https://arm.sputniknews.ru/20260209/turqian-aragacnum-e-hajastani-het-sahmanajin-ancaketi-bacman-ashkhatanqnery-zlm-98596532.html
Թուրքիան արագացնում է Հայաստանի հետ սահմանային անցակետի բացման աշխատանքները. ԶԼՄ
Թուրքիան արագացնում է Հայաստանի հետ սահմանային անցակետի բացման աշխատանքները. ԶԼՄ
Sputnik Արմենիա
Թուրքիան Հայաստանի հետ սահմանային առևտրի ակտիվացման ակնկալիք ունի։ 09.02.2026, Sputnik Արմենիա
2026-02-09T12:37+0400
2026-02-09T12:37+0400
2026-02-09T12:53+0400
թուրքիա
հայաստան
անցակետ
https://cdn.am.sputniknews.ru/img/07e8/07/1e/78903411_0:151:1601:1051_1920x0_80_0_0_4ae19335f774f0e4d5ef7a32da57b5da.jpg
ԵՐԵՎԱՆ, 9 փետրվարի – Sputnik. Թուրքական կողմն արագացված տեմպերով աշխատանքներ է տանում Հայաստանի հետ սահմանային անցակետի բացման վերաբերյալ։ Այս մասին գրում է տեղական Yeşil Iğdır Gazetesi պարբերականը։Պարբերականի համաձայն` Իգդիրի նահանգապետ Ֆիրաթ Թաշոլարը անձամբ է ծանոթացել Ալիջանի սահմանային անցակետում («Մարգարա» սահմանային անցակետ հայկական կողմում – խմբ.) իրականացվող վերակառուցման և արդիականացման աշխատանքներին։Հայաստան–Թուրքիա սահմանին կամուրջներ կկառուցվեն. ՓաշինյանՊաշտոնյան տեխնիկական խմբի ուղեկցությամբ ստուգել է սահմանի երկայնքով գտնվող շենքերն ու անցակետի երթուղիները և ընդգծել, որ աշխատանքները նախատեսվում է ավարտել սեղմ ժամկետներում։Թուրք պաշտոնյաների խոսքով՝ սահմանային անցակետի ակտիվացումը հետևյալ նպատակներն է հետապնդում՝Հիշեցնենք` Հայաստանն ու Թուրքիան դիվանագիտական հարաբերություններ չունեն 1991 թվականից, իսկ երկրների միջև պետական սահմանը փակ է 1993 թվականից՝ Անկարայի նախաձեռնությամբ։2021 թվականի դեկտեմբերին կողմերը հարաբերությունների կարգավորման հարցերով հատուկ ներկայացուցիչներ են նշանակել։ 2022 թվականի մարտի 12-ին Անթալիայի դիվանագիտական ֆորումի շրջանակում երկու երկրների արտգործնախարարները վերահաստատեցին առանց նախապայմանների գործընթացն առաջ գնալու պատրաստակամությունը, որը նախատեսում է դիվանագիտական հարաբերությունների հաստատում և սահմանների բացում։2024 թվականի սեպտեմբերին Նիկոլ Փաշինյանն ու Ռեջեփ Թայիփ Էրդողանը հանդիպում են ունեցել Նյու Յորքի «թուրքական տանը»՝ վերահաստատելով կարգավորման գործընթացը շարունակելու և դրան նոր թափ հաղորդելու մտադրությունը։ Մեկ տարի անց Թուրքիայի հատուկ ներկայացուցիչ Սերդար Քըլըչը ժամանել է Հայաստան, որտեղ «Մարգարա» սահմանային անցակետում հանդիպել է ՀՀ հատուկ ներկայացուցիչ, խորհրդարանի փոխնախագահ Ռուբեն Ռուբինյանի հետ:Վեցերորդ հանդիպման ընթացքում ներկայացուցիչները քննարկել են կարգավորման առանցքային հարցեր, ներառյալ՝ ավելի վաղ ձեռք բերված պայմանավորվածությունների իրականացման արագացումը, մասնավորապես՝ սահմանի հատման կազմակերպման վերաբերյալ:ՀՀ և Ադրբեջանի միջև կոնֆլիկտը սոցիալ–հոգեբանական առումով շարունակվում է. Փաշինյան
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, հայաստան, անցակետ
թուրքիա, հայաստան, անցակետ
Թուրքիան արագացնում է Հայաստանի հետ սահմանային անցակետի բացման աշխատանքները. ԶԼՄ
12:37 09.02.2026 (Թարմացված է: 12:53 09.02.2026) Թուրքիան Հայաստանի հետ սահմանային առևտրի ակտիվացման ակնկալիք ունի։
ԵՐԵՎԱՆ, 9 փետրվարի – Sputnik. Թուրքական կողմն արագացված տեմպերով աշխատանքներ է տանում Հայաստանի հետ սահմանային անցակետի բացման վերաբերյալ։ Այս մասին գրում է տեղական
Yeşil Iğdır Gazetesi պարբերականը։
Պարբերականի համաձայն` Իգդիրի նահանգապետ Ֆիրաթ Թաշոլարը անձամբ է ծանոթացել Ալիջանի սահմանային անցակետում («Մարգարա» սահմանային անցակետ հայկական կողմում – խմբ.) իրականացվող վերակառուցման և արդիականացման աշխատանքներին։
Պաշտոնյան տեխնիկական խմբի ուղեկցությամբ ստուգել է սահմանի երկայնքով գտնվող շենքերն ու անցակետի երթուղիները և ընդգծել, որ աշխատանքները նախատեսվում է ավարտել սեղմ ժամկետներում։
Թուրք պաշտոնյաների խոսքով՝ սահմանային անցակետի ակտիվացումը հետևյալ նպատակներն է հետապնդում՝
1.
Սահմանային առևտրի վերսկսում, առևտրային ակտիվության աճ Իգդիրում և հարակից նահանգներում,
2.
Տարածաշրջանում տրանսպորտային երթուղիների երկարության կրճատում, զբոսաշրջիկների հոսքի աճ։
Հիշեցնենք` Հայաստանն ու Թուրքիան դիվանագիտական հարաբերություններ չունեն 1991 թվականից, իսկ երկրների միջև պետական սահմանը փակ է 1993 թվականից՝ Անկարայի նախաձեռնությամբ։
2021 թվականի դեկտեմբերին կողմերը հարաբերությունների կարգավորման հարցերով հատուկ ներկայացուցիչներ են նշանակել։ 2022 թվականի մարտի 12-ին Անթալիայի դիվանագիտական ֆորումի շրջանակում երկու երկրների արտգործնախարարները վերահաստատեցին առանց նախապայմանների գործընթացն առաջ գնալու պատրաստակամությունը, որը նախատեսում է դիվանագիտական հարաբերությունների հաստատում և սահմանների բացում։
2024 թվականի սեպտեմբերին Նիկոլ Փաշինյանն ու Ռեջեփ Թայիփ Էրդողանը հանդիպում են ունեցել Նյու Յորքի «թուրքական տանը»՝ վերահաստատելով կարգավորման գործընթացը շարունակելու և դրան նոր թափ հաղորդելու մտադրությունը։ Մեկ տարի անց Թուրքիայի հատուկ ներկայացուցիչ
Սերդար Քըլըչը ժամանել է Հայաստան, որտեղ «Մարգարա» սահմանային անցակետում հանդիպել է ՀՀ հատուկ ներկայացուցիչ, խորհրդարանի փոխնախագահ Ռուբեն Ռուբինյանի հետ:
Վեցերորդ հանդիպման ընթացքում ներկայացուցիչները քննարկել են կարգավորման առանցքային հարցեր, ներառյալ՝ ավելի վաղ ձեռք բերված պայմանավորվածությունների իրականացման արագացումը, մասնավորապես՝ սահմանի հատման կազմակերպման վերաբերյալ:
