https://arm.sputniknews.ru/20260218/ekeghecu-nerqin-kjanqin-mijamtats-datavvorneri-qreakan-pataskhanatvutjan-harcy-kbardzracvi-98949837.html
Եկեղեցու ներքին կյանքին միջամտած դատավորների քրեական պատասխանատվության հարցը կբարձրացվի
Եկեղեցու ներքին կյանքին միջամտած դատավորների քրեական պատասխանատվության հարցը կբարձրացվի
Sputnik Արմենիա
Փաստաբանը շեշտում է՝ դատավորները կայացրել են այնպիսի որոշումներ, որոնք անհնար է կատարել, այնպես, ինչպես եթե մի օր որոշում կայացնեն, որ արևը պետք է արևմուտքից... 18.02.2026, Sputnik Արմենիա
2026-02-18T14:36+0400
2026-02-18T14:36+0400
2026-02-18T15:18+0400
արա զոհրաբյան
հայ առաքելական եկեղեցի
դատարան
դատավոր
կարգալույծ
մասյացոտնի թեմ
https://cdn.am.sputniknews.ru/img/07ea/01/1a/98107558_0:83:1600:983_1920x0_80_0_0_e9446a803c4ef79c0f0ece86949db0ac.jpg
ԵՐԵՎԱՆ, 18 փետրվարի – Sputnik․ Արմավիրի մարզի առաջին ատյանի ընդհանուր իրավասության դատարանի նախագահ Հովհաննես Մելքոնյանին, դատավորներ Սիմա Աբովյանին և Էդգար Հովհաննիսյանին քրեական պատասխանատվության ենթարկելու հարցը մոտ ապագայում բարձրացվելու է: Այս մասին իր ֆեյսբուքյան էջում գրել է փաստաբան Արա Զոհրաբյանը։Նրա կարծիքով՝ այս դատավորները կատարել են ՀՀ քրեական օրենսգրքի 482-րդ հոդվածում նշված արարքը։ Ըստ հոդվածի՝ շահադիտական, անձնական այլ շահագրգռվածությունից կամ խմբային շահերից ելնելով ակնհայտ անարդար դատավճիռ, վճիռ կամ դատական այլ ակտ կայացնելը պատժվում է նաև ազատազրկմամբ՝ մեկից չորս տարի ժամկետով։Փաստաբանն ուշադրություն է հրավիրում այն հանգամանքին, որ դատավորներ Հովհաննես Մելքոնյանը և Սիմա Աբովյանը կարգալույծ նախկին քահանաներ Ստեփան Ասատրյանի (նախկինում՝ տեր Արամ) և Արամայիս Թախմազյանի (նախկինում՝ տեր Թադե) հայցադիմումները վերադարձնելիս համարյա նույն տեքստով որոշումներ են կայացրել։ Զոհրաբյանի կարծիքով՝ սա նույնպես ապացույց է, որ այս դատավորները գործում են խմբային շահերով:Երեք դատավորներն էլ կոպտորեն խախտել են ինչպես Սահմանադրության, այնպես էլ «ՀՀ և Հայաստանյայց առաքելական Սուրբ եկեղեցու հարաբերությունների մասին» և «Խղճի ազատության և կրոնական կազմակերպությունների մասին» օրենքները:Հիշեցնենք, որ դատավորներ Սիմա Աբովյանը և Հովհաննես Մելքոնյանը պարտավորեցրել են Հայաստանյայց առաքելական Սուրբ եկեղեցուն և այլ անձանց ամբողջությամբ և առանց խոչընդոտ ապահովել նախկին քահանաներ Ստեփան Ասատրյանի և Արամայիս Թախմազյանի պաշտոնավարումը հոգևոր հովվի պաշտոնում, իսկ Էդգար Հովհաննիսյանն էլ պարտավորեցրել է եկեղեցուն ապահովել, որ Արման Սարոյանը (նախկինում՝ Գևորգ եպիսկոպոս Սարոյան) պաշտոնավարի Մասյացոտնի թեմի առաջնորդի պաշտոնում։«Եկեղեցական կանոնների համաձայն` կարգալույծ եղած հոգևորականի հետ աղոթակից լինելը հոգևորականի համար կարգալույծ լինելու հիմք է: Այս դատավորների իրավական պատասխանատվության հարցը պարզ է, բայց արդյոք այս անձինք չե՞ն վախենում հոգևոր պատասխանատվությունից: Իրենց վերագրում են այնպիսի լիազորություններ, որոնք ունի միայն օծված և հոգևոր իշխանություն ունեցող Ամենայն հայոց կաթողիկոսը»,- գրում է Զոհրաբյանը։Նա շեշտում է՝ դատավորներն իրենց չվերաբերող ոլորտի մասին կայացրել են այնպիսի որոշումներ, որոնք անհնարին է կատարել այնպես, ինչպես եթե դատավորները մի օր էլ որոշեն՝ այսուհետև արևը պետք է արևմուտքից ծագի:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արա զոհրաբյան, հայ առաքելական եկեղեցի, դատարան, դատավոր, կարգալույծ, մասյացոտնի թեմ
արա զոհրաբյան, հայ առաքելական եկեղեցի, դատարան, դատավոր, կարգալույծ, մասյացոտնի թեմ
Եկեղեցու ներքին կյանքին միջամտած դատավորների քրեական պատասխանատվության հարցը կբարձրացվի
14:36 18.02.2026 (Թարմացված է: 15:18 18.02.2026) Փաստաբանը շեշտում է՝ դատավորները կայացրել են այնպիսի որոշումներ, որոնք անհնար է կատարել, այնպես, ինչպես եթե մի օր որոշում կայացնեն, որ արևը պետք է արևմուտքից ծագի։
ԵՐԵՎԱՆ, 18 փետրվարի – Sputnik․ Արմավիրի մարզի առաջին ատյանի ընդհանուր իրավասության դատարանի նախագահ Հովհաննես Մելքոնյանին, դատավորներ Սիմա Աբովյանին և Էդգար Հովհաննիսյանին քրեական պատասխանատվության ենթարկելու հարցը մոտ ապագայում բարձրացվելու է: Այս մասին իր
ֆեյսբուքյան էջում գրել է փաստաբան Արա Զոհրաբյանը։
Նրա կարծիքով՝ այս դատավորները կատարել են ՀՀ քրեական օրենսգրքի 482-րդ հոդվածում նշված արարքը։ Ըստ հոդվածի՝ շահադիտական, անձնական այլ շահագրգռվածությունից կամ խմբային շահերից ելնելով ակնհայտ անարդար դատավճիռ, վճիռ կամ դատական այլ ակտ կայացնելը պատժվում է նաև ազատազրկմամբ՝ մեկից չորս տարի ժամկետով։
Փաստաբանն ուշադրություն է հրավիրում այն հանգամանքին, որ դատավորներ Հովհաննես Մելքոնյանը և Սիմա Աբովյանը կարգալույծ նախկին քահանաներ Ստեփան Ասատրյանի (նախկինում՝ տեր Արամ) և Արամայիս Թախմազյանի (նախկինում՝ տեր Թադե) հայցադիմումները վերադարձնելիս համարյա նույն տեքստով որոշումներ են կայացրել։ Զոհրաբյանի կարծիքով՝ սա նույնպես ապացույց է, որ այս դատավորները գործում են խմբային շահերով:
Երեք դատավորներն էլ կոպտորեն խախտել են ինչպես Սահմանադրության, այնպես էլ «ՀՀ և Հայաստանյայց առաքելական Սուրբ եկեղեցու հարաբերությունների մասին» և «Խղճի ազատության և կրոնական կազմակերպությունների մասին» օրենքները:
«Պետությունը ո՛չ իր գործադիր և ո՛չ էլ իր դատական իշխանության միջոցով չի կարող ներխուժել եկեղեցու ներքին կյանք՝ հոգևորականին օծելու, կարգալույծ անելու, հոգևոր պաշտոնի նշանակելու կամ ազատելու հարցերի տիրույթ»,- գրում է Զոհրաբյանը։
Հիշեցնենք, որ դատավորներ Սիմա Աբովյանը և Հովհաննես Մելքոնյանը
պարտավորեցրել են Հայաստանյայց առաքելական Սուրբ եկեղեցուն և այլ անձանց ամբողջությամբ և առանց խոչընդոտ ապահովել նախկին քահանաներ Ստեփան Ասատրյանի և Արամայիս Թախմազյանի պաշտոնավարումը հոգևոր հովվի պաշտոնում, իսկ Էդգար Հովհաննիսյանն էլ պարտավորեցրել է եկեղեցուն ապահովել, որ Արման Սարոյանը (նախկինում՝ Գևորգ եպիսկոպոս Սարոյան) պաշտոնավարի Մասյացոտնի թեմի առաջնորդի պաշտոնում։
«Եկեղեցական կանոնների համաձայն` կարգալույծ եղած հոգևորականի հետ աղոթակից լինելը հոգևորականի համար կարգալույծ լինելու հիմք է: Այս դատավորների իրավական պատասխանատվության հարցը պարզ է, բայց արդյոք այս անձինք չե՞ն վախենում հոգևոր պատասխանատվությունից: Իրենց վերագրում են այնպիսի լիազորություններ, որոնք ունի միայն օծված և հոգևոր իշխանություն ունեցող Ամենայն հայոց կաթողիկոսը»,- գրում է Զոհրաբյանը։
Նա շեշտում է՝ դատավորներն իրենց չվերաբերող ոլորտի մասին կայացրել են այնպիսի որոշումներ, որոնք անհնարին է կատարել այնպես, ինչպես եթե դատավորները մի օր էլ որոշեն՝ այսուհետև արևը պետք է արևմուտքից ծագի:
