https://arm.sputniknews.ru/20251212/hajkakan-aek-y-khshmi-lavagujn-atvomajin-nakhagitsn-e-rvosatvomi-ghekavar-96818677.html
Հայկական ԱԷԿ-ը ԽՍՀՄ–ի լավագույն ատոմային նախագիծն է. «Ռոսատոմի» ղեկավար
Հայկական ԱԷԿ-ը ԽՍՀՄ–ի լավագույն ատոմային նախագիծն է. «Ռոսատոմի» ղեկավար
Sputnik Արմենիա
«Ռոսատոմը» գործընկերներին «հրավիրում է» ատոմային էներգետիկայի չորրորդ սերունդ։ 12.12.2025, Sputnik Արմենիա
2025-12-12T14:02+0400
2025-12-12T14:02+0400
2025-12-12T16:11+0400
հայաստան
ատոմակայան
ալեքսեյ լիխաչով
«ռոսատոմ»
տեսանյութ
տեսանյութեր
https://cdn.am.sputniknews.ru/img/07e9/0c/0c/96825136_0:0:1281:720_1920x0_80_0_0_391d6cf621b3320bd665f5f6fd050132.jpg
ԵՐԵՎԱՆ, 12 դեկտեմբերի – Sputnik. «Ռոսատոմ» կորպորացիայի ղեկավար Ալեքսեյ Լիխաչովը խոշոր երկրաշարժից հետո կանգուն մնացած Հայկական ԱԷԿ-ն անվանել է Խորհրդային Միության լավագույն ատոմային նախագիծը։ Նա այդ մասին խոսել է «Ատոմ թանգարանում։ԵԱՏՄ երկրների կառավարությունների ղեկավարները՝ Միխայիլ Միշուստինը, Նիկոլ Փաշինյանը, Ալեքսանդր Տուրչինը, Օլժաս Բեկտենովը, Ադիլբեկ Կասիմալիևը և Կոխիր Ռասուլզոդան, այսօր այցելել են Մոսկվայի Ազգային տնտեսության նվաճումների ցուցահանդեսում (ВДНХ) գտնվող «Ատոմ» թանգարան և ծանոթացել ցուցանմուշներին։Մասնավորապես Լիխաչովը հիշեցրել է ՋՋԷՌ-440 սեյսմակայուն ռեակտորների հենքով Հայկական ԱԷԿ-ի պատմությունը, որը 1988 թվականին կանգուն էր մնացել Սպիտակի երկրաշարժի ժամանակ և որի աշխատանքը դադարեցվել էր։ Սակայն երկրորդ էներգաբլոկը հետագայում վերականգնվել էր և վերագործարկվել։Նա հավելել է, որ ԱԷԿ-ի գործող բլոկի շահագործման ժամկետը երկարաձգվել է մինչև 2026 թվականը: ՀՀ կառավարությունը որոշում է ընդունել Հայկական ԱԷԿ-ի շահագործումը մինչև 2036 թվականը երկարաձգելու գործընթաց սկսելու մասին։«Գրեթե յուրաքանչյուր եռամսյակ ես անհանգստացնում եմ Նիկոլ Վովաևիչին (Փաշինյան, ՀՀ վարչապետ) և ասում`Նիկոլ Վովաևիչ, ե՞րբ մոտենանք, մենք պատրաստ ենք լուծել ամեն ինչ»,– հավելել է Լիխաչովը։Հայաստանում տրամաբանականը կլիներ ռուսական նախագծով էներգաբլոկ կառուցել. ՄԱԳԱՏԷ–ի փոխտնօրենՆա նաև պատմել է, որ «Ռոսատոմը» գործընկերներին «հրավիրում է» ատոմային էներգետիկայի չորրորդ սերունդ, որը ենթադրում է ջրային տեխնոլոգիաների, արագ նեյտրոնային ռեակտորների զարգացում, ինչպես նաև միջուկային վառելիքի ցիկլի մշակում։«Սա անվտանգության բոլորովին նոր մակարդակ է, սա թափոններից զերծ արտադրություն է, այն հարյուրապատիկ կրճատում է ուրանի պահանջարկը: Այսպիսով մենք մեզ հազարամյակներով կապահովենք հետախուզված հանքավայրերով», – ընդգծել է Լիխաչովը։Հիշեցնենք` 2023 թվականին «Ռոսատոմ սերվիսը» և «Հայկական ԱԷԿ» ՓԲԸ-ն համաձայնագիր ստորագրեցին կայանի շահագործման ժամկետը մինչև 2036 թվականը երկարաձգելու մասին (իշխանությունները ցանկանում են մինչ այդ նոր կայան կառուցել)։ Գործող ԱԷԿ-ն ապահովում է Հայաստանի էլեկտրաէներգիայի պահանջարկի մոտ մեկ երրորդը։ՀՀ-ն ակտիվորեն երկխոսություն է վարում ՌԴ–ի հետ մոդուլային ԱԷԿ-ների վերաբերյալ․ Փաշինյան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ատոմակայան, ալեքսեյ լիխաչով, «ռոսատոմ», տեսանյութ, տեսանյութեր, видео
հայաստան, ատոմակայան, ալեքսեյ լիխաչով, «ռոսատոմ», տեսանյութ, տեսանյութեր, видео
Հայկական ԱԷԿ-ը ԽՍՀՄ–ի լավագույն ատոմային նախագիծն է. «Ռոսատոմի» ղեկավար
14:02 12.12.2025 (Թարմացված է: 16:11 12.12.2025) «Ռոսատոմը» գործընկերներին «հրավիրում է» ատոմային էներգետիկայի չորրորդ սերունդ։
ԵՐԵՎԱՆ, 12 դեկտեմբերի – Sputnik. «Ռոսատոմ» կորպորացիայի ղեկավար Ալեքսեյ Լիխաչովը խոշոր երկրաշարժից հետո կանգուն մնացած Հայկական ԱԷԿ-ն անվանել է Խորհրդային Միության լավագույն ատոմային նախագիծը։ Նա այդ մասին խոսել է «Ատոմ թանգարանում։
ԵԱՏՄ երկրների կառավարությունների ղեկավարները՝ Միխայիլ Միշուստինը, Նիկոլ Փաշինյանը, Ալեքսանդր Տուրչինը, Օլժաս Բեկտենովը, Ադիլբեկ Կասիմալիևը և Կոխիր Ռասուլզոդան, այսօր այցելել են Մոսկվայի Ազգային տնտեսության նվաճումների ցուցահանդեսում (ВДНХ) գտնվող «Ատոմ» թանգարան և ծանոթացել ցուցանմուշներին։
Մասնավորապես Լիխաչովը հիշեցրել է ՋՋԷՌ-440 սեյսմակայուն ռեակտորների հենքով Հայկական ԱԷԿ-ի պատմությունը, որը 1988 թվականին կանգուն էր մնացել Սպիտակի երկրաշարժի ժամանակ և որի աշխատանքը դադարեցվել էր։ Սակայն երկրորդ էներգաբլոկը հետագայում վերականգնվել էր և վերագործարկվել։
«Սա պարզապես մեր հպարտությունն է։ Սա Խորհրդային Միության լավագույն ատոմային նախագիծն է, որը մինչ օրս գործում է», – ասել է Լիխաչովը։
Նա հավելել է, որ ԱԷԿ-ի գործող բլոկի շահագործման ժամկետը երկարաձգվել է մինչև 2026 թվականը: ՀՀ կառավարությունը որոշում է ընդունել Հայկական ԱԷԿ-ի շահագործումը մինչև 2036 թվականը երկարաձգելու գործընթաց սկսելու մասին։
«Գրեթե յուրաքանչյուր եռամսյակ ես անհանգստացնում եմ Նիկոլ Վովաևիչին (Փաշինյան, ՀՀ վարչապետ) և ասում`Նիկոլ Վովաևիչ, ե՞րբ մոտենանք, մենք պատրաստ ենք լուծել ամեն ինչ»,– հավելել է Լիխաչովը։
Նա նաև պատմել է, որ «Ռոսատոմը» գործընկերներին «հրավիրում է» ատոմային էներգետիկայի չորրորդ սերունդ, որը ենթադրում է ջրային տեխնոլոգիաների, արագ նեյտրոնային ռեակտորների զարգացում, ինչպես նաև միջուկային վառելիքի ցիկլի մշակում։
«Սա անվտանգության բոլորովին նոր մակարդակ է, սա թափոններից զերծ արտադրություն է, այն հարյուրապատիկ կրճատում է ուրանի պահանջարկը: Այսպիսով մենք մեզ հազարամյակներով կապահովենք հետախուզված հանքավայրերով», – ընդգծել է Լիխաչովը։
Հիշեցնենք` 2023 թվականին «Ռոսատոմ սերվիսը» և «Հայկական ԱԷԿ» ՓԲԸ-ն համաձայնագիր ստորագրեցին կայանի շահագործման ժամկետը մինչև 2036 թվականը երկարաձգելու մասին (իշխանությունները ցանկանում են մինչ այդ նոր կայան կառուցել)։ Գործող ԱԷԿ-ն ապահովում է Հայաստանի էլեկտրաէներգիայի պահանջարկի մոտ մեկ երրորդը։
