https://arm.sputniknews.ru/20251101/pashtvonjaji-havatacjalin-ughghvats-khvosqy-karvogh-e-iravakan-hetevanq-arajacnel-tumasjan-95334952.html
Պաշտոնյայի՝ հավատացյալին ուղղված խոսքը կարող է իրավական հետևանք առաջացնել․ Թումասյան
Պաշտոնյայի՝ հավատացյալին ուղղված խոսքը կարող է իրավական հետևանք առաջացնել․ Թումասյան
Sputnik Արմենիա
Իրավաբանը նշում է՝ երբ խոսվում է մարդկանց հոգևոր արժեքների մասին, ապա պետք է մեծ զգուշավորություն դրսևորել։ 01.11.2025, Sputnik Արմենիա
2025-11-01T20:30+0400
2025-11-01T20:30+0400
2025-11-01T20:30+0400
հովհաննավանք
հայ առաքելական եկեղեցի
պաշտոնյա
նիկոլ փաշինյան
ամենայն հայոց կաթողիկոս գարեգին բ
https://cdn.am.sputniknews.ru/img/07e9/0a/1b/95153651_0:0:1600:901_1920x0_80_0_0_145359eb6a38bcb5fe24d27105872826.jpg
ԵՐԵՎԱՆ, 1 նոյեմբերի - Sputnik. Պաշտոնյայի կողմից հավատացյալներին ուղղված հանրային խոսույթը կարող է իրավական հետևանքներ առաջացնել, ու դա պաշտպանվում է թե՛ Սահմանադրությամբ, թե՛ այլ օրենքներով։ Այս մասին Sputnik Արմենիայի հետ զրույցում ասաց իրավաբանական գիտությունների թեկնածու, դոցենտ Դավիթ Թումասյանը։Նշենք, որ տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։Ընդգծեց՝ երբ որևիցե կերպով հնչում են այնպիսի խոսքեր, մեկնաբանություններ, որոնք կարող են հավատացյալների պատիվը, արժանապատվությունը, նրանց կրոնական հայացքները, կրոնական մոտեցումները վնասել, նվաստացնել կամ նսեմացնել, սա արդեն դիտվում է միջամտություն անձի կրոնի, խղճի, մտքի, դավանանքի իրավունքի իրացման տեսանկյունից։ Իրավագետը շեշտեց՝ կրոնը ոչ նյութական, հոգևոր արժեք է, որի պաշտպանությունը և պահպանությունը դրված է ոչ միայն կոնկրետ անձանց, այլ նաև պետությունների վրա։Նա զուգահեռներ անցկացրեց մահմեդական երկրների հետ. եթե որևէ քաղաքացի` անկախ այդ անձի զբաղեցրած պաշտոնից, գործունեության ոլորտից, մասնագիտությունից, ինչ-որ քայլ անի մզկիթի դեմ, որևէ քայլ կատարի Ղուրանի կամ նրանց կրոնական որևէ ատրիբուտիկայի դեմ, դա բերելու է ծայրահեղ բացասական վերաբերմունքի։ Ընդ որում` նման իրավիճակներ լինում են ոչ միայն մահմեդական, այլ նաև քրիստոնյա երկրներում, որտեղ մահմեդականները բավականին մեծ ներկայացվածություն ունեն։Այս համատեքստում Թումասյանը հիշեց Փարիզում տեղի ունեցած «Շարլի Էբդոյի» օրինակը, երբ 2015 թ․-ին թերթերից մեկը ծաղրանկար հրապարակեց, որտեղ մահմեդականների առաքյալը ներկայացված էր ոչ պարկեշտ ձևով։ Այդ ժամանակ հարձակում եղավ այդ խմբագրության վրա, սկսվեցին զանգվածային անկարգություններ, Փարիզի ոստիկանությունը ուժեղացված ծառայություն էր իրականացնում գրեթե 1 շաբաթ շարունակ։Շեշտեց՝ երբ խոսվում է մարդկանց հոգևոր արժեքների մասին, ապա պետք է մեծ զգուշավորություն դրսևորել։Թումասյանը նաև անդրադարձ կատարեց Մտքի խղճի և կրոնի ազատության իրավունքների պաշտպանության եվրոպական կոնվենցիային, քանի որ եվրոպական որևէ երկիր այդպես էլ չքննադատեց ՀՀ իշխանությունների մոտեցումը Հայ առաքելական եկեղեցուն։Հիշեցնենք, որ Հովհաննավանքի կարգալույծ արված քահանան՝ Ստեփան Ասատրյանը (նախկինում՝ տեր Արամ - խմբ․) հոկտեմբերի 26-ին «պատարագ» է մատուցել։ Թեպետ Մայր աթոռը բազմիցս հայտարարեց, որ եկեղեցական ծես անցկացնել կարող է միայն օծված հոգևորականը, սակայն ոչ միայն Ստեփան Ասատրյանը հետ չկանգնեց իր մտադրությունից, այլև ՀՀ վարչապետ Նիկոլ Փաշինյանը, նախարարներ, մարզպետներ և Ստեփան Ասատրյանի ու ՔՊ հարյուրավոր համակիրներ մասնակցեցին հայտարարված «պատարագին»։ Ավելին, ազդարարվեց նաև, որ նոյեմբերի 2-ին ևս Ստեփան Աստարյանը «պատարագ է» մատուցելու։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հովհաննավանք, հայ առաքելական եկեղեցի, պաշտոնյա, նիկոլ փաշինյան, ամենայն հայոց կաթողիկոս գարեգին բ
հովհաննավանք, հայ առաքելական եկեղեցի, պաշտոնյա, նիկոլ փաշինյան, ամենայն հայոց կաթողիկոս գարեգին բ
Պաշտոնյայի՝ հավատացյալին ուղղված խոսքը կարող է իրավական հետևանք առաջացնել․ Թումասյան
Իրավաբանը նշում է՝ երբ խոսվում է մարդկանց հոգևոր արժեքների մասին, ապա պետք է մեծ զգուշավորություն դրսևորել։
ԵՐԵՎԱՆ, 1 նոյեմբերի - Sputnik. Պաշտոնյայի կողմից հավատացյալներին ուղղված հանրային խոսույթը կարող է իրավական հետևանքներ առաջացնել, ու դա պաշտպանվում է թե՛ Սահմանադրությամբ, թե՛ այլ օրենքներով։ Այս մասին
Sputnik Արմենիայի հետ զրույցում ասաց իրավաբանական գիտությունների թեկնածու, դոցենտ Դավիթ Թումասյանը։
Նշենք, որ տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես
կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ
Բագրատ արքեպիսկոպոս Գալստանյանը, Շիրակի թեմի առաջնորդ
Միքայել արքեպիսկոպոս Աջապահյանը, Արագածոտնի թեմի առաջնորդ
Մկրտիչ սրբազանը և Արագածոտնի թեմի դիվանապետ
Գարեգին Արսենյանը։
«Ցանկացած անձ, որը զգում է, որ իր իրավունքները, ներառյալ նաև հոգևոր իրավունքները ոտնահարվել են, անտեսվել են, դրանց միջոցով նրա պատվի, արժանապատվության նկատմամբ կատարվել է ոտնձգություն, ապա կարող է իրականացնել պաշտպանություն։ Ընդ որում` նաև դատական կարգով, այսինքն՝ համապատասխան հայտ ներկայացնելով, որը քննվելու է Հայաստանի Հանրապետության քաղաքացիական դատավարության օրենսգրքի շրջանակներում»,- նշեց Թումասյանը։
Ընդգծեց՝ երբ որևիցե կերպով հնչում են այնպիսի խոսքեր, մեկնաբանություններ, որոնք կարող են հավատացյալների պատիվը, արժանապատվությունը, նրանց կրոնական հայացքները, կրոնական մոտեցումները վնասել, նվաստացնել կամ նսեմացնել, սա արդեն դիտվում է միջամտություն անձի կրոնի, խղճի, մտքի, դավանանքի իրավունքի իրացման տեսանկյունից։ Իրավագետը շեշտեց՝ կրոնը ոչ նյութական, հոգևոր արժեք է, որի պաշտպանությունը և պահպանությունը դրված է ոչ միայն կոնկրետ անձանց, այլ նաև պետությունների վրա։
Նա զուգահեռներ անցկացրեց մահմեդական երկրների հետ. եթե որևէ քաղաքացի` անկախ այդ անձի զբաղեցրած պաշտոնից, գործունեության ոլորտից, մասնագիտությունից, ինչ-որ քայլ անի մզկիթի դեմ, որևէ քայլ կատարի Ղուրանի կամ նրանց կրոնական որևէ ատրիբուտիկայի դեմ, դա բերելու է ծայրահեղ բացասական վերաբերմունքի։ Ընդ որում` նման իրավիճակներ լինում են ոչ միայն մահմեդական, այլ նաև քրիստոնյա երկրներում, որտեղ մահմեդականները բավականին մեծ ներկայացվածություն ունեն։
Այս համատեքստում Թումասյանը հիշեց Փարիզում տեղի ունեցած «Շարլի Էբդոյի» օրինակը, երբ 2015 թ․-ին թերթերից մեկը ծաղրանկար հրապարակեց, որտեղ մահմեդականների առաքյալը ներկայացված էր ոչ պարկեշտ ձևով։ Այդ ժամանակ հարձակում եղավ այդ խմբագրության վրա, սկսվեցին զանգվածային անկարգություններ, Փարիզի ոստիկանությունը ուժեղացված ծառայություն էր իրականացնում գրեթե 1 շաբաթ շարունակ։
Շեշտեց՝ երբ խոսվում է մարդկանց հոգևոր արժեքների մասին, ապա պետք է մեծ զգուշավորություն դրսևորել։
Թումասյանը նաև անդրադարձ կատարեց Մտքի խղճի և կրոնի ազատության իրավունքների պաշտպանության եվրոպական կոնվենցիային, քանի որ եվրոպական որևէ երկիր այդպես էլ չքննադատեց ՀՀ իշխանությունների մոտեցումը Հայ առաքելական եկեղեցուն։
«Ճիշտն ասած` ես չեմ լսել որևէ քննադատական խոսք, բայց բոլոր դեպքերում` պետությունը և եկեղեցին անջատ են, և յուրաքանչյուր պետություն ինքն է որոշում տվյալ պետությունում առկա կրոնական խմբավորումների հետ իր հարաբերակցության մոդելը։ Մեզ մոտ այդ անկախությունը ամրագրված է ոչ միայն Սահմանադրությամբ, այլ ունենք նաև հատուկ օրենք, որը կարգավորում է Հայ առաքելական եկեղեցու ինքնուրույնությունը, ինքնավարությունը, մենք պետք է առաջնահերթ առաջնորդվենք մեր օրենսդրությամբ ու դա չդիտարկենք միայն միջազգային տեսանկյունից»,- նշեց Թումասյանը։
Հիշեցնենք, որ Հովհաննավանքի
կարգալույծ արված քահանան՝ Ստեփան Ասատրյանը (նախկինում՝ տեր Արամ - խմբ․) հոկտեմբերի 26-ին «պատարագ» է մատուցել։ Թեպետ Մայր աթոռը բազմիցս հայտարարեց, որ եկեղեցական ծես անցկացնել կարող է միայն օծված հոգևորականը, սակայն ոչ միայն Ստեփան Ասատրյանը հետ չկանգնեց իր մտադրությունից, այլև ՀՀ վարչապետ Նիկոլ Փաշինյանը, նախարարներ, մարզպետներ և Ստեփան Ասատրյանի ու ՔՊ հարյուրավոր համակիրներ մասնակցեցին հայտարարված «պատարագին»։ Ավելին, ազդարարվեց նաև, որ նոյեմբերի 2-ին ևս Ստեփան Աստարյանը «պատարագ է» մատուցելու։
