https://arm.sputniknews.ru/20260429/uzhegh-hajastani-anunic-handes-ekvogh-andzinq-yntrakasharq-en-tvel-hakakvorupcivon-kvomite-101555218.html

«Ուժեղ Հայաստանի» անունից հանդես եկող անձինք ընտրակաշառք են տվել․ Հակակոռուպցիոն կոմիտե

«Ուժեղ Հայաստանի» անունից հանդես եկող անձինք ընտրակաշառք են տվել․ Հակակոռուպցիոն կոմիտե

Sputnik Արմենիա

Դեպքի առնչությամբ խուզարկություններ են կատարվել, 5 անձ ձերբակալվել է։ 29.04.2026, Sputnik Արմենիա

2026-04-29T20:46+0400

2026-04-29T20:46+0400

2026-04-29T21:07+0400

կենտրոնական ընտրական հանձնաժողով (կըհ)

ընտրակաշառք

«ուժեղ հայաստան» կուսակցություն

հակակոռուպցիոն կոմիտե

ձայնագրություն

https://cdn.am.sputniknews.ru/img/07ea/02/0c/98725130_0:78:1500:922_1920x0_80_0_0_8f246ada7ddeaec6f5ae58bf0ca37284.jpg

ԵՐԵՎԱՆ, 29 ապրիլի — Sputnik. «Ուժեղ Հայաստան» կուսակցության անունից հանդես եկող մի խումբ անձինք մի քանի քաղաքում, այդ թվում` քողարկված եղանակով, տվել են ընտրակաշառք։ Տեղեկությունը հայտնում է ՀՀ հակակոռուպցիոն կոմիտեն։Նշվում է, որ նման տվյալներ են ստացվել օպերատիվ-հետախուզական միջոցառումների արդյունքում։Դեպքի առթիվ ՀՀ քրեական օրենսգրքի համապատասխան հոդվածներով նախաձեռնվել է քրեական վարույթ, կատարվել են մի շարք խուզարկություններ, ձերբակալվել է 5 անձ։Հակակոռուպցիոն կոմիտեն նաև ձայնագրություններ է հրապարակել, որտեղ բոլոր խոսակցությունները խիստ ժարգոնային են։ Դրանցից մեկում ոմն Ս․Խ․ ասում է․ ««Դանիել Վարուժան» մանկապարտեզը ախպորդ վրեն ա, էլի։ Դու կարաս ընդե 4-րդ շենքը ասես գոնե ախպորդ համար գան բան անեն», իսկ ոմն Ս․ էլ նշում է, որ ոչ միայն 4-րդ, այլև 5-րդ, 6-րդ, 9-րդ, 8-րդ և 10-րդ շենքեր կգնա ու Սամվել անունն է հնչեցնում։Այնուհետև Ս․-ն հետաքրքրվում է, թե ինչպես են այդ իրավիճակից դուրս գալու, եթե 20 000 դրամ նույնիսկ չունեն իրենց գրպանում։ Ս․Խ․-ն էլ ի պատասխան հայտնում է, թե պետք է «քերեն» որպես աշխատավարձ, ու ինքն էլ Սուրեն անունն է հնչեցնում։Կոմիտեի ներկայացրած մեկ այլ ձայնագրությունում Ս․Խ․-ն զրուցում է Ս․Մ-ի հետ ու ընդգծում, թե ինքը Մասիվում է աշխատանքներ իրականացնելու։ Ս․Մ․-ն խոսակցության ընթացքում ասում է, թե միայն երիտասարդները 100 հոգի են, իսկ իրենց ընտանիքներն էլ միասին մոտ 500 հոգի կլինեն։Ս․Խ․-ն Ս․-ին ոմն Հակոբի մասին է հարցնում ու փորձում հասկանալ, արդյոք այդ անձի մոտ գումար կա, թե ոչ, ի պատասխան Ս․-ն ասում է, որ նրա մոտ գումար չկա, չնայած ասել է, թե ինչ-որ մեկի գազի գումարը կվճարի։Հիշեցնենք` ապրիլի 14-ին ձերբակալվել էին «Ուժեղ Հայաստան» կուսակցության 2 անդամներ` Գոհար Ղումաշյանը և Վերժինե Ստեփանյանը։ Հաջորդ օրը հակակոռուպցիոն դատարանը նրանց նկատմամբ կիրառեց վարչական հսկողություն։Ապրիլի 16-ին Հակակոռուպցիոն կոմիտեից Sputnik Արմենիային հայտնել էին, որ ձերբակալվել է 14 անձ՝ ընտրակաշառք բաժանելու և ստանալու մեղադրանքներով։ Նրանցից 12-ի նկատմամբ որպես խափանման միջոցներ են կիրառվել տնային կալանքը, գրավը և բացակայելու արգելքը։Ապրիլի 27–ին ՀՀ հակակոռուպցիոն կոմիտեն բերման է ենթարկել նաև «Ուժեղ Հայաստան» կուսակցության անդամ, հետախույզ Արթուր Ավանեսյանին՝ Կանդազին: Նա մեղադրվում է ԱԺ ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով կաշառք խոստանալու մեջ։ Ապրիլի 28–ին Արթուր Ավանեսյանը կալանավորվեց 2 ամսով։Ապրիլի 29–ին էլ իրավապահները մտել են «Ուժեղ Հայաստան» կուսակցության Ավանի գրասենյակ, այստեղ ևս կան ձերբակալվածներ։

2026

Լուրեր

am_HY

կենտրոնական ընտրական հանձնաժողով (կըհ), ընտրակաշառք, «ուժեղ հայաստան» կուսակցություն, հակակոռուպցիոն կոմիտե, ձայնագրություն