https://arm.sputniknews.ru/20251208/shiraki-temi-hvogevvorakannery-jvot-verq-ekeghecum-verakangnecin-kanvonakanutjuny-tesanjut-96671648.html
Շիրակի թեմի հոգևորականները Յոթ Վերք եկեղեցում վերականգնեցին կանոնականությունը. տեսանյութ
Շիրակի թեմի հոգևորականները Յոթ Վերք եկեղեցում վերականգնեցին կանոնականությունը. տեսանյութ
Sputnik Արմենիա
Քահանան շեշտում է, որ թեմի հոգևորականներն ու հավատացյալ համայնքը շարունակում են հավատարիմ մնալ հայոց հայրապետությանն ու Մայր աթոռին։ 08.12.2025, Sputnik Արմենիա
2025-12-08T20:34+0400
2025-12-08T20:34+0400
2025-12-08T20:59+0400
հայաստան
եկեղեցի
յոթ վերք եկեղեցի
տեսանյութ
տեսանյութեր
https://cdn.am.sputniknews.ru/img/07e9/0c/08/96671480_5:0:1130:633_1920x0_80_0_0_f33689912bf2bad12766e88980748a2d.jpg
ԵՐԵՎԱՆ, 8 դեկտեմբերի – Sputnik․ Գյումրու Սուրբ Աստվածածին (Յոթ վերք) եկեղեցում Շիրակի թեմի հոգևորականները Հայրապետական մաղթանքով վերականգնեցին կանոնականությունը։ Տեր Փավստոս քահանա Սարգսյանը Շիրակի թեմի ֆեյսբուքյան էջում հրապարակված տեսանյութում բացատրում է, թե ինչ արարողություն է այսօր եկեղեցում կատարվել։Դեկտեմբերի 7-ին Շիրակի թեմի որևէ հոգևորական չէր համաձայնել պատարագ մատուցել կաթողիկոսի անվան զեղչմամբ։ Պատարագիչ քահանան Արմավիրի թեմից Մկրտիչ Մուշադյանն էր։ Մասնակցում էին նաև ՀՀ վարչապետ Նիկոլ Փաշինյանի հետ հանդիպած և կաթողիկոսին դեմ դուրս եկած եպիսկոպոսներից մի քանիսը՝ Արարատյան թեմի առաջնորդ Նավասարդ արքեպիսկոպոս Կճոյանը, Մասյացոտնի թեմի առաջնորդ Գևորգ եպիսկոպոս Սարոյանը, Արմավիրի թեմի առաջնորդ Սիոն եպիսկոպոս Ադամյանը, Բալթյան երկրների թեմի առաջնորդ Վազգեն արքեպիսկոպոս Միրզախանյանը։ Այսօր ԶԼՄ-ներն ու սոցցանցերի օգտատերեր գրեցին, թե Յոթ Վերքում սրբագործման, մաքրագործման արարողություն է անցկացվել։Նրա խոսքով՝ երեկ Յոթ Վերքում մատուցված պատարագի ժամանակ նպատակային ձևով զեղչվեցին ամենայն հայոց կաթողիկոս Գարեգին Բ-ի և թեմի առաջնորդ Միքայել արքեպիսկոպոս Աջապահյանի անունները, եթե նման զեղչում է կատարվում, ապա տեքստը կանոնականությունից շեղվում է, ուստի այսօր թեմի հոգևորականները փորձեցին այդ կանոնականությունը վերականգնել։«Թեմի հոգևորականները, հավատացյալ համայնքը մնում է հավատարիմ հայոց հայրապետությանը, Մայր աթոռին և հայոց եկեղեցում գործող կանոնին՝ անկախ նրանից, թե իր դեմ ինչ է կիրառվելու թե՛ այսօր, թե՛ վաղը»,- ասում է քահանան՝ շեշտելով, որ հոգևորականները հավատարիմ են մնում իրենց ուխտին։Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը, Մայր աթոռի դիվանապետ Արշակ արքեպիսկոպոս Խաչատրյանը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Շիրակի թեմի արժանապատիվ Տեր Փավստոս քահանա Սարգսյանի խոսքը Հայրապետական մաղթանքի ավարտին
Sputnik Արմենիա
Շիրակի թեմի արժանապատիվ Տեր Փավստոս քահանա Սարգսյանի խոսքը Հայրապետական մաղթանքի ավարտին
2025-12-08T20:34+0400
true
PT1M55S
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եկեղեցի, յոթ վերք եկեղեցի, տեսանյութ, տեսանյութեր, видео
հայաստան, եկեղեցի, յոթ վերք եկեղեցի, տեսանյութ, տեսանյութեր, видео
Շիրակի թեմի հոգևորականները Յոթ Վերք եկեղեցում վերականգնեցին կանոնականությունը. տեսանյութ
20:34 08.12.2025 (Թարմացված է: 20:59 08.12.2025) Քահանան շեշտում է, որ թեմի հոգևորականներն ու հավատացյալ համայնքը շարունակում են հավատարիմ մնալ հայոց հայրապետությանն ու Մայր աթոռին։
ԵՐԵՎԱՆ, 8 դեկտեմբերի – Sputnik․ Գյումրու Սուրբ Աստվածածին (Յոթ վերք) եկեղեցում Շիրակի թեմի հոգևորականները Հայրապետական մաղթանքով վերականգնեցին կանոնականությունը։ Տեր Փավստոս քահանա Սարգսյանը Շիրակի թեմի ֆեյսբուքյան էջում հրապարակված տեսանյութում բացատրում է, թե ինչ արարողություն է այսօր եկեղեցում կատարվել։
Դեկտեմբերի 7-ին Շիրակի թեմի որևէ հոգևորական չէր համաձայնել
պատարագ մատուցել կաթողիկոսի անվան զեղչմամբ։ Պատարագիչ քահանան Արմավիրի թեմից Մկրտիչ Մուշադյանն էր։ Մասնակցում էին նաև ՀՀ վարչապետ Նիկոլ Փաշինյանի հետ հանդիպած և կաթողիկոսին դեմ դուրս եկած եպիսկոպոսներից մի քանիսը՝ Արարատյան թեմի առաջնորդ Նավասարդ արքեպիսկոպոս Կճոյանը, Մասյացոտնի թեմի առաջնորդ Գևորգ եպիսկոպոս Սարոյանը, Արմավիրի թեմի առաջնորդ Սիոն եպիսկոպոս Ադամյանը, Բալթյան երկրների թեմի առաջնորդ Վազգեն արքեպիսկոպոս Միրզախանյանը։ Այսօր ԶԼՄ-ներն ու սոցցանցերի օգտատերեր գրեցին, թե Յոթ Վերքում սրբագործման, մաքրագործման արարողություն է անցկացվել։
«Այն, ինչ կատարեցինք այսօր, կոչվում է Հայրապետական մաղթանք՝ հատուկ շեշտելու, որ այն, ինչ երեկ կատարվեց, ոչ միայն բոլորիս կամքին հակառակ էր, նաև եկեղեցու գործող կանոնին էր հակառակ։ Հակառակության ոգով գործում են նրանք, ովքեր գործում են սատանայի թելադրանքով»,- բացատրում է Փավստոս քահանա Սարգսյանը։
Նրա խոսքով՝ երեկ Յոթ Վերքում մատուցված պատարագի ժամանակ նպատակային ձևով զեղչվեցին ամենայն հայոց կաթողիկոս Գարեգին Բ-ի և թեմի առաջնորդ Միքայել արքեպիսկոպոս Աջապահյանի անունները, եթե նման զեղչում է կատարվում, ապա տեքստը կանոնականությունից շեղվում է, ուստի այսօր թեմի հոգևորականները փորձեցին այդ կանոնականությունը վերականգնել։
«Թեմի հոգևորականները, հավատացյալ համայնքը մնում է հավատարիմ հայոց հայրապետությանը, Մայր աթոռին և հայոց եկեղեցում գործող կանոնին՝ անկախ նրանից, թե իր դեմ ինչ է կիրառվելու թե՛ այսօր, թե՛ վաղը»,- ասում է քահանան՝ շեշտելով, որ հոգևորականները հավատարիմ են մնում իրենց ուխտին։
Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես
կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ
Բագրատ արքեպիսկոպոս Գալստանյանը, Շիրակի թեմի առաջնորդ
Միքայել արքեպիսկոպոս Աջապահյանը, Արագածոտնի թեմի առաջնորդ
Մկրտիչ սրբազանը, Մայր աթոռի դիվանապետ
Արշակ արքեպիսկոպոս Խաչատրյանը։
