարողանալու ո՛չ լոլիկ, ո՛չ վարունգ, ո՛չ էլ ծաղիկ արտահանել, հակառակը՝ դրանք հայկական շուկան նաև այս ուղղությունից են գալու, հետևաբար քարոզչությունից բացի ողջամիտ այլ բաղադրիչ առայժմ նա չի տեսնում։Հիշեցնենք` մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եվրամիություն, եվրասիական տնտեսական միություն (եատմ), ռոբերտ քոչարյան, տեսանյութ, տեսանյութեր, видео
հայաստան, եվրամիություն, եվրասիական տնտեսական միություն (եատմ), ռոբերտ քոչարյան, տեսանյութ, տեսանյութեր, видео
Իսկ մենք ի՞նչ ենք արտահանելու ԵՄ․ Քոչարյանը՝ ԵԱՏՄ շուկան փոխարինելու մասին
12:04 27.05.2026 (Թարմացված է: 12:06 27.05.2026) Ռոբերտ Քոչարյանի խոսքով՝ Հայաստան-Թուրքիա երկաթուղու բացման դեպքում պետք է հնարավոր ռիսկերը հաշվարկվեն, առաջնահերթ պաշտպանվի Հայաստանի գյուղատնտեսությունը։
ԵՐԵՎԱՆ, 27 մայիսի – Sputnik․ Որպեսզի ԵՄ շուկան ԵԱՏՄ-ի համար այլընտրանք դառնա, ՀՀ կառավարությունը պետք է հստակ պայմանավորվածություններ ունենա արտահանվող ծավալների վերաբերյալ։ Մեղրիում մի քանի ԶԼՄ-ների ներկայացուցիչների հետ հանդիպման ժամանակ այս հայտարարություն արեց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը՝ անդրադառնալով Նիկոլ Փաշինյանի հայտարարությանը, թե արտահանման համար կարող է օգտագործվել Ախալքալաք-Կարս երկաթուղին, այդ թվում՝ դեպի Եվրոպա։
«Իսկ դու ի՞նչ ունես Եվրոպա արտահանելու։ Այդ դեպքում կառավարությունը պետք է ասի հետևյալը` ժողովուրդ ջան, մենք, այս դժվարությունները տեսնելով, պայմանավորվել ենք ԵՄ-ի հետ, որ մեր ամբողջ գյուղարտադրանքը կարտահանվի ԵՄ։ Ասո՞ւմ են դա։ Ո՛չ։ Հիմա գյուղարտադրանքի 98 տոկոսն արտահանվում է Ռուսաստան, ալկոհոլի, գինիների 90 տոկոսը՝ կրկին Ռուսաստան։ Բացեք Եվրոպայի դուռը, ցո՛ւյց տվեք այդ կոմունիկացիաների հնարավորությունը, որ մենք հասկանանք` բացի դատարկ խոսակցություններից տակն առարկայական որևէ բան կա՞, թե՞ չկա»,- նշեց Քոչարյանը։
Ինչ վերաբերում է Ախալքալաք-Կարս ճանապարհով արտահանումներին՝ Քոչարյանը նշեց` զարմացած է, որ իշխանությունները դա որպես այլընտրանքային մեծ ձեռքբերում են ներկայացնում։ Նրա խոսքով՝ Հայաստանի սահմանից մինչև Կարս շուրջ 150 կմ է, իսկ այս տարբերակով շուրջ 600-700 կմ ճանապարհն ավելանալու է։
«Ինչքա՞ն ժամանակ է՝ խոսում են Հայաստան-Թուրքիա երկաթուղու բացման մասին։ Ի՞նչ եղավ էդ բացումը, խի՞ եք Ախալքալաքով գնում Կարս»,- հարց է տալիս Քոչարյանը։
Ըստ նրա՝ երկաթուղային ճանապարհի բացումը վատ չէ, ավելին՝ կողջունի, եթե ուղիղ կապը բացվի, սակայն այստեղ էլ ռիսկեր կան, առաջնահերթ մեր գյուղատնտեսությունը պետք է պաշտպանվի, քանի որ գյուղատնտեսության առումով Թուրքիան Հայաստանի մրցակիցն է։ ՀՀ 2-րդ նախագահը վստահ է` Հայաստանը չի կարողանալու ո՛չ լոլիկ, ո՛չ վարունգ, ո՛չ էլ ծաղիկ արտահանել, հակառակը՝ դրանք հայկական շուկան նաև այս ուղղությունից են գալու, հետևաբար քարոզչությունից բացի ողջամիտ այլ բաղադրիչ առայժմ նա չի տեսնում։
Հիշեցնենք` մայիսի 9-ին
ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։
Նիկոլ Փաշինյանը մայիսի 11-ին լրագրողներին
ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:
