https://arm.sputniknews.ru/20251224/samvel-karapetjani-pashtpannery-vtshrabek-bvoghvoqner-en-nerkajacrel-inch-vorvoshman-masin-e-khvosqy-97211941.html
Սամվել Կարապետյանի պաշտպանները վճռաբեկ բողոքներ են ներկայացրել․ ի՞նչ որոշման մասին է խոսքը
Սամվել Կարապետյանի պաշտպանները վճռաբեկ բողոքներ են ներկայացրել․ ի՞նչ որոշման մասին է խոսքը
Sputnik Արմենիա
Գործարարի փաստաբանները որոշ դատավորների դեմ կարգապահական վարույթ հարուցելու կոնկրետ փաստերով հաղորդում են ներկայացրել։ 24.12.2025, Sputnik Արմենիա
2025-12-24T18:17+0400
2025-12-24T18:17+0400
2025-12-24T19:15+0400
սամվել կարապետյան
դատարան
դատավոր
https://cdn.am.sputniknews.ru/img/07e9/07/04/90980964_0:0:1601:901_1920x0_80_0_0_2b060393b330da49c4d21baf3255421d.jpg
ԵՐԵՎԱՆ, 24 դեկտեմբերի - Sputnik. Գործարար, բարերար Սամվել Կարապետյանի պաշտպանները Վճռաբեկ դատարանի հակակոռուպցիոն պալատի համապատասխան կազմի դատավորների դեմ կարգապահական վարույթ հարուցելու կոնկրետ փաստերով հաղորդում են ներկայացրել։ Տեղեկությունը «Ֆեյսբուքի» իր էջում հայտնել է փաստաբան Արամ Վարդևանյանը։«Գործընկերների հետ միասին այսօր ներկայացրել ենք նաև վճռաբեկ բողոքներ Վերաքննիչ դատարանի դեկտեմբերի 11-ի որոշման դեմ, որով մերժվել էին մեր և դատախազության կողմից ներկայացված բողոքները: Վճռաբեկ դատարանի աբսուրդային գործողությունների վերաբերյալ մեր գնահատականները հստակ են և ակնհայտ է, որ Սամվել Կարապետյանի դեպքում այն ընդհանրապես իրավունքի պաշտպանության մեխանիզմ չէ»,- գրել է Վարդևանյանը։Փաստաբանը հիշեցրել է նաև, որ 2025 թվականի նոյեմբերի 18-ին Հակակոռուպցիոն դատարանը երկու ամսով երկարաձգել էր Սամվել Կարապետյանի ակնհայտ ապօրինի կալանքը՝ հաշվի առնելով իբր գործով «իտնեսիվությունը, քննիչների խոստումները՝ գործողությունների կատարման անհրաժեշտության վերաբերյալ»:Վարդևանյանը շեշտել է՝ իրականում մինչ օրս որևէ ինտենսիվություն առկա չէ, որևէ գործողություն առկա չէ Սամվել Կարապետյանի մասնակցությամբ, չնայած հենց իրենք են բազմիցս պահանջել, որ դրանք կատարվեն։Հիշեցնենք` հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։Հոկտեմբերի 13-ին հայտնի դարձավ, որ Սամվել Կարապետյանի մեղադրանքը փոփոխվել է, նրան նոր մեղադրանք է առաջադրվել։ Մասնավորապես ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սամվել կարապետյան, դատարան, դատավոր
սամվել կարապետյան, դատարան, դատավոր
Սամվել Կարապետյանի պաշտպանները վճռաբեկ բողոքներ են ներկայացրել․ ի՞նչ որոշման մասին է խոսքը
18:17 24.12.2025 (Թարմացված է: 19:15 24.12.2025) Գործարարի փաստաբանները որոշ դատավորների դեմ կարգապահական վարույթ հարուցելու կոնկրետ փաստերով հաղորդում են ներկայացրել։
ԵՐԵՎԱՆ, 24 դեկտեմբերի - Sputnik. Գործարար, բարերար Սամվել Կարապետյանի պաշտպանները Վճռաբեկ դատարանի հակակոռուպցիոն պալատի համապատասխան կազմի դատավորների դեմ կարգապահական վարույթ հարուցելու կոնկրետ փաստերով հաղորդում են ներկայացրել։ Տեղեկությունը «Ֆեյսբուքի» իր էջում հայտնել է փաստաբան Արամ Վարդևանյանը։
«Գործընկերների հետ միասին այսօր ներկայացրել ենք նաև վճռաբեկ բողոքներ Վերաքննիչ դատարանի դեկտեմբերի 11-ի որոշման դեմ, որով մերժվել էին մեր և դատախազության կողմից ներկայացված բողոքները: Վճռաբեկ դատարանի աբսուրդային գործողությունների վերաբերյալ մեր գնահատականները հստակ են և ակնհայտ է, որ Սամվել Կարապետյանի դեպքում այն ընդհանրապես իրավունքի պաշտպանության մեխանիզմ չէ»,- գրել է Վարդևանյանը։
Փաստաբանը հիշեցրել է նաև, որ 2025 թվականի նոյեմբերի 18-ին Հակակոռուպցիոն դատարանը երկու ամսով երկարաձգել էր Սամվել Կարապետյանի ակնհայտ ապօրինի կալանքը՝ հաշվի առնելով իբր գործով «իտնեսիվությունը, քննիչների խոստումները՝ գործողությունների կատարման անհրաժեշտության վերաբերյալ»:
Վարդևանյանը շեշտել է՝ իրականում մինչ օրս որևէ ինտենսիվություն առկա չէ, որևէ գործողություն առկա չէ Սամվել Կարապետյանի մասնակցությամբ, չնայած հենց իրենք են բազմիցս պահանջել, որ դրանք կատարվեն։
Հիշեցնենք` հունիսի 17-ին Սամվել Կարապետյանի տանը
խուզարկություն իրականացվեց այն բանից հետո, երբ նա հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։
Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։
Հոկտեմբերի 13-ին հայտնի դարձավ, որ Սամվել Կարապետյանի
մեղադրանքը փոփոխվել է, նրան նոր մեղադրանք է առաջադրվել։ Մասնավորապես ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
