https://arm.sputniknews.ru/20260412/vorqan-e-erevani-bazmahark-shenqeri-mashvatsutjuny-masnagetnery-tvjalneri-baza-en-steghtsum-100698891.html
Որքա՞ն է Երևանի բազմահարկ շենքերի մաշվածությունը. մասնագետները տվյալների բազա են ստեղծում
Որքա՞ն է Երևանի բազմահարկ շենքերի մաշվածությունը. մասնագետները տվյալների բազա են ստեղծում
Sputnik Արմենիա
Տվյալների բազայի հիման վրա հնարավոր է ավելի արագ և հեշտ գնահատել շենքերի սեյսմակայունությունը և դրանց վերանորոգման անհրաժեշտությունը: 12.04.2026, Sputnik Արմենիա
2026-04-12T09:54+0400
2026-04-12T09:54+0400
2026-04-12T09:54+0400
հայաստան
ճարտարապետության և շինարարության հայաստանի ազգային համալսարան
շենք
երևան
քաղաք
https://cdn.am.sputniknews.ru/img/07e9/0b/13/96004570_0:0:1600:901_1920x0_80_0_0_4a5ec52621ff2283705c534afeddd90e.jpg
ԵՐԵՎԱՆ, 12 ապրիլի — Sputnik. Ճարտարապետության և շինարարության Հայաստանի ազգային համալսարանի ուսանողների և ասպիրանտների կոլեկտիվը սկսել է Երևանի բնակելի տների տվյալների բազա կազմել: Առաջին փուլում Երևանի Դավթաշեն թաղամասի շենքերի խումբ է մտցվել բազա։Այս բազան օգտակար կլինի ամենատարբեր հետազոտությունների համար։ Օրինակ` ունենալով խորհրդային շրջանի նույնանման նախագծերով կառուցված բարձրահարկ շենքերի (մոտավորապես նույն ժամանակահատվածում և նույն տարածքում կառուցված) վերաբերյալ ամբողջական նախնական տվյալներ, կարելի է համեմատել դրանց մաշվածության աստիճանը, և եթե պարզվի, որ ինչ-որ տեղ այն ավելի բարձր է, ապա ուսումնասիրել հնարավոր կողմնակի գործոնները:«Հետազոտողը պետք է միայն փնտրի անհրաժեշտ բնութագրերով շենքեր և կտեսնի իրեն անհրաժեշտ տեղեկությունները և դրանց համար ստիպված չի լինի դիմել տարբեր ատյաններ», - պարզաբանեց նախագծի մասնակից, ասպիրանտ Լուսինե Եղիյանը:Մեսրոպ Սահակյանի խոսքով` այս բազան նաև գործնական էֆեկտ ունի. այն թույլ կտա ավելի հեշտ վերլուծել, թե որ շենքերն ավելի շատ վերանորոգման կարիք ունեն։ Հետագայում տվյալների բազան կարելի է ընդլայնել՝ փուլ առ փուլ այնտեղ մտցնելով քաղաքի նոր հատվածներ։Նշենք, որ հետազոտողների թիմն իր աշխատանքի մասին արդեն գիտական հոդված է հրապարակել համալսարանի երկու գիտական ամսագրերից մեկում՝ «Journal of Architectural and Engineering Research»-ում։ Հոդվածի ամփոփագրում նաև նշվում է այս տվյալների բազայի կարևորությունը շենքերի սեյսմակայունության գնահատման համար:Նախագծին մասնակցել են նաև հայցորդ Մարիամ Քոչարյանը և մագիստրոս Արևիկ Նազարյանը, իսկ ճարտարապետության դոկտոր Սարգիս Թովմասյանը խորհրդատվություն է տրամադրել երիտասարդ մասնագետներին: Աշխատանքն իրականացվել է համալսարանի դրամաշնորհով:Հայաստանի նորակառույցներում էներգաարդյունավետությունը գործնականում չի ստուգվում. փորձագետ
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ճարտարապետության և շինարարության հայաստանի ազգային համալսարան, շենք, երևան, քաղաք
հայաստան, ճարտարապետության և շինարարության հայաստանի ազգային համալսարան, շենք, երևան, քաղաք
Որքա՞ն է Երևանի բազմահարկ շենքերի մաշվածությունը. մասնագետները տվյալների բազա են ստեղծում
Տվյալների բազայի հիման վրա հնարավոր է ավելի արագ և հեշտ գնահատել շենքերի սեյսմակայունությունը և դրանց վերանորոգման անհրաժեշտությունը:
ԵՐԵՎԱՆ, 12 ապրիլի — Sputnik. Ճարտարապետության և շինարարության Հայաստանի ազգային համալսարանի ուսանողների և ասպիրանտների կոլեկտիվը սկսել է Երևանի բնակելի տների տվյալների բազա կազմել: Առաջին փուլում Երևանի Դավթաշեն թաղամասի շենքերի խումբ է մտցվել բազա։
«Այս բազան միավորում է մի քանի աղբյուրների տվյալները (Երևանի քաղաքապետարան, քաղաքաշինության կոմիտե և այլն): Բացի այդ, տեղում գնահատվել է շինությունների վիճակը, իհարկե մոտավոր, քանի որ ճշգրիտ գնահատումը պահանջում է պատերի և կոնստրուկցիաների ապարատային հետազոտություն»,– Sputnik Արմենիայի հետ զրույցում ասաց հետազոտության մասնակից, ճարտարապետության թեկնածու, համալսարանի Երիտասարդ հետազոտողների միության նախագահ Մեսրոպ Սահակյանը։
Այս բազան օգտակար կլինի ամենատարբեր հետազոտությունների համար։ Օրինակ` ունենալով խորհրդային շրջանի նույնանման նախագծերով կառուցված բարձրահարկ շենքերի (մոտավորապես նույն ժամանակահատվածում և նույն տարածքում կառուցված) վերաբերյալ ամբողջական նախնական տվյալներ, կարելի է համեմատել դրանց մաշվածության աստիճանը, և եթե պարզվի, որ ինչ-որ տեղ այն ավելի բարձր է, ապա ուսումնասիրել հնարավոր կողմնակի գործոնները:
«Հետազոտողը պետք է միայն փնտրի անհրաժեշտ բնութագրերով շենքեր և կտեսնի իրեն անհրաժեշտ տեղեկությունները և դրանց համար ստիպված չի լինի դիմել տարբեր ատյաններ», - պարզաբանեց նախագծի մասնակից, ասպիրանտ Լուսինե Եղիյանը:
Մեսրոպ Սահակյանի խոսքով` այս բազան նաև գործնական էֆեկտ ունի. այն թույլ կտա ավելի հեշտ վերլուծել, թե որ շենքերն ավելի շատ վերանորոգման կարիք ունեն։ Հետագայում տվյալների բազան կարելի է ընդլայնել՝ փուլ առ փուլ այնտեղ մտցնելով քաղաքի նոր հատվածներ։
Նշենք, որ հետազոտողների թիմն իր աշխատանքի մասին արդեն գիտական հոդված է հրապարակել համալսարանի երկու գիտական ամսագրերից մեկում՝ «Journal of Architectural and Engineering Research»-ում։ Հոդվածի ամփոփագրում նաև նշվում է այս տվյալների բազայի կարևորությունը շենքերի սեյսմակայունության գնահատման համար:
Նախագծին մասնակցել են նաև հայցորդ Մարիամ Քոչարյանը և մագիստրոս Արևիկ Նազարյանը, իսկ ճարտարապետության դոկտոր Սարգիս Թովմասյանը խորհրդատվություն է տրամադրել երիտասարդ մասնագետներին: Աշխատանքն իրականացվել է համալսարանի դրամաշնորհով:
