https://arm.sputniknews.ru/20251225/pashinjany-tvarakec-alievin-anyndhat-shnvorhakalutjun-hajtnelu-pattsharnery-97234245.html
Փաշինյանը թվարկեց Ալիևին անընդհատ շնորհակալություն հայտնելու պատճառները
Փաշինյանը թվարկեց Ալիևին անընդհատ շնորհակալություն հայտնելու պատճառները
Sputnik Արմենիա
Նիկոլ Փաշինյանը հույս ունի, որ ՀՀ–ն շուտով ապրանք կարտահանի Ադրբեջան։ 25.12.2025, Sputnik Արմենիա
2025-12-25T13:50+0400
2025-12-25T13:50+0400
2025-12-25T16:02+0400
նիկոլ փաշինյան
իլհամ ալիև
հայաստան
ադրբեջան
հայ-ադրբեջանական
ցորեն
բենզին
https://cdn.am.sputniknews.ru/img/07e9/0a/0a/94473978_0:0:3065:1725_1920x0_80_0_0_d9f5e35c62b11cb77c972817802d3944.jpg
ԵՐԵՎԱՆ, 25 դեկտեմբերի – Sputnik. Հայաստանի Հանրապետության վարչապետ Նիկոլ Փաշինյանը տարբեր առիթներով շնորհակալություն է հայտնում Ադրբեջանի նախագահ Իլհամ Ալիևին՝ ցույց տալու համար, որ Հայաստանը դրական է գնահատում տեղի ունեցող գործընթացները։ Այս մասին Փաշինյանն այսօր ասաց լրագրողների հետ զրույցում՝ հավելելով, որ հայաստանյան իրականությունում պարզ բանաձևերն անընդհատ բարդացնում են և աշխարհաքաղաքական վերլուծություններ անում։Փաշինյանը թվարկեց Հայաստանի և Ադրբեջանի հարաբերությունների դրական տեղաշարժերը։ Առաջինը, ըստ վարչապետի, Ղազախստանից և Ռուսաստանից Ադրբեջանի տարածքով ցորեն ներկրելու արգելքի վերացումն է։«Ինչպես նաև արձանագրվել է, որ Հայաստանից էլ հակառակ ուղղությամբ երկաթուղով գնալու սահմանափակում չկա։ Հիմա չենք գնում, որովհետև, իմ ընկալմամբ, մեր մտածողության և գործունեության մասշտաբը մի «ֆուռի» տրամաբանությամբ է աշխատում։ Այսինքն՝ չկա ընկալում, որ այդ գնացքը պետք է բեռնել, ապրանքը կոնսոլիդացնել միանգամից մի տեղ, որովհետև գնացքը չի կարող դատարկ գնալ, իսկ այս ամենը բարդ է»,– ասաց նա։Փաշինյանը շնորհակալության պատճառների մեջ առանձնացրեց նաև այն, որ Ադրբեջանը պատրաստակամություն է հայտնել նավթամթերք վաճառել ՀՀ գործարարներին. ավելին՝ նավթն արդեն Հայաստանում է։ Նրա խոսքով՝ այս իրողությունները տարբեր հարթակներում պետք է արձանագրվեն, այդ թվում՝ ԵԱՏՄ նիստերի ժամանակ, քանի որ երկաթուղային կապ ենք ստացել ԵԱՏՄ-ի հետ, որը նախկինում չի եղել։ ՀՀ վարչապետը հույս հայտնեց, որ շուտով Հայաստանն էլ ապրանք կարտահանի Ադրբեջան։Հիշեցնենք` շուրջ 35 տարվա դադարից հետո առաջին անգամ նոյեմբերի 6-ին Ադրբեջանի տարածքով 1000 տոննա ռուսական ցորեն հասավ Հայաստան։Նոյեմբերի 7-ի լույս 8-ի գիշերը Ադրբեջանի տարանցիկ ճանապարհով Հայաստան հասավ նաև ղազախական ցորենը։Դեկտեմբերի 15-ին ՀՀ էկոնոմիկայի նախարար Գևորգ Պապոյանը լրագրողներին հայտնեց, որ Ադրբեջանից Հայաստան առաքվող ցորենի նոր խմբաքանակներ կան, որոնք ներկա պահին ճանապարհին են։ Նրա խոսքով` հայ գործարարների հետ քննարկվել է նաև նույն երթուղով կոնյակ արտահանելու տարբերակը, բայց բիզնեսը նպատակահարմար չի գտել շշալցված արտադրանքի արտահանումը ցամաքային ճանապարհով։Ադրբեջանական լրատվամիջոցները դեկտեմբերի 18-ին հայտնեցին, որ նոյեմբերի 28-ին Գաբալայում Հայաստանի և Ադրբեջանի փոխվարչապետներ Մհեր Գրիգորյանի և Շահին Մուստաֆաևի հանդիպման ժամանակ ձեռք բերված պայմանավորվածության համաձայն՝ Հայաստան է ուղարկվել 22 վագոն A95 տեսակի բենզին (SOCAR–ի արտադրած)։Հաջորդ օրը նավթամթերքը հասավ Հայաստան։ Ավելի ուշ հայտնի դարձավ, որ ադրբեջանական բենզինը հասանելի կլինի ՔՊ–ական պատգամավոր Խաչատուր Սուքիասյանի ընտանիքին պատկանող լցակայանում։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, իլհամ ալիև, հայաստան, ադրբեջան, հայ-ադրբեջանական, ցորեն, բենզին
նիկոլ փաշինյան, իլհամ ալիև, հայաստան, ադրբեջան, հայ-ադրբեջանական, ցորեն, բենզին
Փաշինյանը թվարկեց Ալիևին անընդհատ շնորհակալություն հայտնելու պատճառները
13:50 25.12.2025 (Թարմացված է: 16:02 25.12.2025) Նիկոլ Փաշինյանը հույս ունի, որ ՀՀ–ն շուտով ապրանք կարտահանի Ադրբեջան։
ԵՐԵՎԱՆ, 25 դեկտեմբերի – Sputnik. Հայաստանի Հանրապետության վարչապետ Նիկոլ Փաշինյանը տարբեր առիթներով շնորհակալություն է հայտնում Ադրբեջանի նախագահ Իլհամ Ալիևին՝ ցույց տալու համար, որ Հայաստանը դրական է գնահատում տեղի ունեցող գործընթացները։ Այս մասին Փաշինյանն այսօր ասաց լրագրողների հետ զրույցում՝ հավելելով, որ հայաստանյան իրականությունում պարզ բանաձևերն անընդհատ բարդացնում են և աշխարհաքաղաքական վերլուծություններ անում։
«Ինչ-որ բան է տեղի ունեցել Հայաստանի հետ կապված, և Հայաստանը պետք է վերաբերմունք արտահայտի, թե ինչպես է վերաբերվում դրան։ Մենք արտահայտում ենք մեր վերաբերմունքը, որ դրական ենք վերաբերվում»,– ասաց նա։
Փաշինյանը թվարկեց Հայաստանի և Ադրբեջանի հարաբերությունների դրական տեղաշարժերը։ Առաջինը, ըստ վարչապետի, Ղազախստանից և Ռուսաստանից Ադրբեջանի տարածքով ցորեն ներկրելու արգելքի վերացումն է։
«Ինչպես նաև արձանագրվել է, որ Հայաստանից էլ հակառակ ուղղությամբ երկաթուղով գնալու սահմանափակում չկա։ Հիմա չենք գնում, որովհետև, իմ ընկալմամբ, մեր մտածողության և գործունեության մասշտաբը մի «ֆուռի» տրամաբանությամբ է աշխատում։ Այսինքն՝ չկա ընկալում, որ այդ գնացքը պետք է բեռնել, ապրանքը կոնսոլիդացնել միանգամից մի տեղ, որովհետև գնացքը չի կարող դատարկ գնալ, իսկ այս ամենը բարդ է»,– ասաց նա։
Փաշինյանը շնորհակալության պատճառների մեջ առանձնացրեց նաև այն, որ Ադրբեջանը պատրաստակամություն է հայտնել նավթամթերք վաճառել ՀՀ գործարարներին. ավելին՝ նավթն արդեն Հայաստանում է։ Նրա խոսքով՝ այս իրողությունները տարբեր հարթակներում պետք է արձանագրվեն, այդ թվում՝ ԵԱՏՄ նիստերի ժամանակ, քանի որ երկաթուղային կապ ենք ստացել ԵԱՏՄ-ի հետ, որը նախկինում չի եղել։ ՀՀ վարչապետը հույս հայտնեց, որ շուտով Հայաստանն էլ ապրանք կարտահանի Ադրբեջան։
Հիշեցնենք` շուրջ 35 տարվա դադարից հետո առաջին անգամ նոյեմբերի 6-ին Ադրբեջանի տարածքով
1000 տոննա ռուսական ցորեն հասավ Հայաստան։
Նոյեմբերի 7-ի լույս 8-ի գիշերը Ադրբեջանի տարանցիկ ճանապարհով
Հայաստան հասավ նաև ղազախական ցորենը։
Դեկտեմբերի 15-ին ՀՀ էկոնոմիկայի նախարար Գևորգ Պապոյանը լրագրողներին
հայտնեց, որ Ադրբեջանից Հայաստան առաքվող ցորենի նոր խմբաքանակներ կան, որոնք ներկա պահին ճանապարհին են։ Նրա խոսքով` հայ գործարարների հետ քննարկվել է նաև նույն երթուղով կոնյակ արտահանելու տարբերակը, բայց բիզնեսը նպատակահարմար չի գտել շշալցված արտադրանքի արտահանումը ցամաքային ճանապարհով։
Ադրբեջանական լրատվամիջոցները դեկտեմբերի 18-ին
հայտնեցին, որ նոյեմբերի 28-ին Գաբալայում Հայաստանի և Ադրբեջանի փոխվարչապետներ Մհեր Գրիգորյանի և Շահին Մուստաֆաևի հանդիպման ժամանակ ձեռք բերված պայմանավորվածության համաձայն՝ Հայաստան է ուղարկվել 22 վագոն A95 տեսակի բենզին (SOCAR–ի արտադրած)։
Հաջորդ օրը նավթամթերքը
հասավ Հայաստան։ Ավելի ուշ
հայտնի դարձավ, որ ադրբեջանական բենզինը հասանելի կլինի ՔՊ–ական պատգամավոր Խաչատուր Սուքիասյանի ընտանիքին պատկանող լցակայանում։
