https://arm.sputniknews.ru/20251029/serzh-sargsjani-pashtpani-mijnvordutjuny-bavararvec-dizeli-gvortsy-miacvec-mek-ajl-gvortsi-95220357.html
Սերժ Սարգսյանի պաշտպանի միջնորդությունը բավարարվեց․ «Դիզելի գործը» միացվեց մեկ այլ գործի
Սերժ Սարգսյանի պաշտպանի միջնորդությունը բավարարվեց․ «Դիզելի գործը» միացվեց մեկ այլ գործի
Sputnik Արմենիա
ՀՀ երրորդ նախագահին առնչվող 4 գործերը հիմա քննվելու են 2 վարույթներում։ 29.10.2025, Sputnik Արմենիա
2025-10-29T13:27+0400
2025-10-29T13:27+0400
2025-10-29T13:31+0400
հայաստան
սերժ սարգսյան
դատ
դատավոր
https://cdn.am.sputniknews.ru/img/07e9/0a/16/94970310_0:84:1600:984_1920x0_80_0_0_21820741ddd4996f6e95ea7d358d6357.jpg
ԵՐԵՎԱՆ, 29 հոկտեմբերի – Sputnik. Հակակոռուպցիոն դատարանը` Խաչիկ Ղազարյանի նախագահությամբ, որոշեց բավարարել ՀՀ երրորդ նախագահ Սերժ Սարգսյանի պաշտպան Ամրամ Մակինյանի միջնորդությունն ու միավորել այսպես կոչված «Դիզելի գործը» Սերժ Սարգսյանին առնչվող մեկ այլ գործի հետ։«Դիզելի գործը» վերաբերում է վառելիքի մատակարարումների ժամանակ ենթադրյալ չարաշահումներին և, բացի ՀՀ երրորդ նախագահ Սերժ Սարգսյանից, առնչվում է նաև «Ֆլեշ» ընկերության սեփականատեր Բարսեղ Բեգլարյանին և գյուղնախարարության նախկին պաշտոնյա Գևորգ Հարությունյանին։ Այս գործը միացվեց դատավոր Գիվի Հովհաննիսյանի նախագահությամբ քննվող մեկ այլ գործի, որում շոշափվում են ՀՀ երկրորդ նախագահ Ռոբերտ Քոչարյանի ավագ որդու՝ Սեդրակ Քոչարյանի և նախկին խոշոր գործարար Միխայիլ Բաղդասարովի անունները:Գործով անցնող Գևորգ Հարությունյանը և Բարսեղ Բեգլարյանն այսօր կայացած դատական նիստի ընթացքում չառարկեցին Մակինյանի միջնորդության դեմ։ Իսկ հանրային մեղադրող Կորյուն Սերոբյանն առարկություն ներկայացրեց՝ նշելով, որ գործերի միացումը կարող է անդրադառնալ արդար դատաքննության իրավունքի վրա, քանի որ արդար դատաքննության իրավունքի բաղադրատարրերից մեկը ողջամիտ ժամկետներում գործի քննությունն է։ Ըստ մեղադրողի՝ գործերի միացման դեպքում ծավալը կշատանա, և գործի քննությունն ավելի երկար կտևի, այն դեպքում, երբ գործի քննությունը, ըստ էության, 2020 թվականից է շարունակվում (2024թ․ մայիսի 31-ին հրապարակել էր Սերժ Սարգսյանի և մյուսների արդարացման վճիռը, սակայն արդարացման դատական ակտն օրինական ուժի մեջ չէր մտել, Վերաքննիչ հակակոռուպցիոն դատարանը որոշել էր բեկանել առաջին ատյանի դատարանի վճիռը և գործն ուղարկել նոր քննության։Վճռաբեկ դատարանն իր հերթին վարույթ չէր ընդունել բողոքները, ըստ այդմ` ուժի մեջ էր մտել Վերաքննիչ դատարանի որոշումը, և գործն ուղարկվել էր Հակակոռուպցիոն դատարան. խմբ․)։Այնուամենայնիվ, դատավոր Խաչիկ Ղազարյանը գործերը միացնելու որոշում կայացրեց, մեկ վարույթի շրջանակում գործերը կքննի դատավոր Գիվի Հովհաննիսյանը։Այսպիսով, ՀՀ երրորդ նախագահին առնչվող 4 գործերը հիմա քննվելու են 2 վարույթներում։ Ավելի վաղ մեկ վարույթում էին միացվել Սերժ Սարգսյանի վերաբերյալ երկու առանձին գործեր, որոնցից մեկը վերաբերում է գործարար Սիլվա Համբարձումյանից կաշառք վերցնելուն, իսկ մյուսը՝ Իսակովի պողոտայում Սերժ Սարգսյանի՝ պաշտպանության նախարար եղած ժամանակ հողեր օտարելուն։Ռոբերտ Քոչարյանը Սերժ Սարգսյանի գործով վկա է
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սերժ սարգսյան, դատ, դատավոր
հայաստան, սերժ սարգսյան, դատ, դատավոր
Սերժ Սարգսյանի պաշտպանի միջնորդությունը բավարարվեց․ «Դիզելի գործը» միացվեց մեկ այլ գործի
13:27 29.10.2025 (Թարմացված է: 13:31 29.10.2025) ՀՀ երրորդ նախագահին առնչվող 4 գործերը հիմա քննվելու են 2 վարույթներում։
ԵՐԵՎԱՆ, 29 հոկտեմբերի – Sputnik. Հակակոռուպցիոն դատարանը` Խաչիկ Ղազարյանի նախագահությամբ, որոշեց բավարարել ՀՀ երրորդ նախագահ Սերժ Սարգսյանի պաշտպան Ամրամ Մակինյանի միջնորդությունն ու միավորել այսպես կոչված
«Դիզելի գործը» Սերժ Սարգսյանին առնչվող մեկ այլ գործի հետ։
«Դիզելի գործը» վերաբերում է վառելիքի մատակարարումների ժամանակ ենթադրյալ չարաշահումներին և, բացի ՀՀ երրորդ նախագահ Սերժ Սարգսյանից, առնչվում է նաև «Ֆլեշ» ընկերության սեփականատեր Բարսեղ Բեգլարյանին և գյուղնախարարության նախկին պաշտոնյա Գևորգ Հարությունյանին։ Այս գործը միացվեց դատավոր Գիվի Հովհաննիսյանի նախագահությամբ քննվող մեկ այլ գործի, որում շոշափվում են ՀՀ երկրորդ նախագահ Ռոբերտ Քոչարյանի ավագ որդու՝ Սեդրակ Քոչարյանի և նախկին խոշոր գործարար Միխայիլ Բաղդասարովի անունները:
Գործով անցնող Գևորգ Հարությունյանը և Բարսեղ Բեգլարյանն այսօր կայացած դատական նիստի ընթացքում չառարկեցին Մակինյանի միջնորդության դեմ։ Իսկ հանրային մեղադրող Կորյուն Սերոբյանն առարկություն ներկայացրեց՝ նշելով, որ գործերի միացումը կարող է անդրադառնալ արդար դատաքննության իրավունքի վրա, քանի որ արդար դատաքննության իրավունքի բաղադրատարրերից մեկը ողջամիտ ժամկետներում գործի քննությունն է։ Ըստ մեղադրողի՝ գործերի միացման դեպքում ծավալը կշատանա, և գործի քննությունն ավելի երկար կտևի, այն դեպքում, երբ գործի քննությունը, ըստ էության, 2020 թվականից է շարունակվում (2024թ․ մայիսի 31-ին հրապարակել էր Սերժ Սարգսյանի և մյուսների արդարացման վճիռը, սակայն արդարացման դատական ակտն օրինական ուժի մեջ չէր մտել, Վերաքննիչ հակակոռուպցիոն դատարանը որոշել էր բեկանել առաջին ատյանի դատարանի վճիռը և գործն ուղարկել նոր քննության։
Վճռաբեկ դատարանն իր հերթին վարույթ չէր ընդունել բողոքները, ըստ այդմ` ուժի մեջ էր մտել Վերաքննիչ դատարանի որոշումը, և գործն ուղարկվել էր Հակակոռուպցիոն դատարան. խմբ․)։
«Մեղադրանքի կողմը գտնում է, որ գործերի միացնումը նպատակահարմար չէ հենց այդ պատճառաբանությամբ»,- նշեց Սերոբյանը։
Այնուամենայնիվ, դատավոր Խաչիկ Ղազարյանը գործերը միացնելու որոշում կայացրեց, մեկ վարույթի շրջանակում գործերը կքննի դատավոր Գիվի Հովհաննիսյանը։
Այսպիսով, ՀՀ երրորդ նախագահին առնչվող 4 գործերը հիմա քննվելու են 2 վարույթներում։ Ավելի վաղ մեկ վարույթում էին միացվել Սերժ Սարգսյանի վերաբերյալ երկու առանձին գործեր, որոնցից մեկը վերաբերում է գործարար Սիլվա Համբարձումյանից կաշառք վերցնելուն, իսկ մյուսը՝ Իսակովի պողոտայում Սերժ Սարգսյանի՝ պաշտպանության նախարար եղած ժամանակ հողեր օտարելուն։
