https://arm.sputniknews.ru/20251023/ekeghecu-pashtpanutjan-hamar-hancagvortsutjan-masin-3-hvoghvordum-e-nerkajacvel-pastaban-95023850.html
Եկեղեցու պաշտպանության համար հանցագործության մասին 3 հաղորդում է ներկայացվել. փաստաբան
Եկեղեցու պաշտպանության համար հանցագործության մասին 3 հաղորդում է ներկայացվել. փաստաբան
Sputnik Արմենիա
Արա Զոհրաբյանի խոսքով` կառավարության որոշման համաձայն պետք է Աշտարակի Հովհաննավանքի այն տարածքներից, որոնք նախատեսված են բացառապես եկեղեցու սպասավորների համար... 23.10.2025, Sputnik Արմենիա
2025-10-23T22:02+0400
2025-10-23T22:02+0400
2025-10-23T23:00+0400
արա զոհրաբյան
հայ առաքելական եկեղեցի
եկեղեցի
հանցագործություն
https://cdn.am.sputniknews.ru/img/07e9/0a/10/94683644_0:0:1600:900_1920x0_80_0_0_885c16a4fc0728a0b8718ba3e7421f1d.jpg
ԵՐԵՎԱՆ, 23 հոկտեմբերի – Sputnik. Փաստաբան Արա Զոհրաբյանն իրավապահներին հանցագործության մասին 3 հաղորդում է ներկայացրել։ Ֆեյսբուքյան էջում փաստաբանը պարզաբանել է, որ նպատակն է եկեղեցու և հոգևորականների շահերի պաշտպանությունը։ Երկրորդ հաղորդումը, ըստ Զոհրաբյանի, Նիկոլ Փաշինյանի և Ստեփան Ասատրյանի կողմից կրոնական ծեսի կատարմանը խոչընդոտելու նախապատրաստության մասին է։ Ըստ փաստաբանի` վարչապետ Նիկոլ Փաշինյանը և Ստեփան Ասատրյանը փորձում են խոչընդոտել Հայաստանյայց Առաքելական Սուրբ Եկեղեցու կողմից նշանակված քահանայի կողմից 2025թ. հոկտեմբերի 26-ին կատարվելիք պատարագը։ «Իրենց գործողություններով Ստեփան Ասատրյանը և ՀՀ վարչապետ Նիկոլ Փաշինյանն իրականացնում են ՀՀ քրեական օրենսգրքի 209-րդ հոդվածով արգելված արարքի (կրոնական ծեսի կատարումը խոչընդոտելը) նախապատրաստություն, որը համարվում է չավարտված հանցագործություն: ՀՀ քրեական օրենսգրքի 14-րդ հոդվածի 1-ին մասի համաձայն՝ քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է»,– մանրամասնել է Արա Զոհրաբյանը։Արա Զոհրաբյանի խոսքով` ՆԳՆ ոստիկանությանը ներկայացվել է դիմում ներխուժումը կանխելու վերաբերյալ: Նա նշել է, որ թիվս այլ պահանջների, ՀՀ կառավարության որոշման համաձայն` պահանջում է Աշտարակի Հովհաննավանքի այն տարածքներից, որոնք նախատեսված են բացառապես եկեղեցու սպասավորների համար `ատյան, խորան, ավանդատներ և այլն, վտարել Ստեփան Ասատրյանին:Հիշեցնենք՝ հոկտեմբերի 23-ին լարված իրավիճակ էր Արագածոտնի մարզի Օհանավան գյուղում գտնվող Հովհաննավանքում. կարգալույծ արված Ստեփան Ասատրյանը փորձում էր պսակադրության կարգ անցկացնել։Հավելենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Կալանավորված են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արա զոհրաբյան, հայ առաքելական եկեղեցի, եկեղեցի, հանցագործություն
արա զոհրաբյան, հայ առաքելական եկեղեցի, եկեղեցի, հանցագործություն
Եկեղեցու պաշտպանության համար հանցագործության մասին 3 հաղորդում է ներկայացվել. փաստաբան
22:02 23.10.2025 (Թարմացված է: 23:00 23.10.2025) Արա Զոհրաբյանի խոսքով` կառավարության որոշման համաձայն պետք է Աշտարակի Հովհաննավանքի այն տարածքներից, որոնք նախատեսված են բացառապես եկեղեցու սպասավորների համար `ատյան, խորան, ավանդատներ և այլն, վտարել Ստեփան Ասատրյանին:
ԵՐԵՎԱՆ, 23 հոկտեմբերի – Sputnik. Փաստաբան Արա Զոհրաբյանն իրավապահներին հանցագործության մասին 3 հաղորդում է ներկայացրել։
Ֆեյսբուքյան էջում փաստաբանը պարզաբանել է, որ նպատակն է եկեղեցու և հոգևորականների շահերի պաշտպանությունը։
«Ներկայացվել է հաղորդում հանցագործության մասին՝ կապված Նաթան Սրբազանի հեռախոսային խոսակցության
գաղտնիությունը խախտելու հետ: Հնարավոր է նաև, որ այդ խոսակցությունները մոնտաժված և փոփոխված լինեն: Բայց ինքնին գաղտնիության խախտման փաստը խնդրահարույց է: ՀՀ քրեական օրենսգրքի 206-րդ հոդվածը հանցագործություն է համարում մարդու նամակագրության, հեռախոսային խոսակցությունների և հաղորդակցության այլ ձևերի գաղտնիությունն ապօրինի խախտելը»,– գրել է նա։
Երկրորդ հաղորդումը, ըստ Զոհրաբյանի, Նիկոլ Փաշինյանի և Ստեփան Ասատրյանի կողմից կրոնական ծեսի կատարմանը խոչընդոտելու նախապատրաստության մասին է։ Ըստ փաստաբանի` վարչապետ Նիկոլ Փաշինյանը և Ստեփան Ասատրյանը փորձում են խոչընդոտել Հայաստանյայց Առաքելական Սուրբ Եկեղեցու կողմից նշանակված քահանայի կողմից
2025թ. հոկտեմբերի 26-ին կատարվելիք պատարագը։
«Իրենց գործողություններով Ստեփան Ասատրյանը և ՀՀ վարչապետ Նիկոլ Փաշինյանն իրականացնում են ՀՀ քրեական օրենսգրքի 209-րդ հոդվածով արգելված արարքի (կրոնական ծեսի կատարումը խոչընդոտելը) նախապատրաստություն, որը համարվում է չավարտված հանցագործություն: ՀՀ քրեական օրենսգրքի 14-րդ հոդվածի 1-ին մասի համաձայն՝ քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է»,– մանրամասնել է Արա Զոհրաբյանը։
Արա Զոհրաբյանի խոսքով` ՆԳՆ ոստիկանությանը ներկայացվել է դիմում ներխուժումը կանխելու վերաբերյալ: Նա նշել է, որ թիվս այլ պահանջների, ՀՀ կառավարության որոշման համաձայն` պահանջում է Աշտարակի Հովհաննավանքի այն տարածքներից, որոնք նախատեսված են բացառապես եկեղեցու սպասավորների համար `ատյան, խորան, ավանդատներ և այլն, վտարել Ստեփան Ասատրյանին:
Հիշեցնենք՝ հոկտեմբերի 23-ին լարված իրավիճակ էր Արագածոտնի մարզի Օհանավան գյուղում գտնվող
Հովհաննավանքում. կարգալույծ արված Ստեփան Ասատրյանը փորձում էր պսակադրության կարգ անցկացնել։
Հավելենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես
կաթողիկոսի դեմ։ Կալանավորված են «Սրբազան պայքար» շարժման առաջնորդ
Բագրատ արքեպիսկոպոս Գալստանյանը, Շիրակի թեմի առաջնորդ
Միքայել արքեպիսկոպոս Աջապահյանը, Արագածոտնի թեմի առաջնորդ
Մկրտիչ սրբազանը և Արագածոտնի թեմի դիվանապետ
Գարեգին Արսենյանը։
