https://arm.sputniknews.ru/20251010/serzh-sargsjani-khapanman-mijvoc-bacakajelu-argelqy-veracvec-94483956.html
Սերժ Սարգսյանի խափանման միջոց բացակայելու արգելքը վերացվեց
Սերժ Սարգսյանի խափանման միջոց բացակայելու արգելքը վերացվեց
Sputnik Արմենիա
Փաստաբան Ամրամ Մակինյանի խոսքով` 3-րդ նախագահի ու իրենց թիմի համար բացակայելու արգելքն առաջադրված մյուս շինծու մեղադրանքից վատն էր։ 10.10.2025, Sputnik Արմենիա
2025-10-10T17:43+0400
2025-10-10T17:43+0400
2025-10-10T17:45+0400
հայաստան
սերժ սարգսյան
դատարան
մեղադրանք
հակակոռուպցիոն դատարան
https://cdn.am.sputniknews.ru/img/07e9/08/1a/92761828_0:107:1600:1007_1920x0_80_0_0_fbc9bfda6aca4e0ff0d8ddf1e4223c01.jpg
ԵՐԵՎԱՆ, 10 հոկտեմբերի – Sputnik. Հակակոռուպցիոն դատարանը Հայաստանի 3-րդ նախագահ Սերժ Սարգսյանի խափանման միջոց 30 մլն դրամ գրավը թողեց անփոփոխ, իսկ բացակայելու արգելքը վերացրեց։Դատական նիստի մեկնարկին պաշտպանական կողմը միջնորդություն ներկայացրեց, սակայն այն քննվեց դռնփակ ռեժիմով, քանի որ օրենքով պաշտպանվող գաղտնիք համարվող տվյալներ պետք է ներկայացվեին։Միայն նիստի ավարտից հետո լրագրողներին հայտնի դարձավ, որ բացակայելու արգելքը վերացվել է։Սերժ Սարգսյանի փաստաբան Արամ Մակինյանը լրագրողների հետ զրույցում նշեց, որ 3-րդ նախագահի ու իրենց թիմի համար բացակայելու արգելքն առաջադրված մեղադրանքից վատն էր։Նշենք, որ ՀՀ 3-րդ նախագահը մի քանի գործով է անցնում։ Ըստ մեղադրանքներից մեկի` Սերժ Սարգսյանը, զբաղեցնելով բարձր պաշտոններ՝ պաշտպանության նախարար, վարչապետ, նախագահ, 2006-2015 թվականներին ՀՀ երկրորդ նախագահ Ռոբերտ Քոչարյանի որդու` «ԼԼ բիմբո» ՍՊ ընկերության հիմնադիր Սեդրակ Քոչարյանի, նույն ընկերության տնօրենԱլեքսան Որսականյանի և իր հետ մտերիմ հարաբերությունների մեջ գտնվող Միխայիլ Բաղդասարովի օժանդակությամբ մասնակցել է Բաղդասարովին պատկանող, այդ թվում՝ «Միկա Լիմիթեդ» և «Աբիտ» կազմակերպությունների կառավարմանը։ Ըստ մեղադրանքի՝ նա դա արել է` այդ կազմակերպություններին արտոնություններ և առավելություններ տրամադրելով և հովանավորելով նրանց գործունեությունը, ինչը դրսևորվել է նրանց ներգրավմամբ խոշոր տնտեսական ծրագրերում և բարձր ռիսկայնության պայմաններում մոտ 14 միլիոն ԱՄՆ դոլարի վարկի տրամադրմամբ։Ըստ դատախազության` Սերժ Սարգսյանը Միխայիլ Բաղդասարովի և նրա ընկերությունների օգտին իր լիազորությունների շրջանակում գործողություններ կատարելու համար պահանջել և ստացել է առանձնապես խոշոր չափերի գույք՝ «Աբիտ» ՍՊԸ–ի 22.5% բաժնեմասը, որը հետագայում վաճառվել է «ԼԼ բիմբո» ընկերությանը, որը մեղադրական կողմը ձևական գործարք է համարում։Նախորդ նիստին միջնորդվել էր, որ այս գործը Սարգսյանին վերագրվող մյուս գործերի հետ նույն վարույթով քննվի, սակայն դատարանն այսօր հայտարարեց, որ մերժում է միջնորդությունը։Նշենք, որ Սերժ Սարգսյանի վերաբերյալ երկու գործերի քննությունը մեկ վարույթով է իրականացվում։ Ըստ մյուս մեղադրանքի՝ Սերժ Սարգսյանը, 2000 թվականի մայիսի 20-ից մինչև 2007-ի ապրիլի 4-ն ընկած ժամանակահատվածում զբաղեցնելով ՀՀ պաշտպանության նախարարի պաշտոնը, առնչություն է ունեցել նախարարության հաշվեկշռում գտնվող և ի պաշտոնե իրեն վստահված Իսակովի պողոտային և «Եռաբլուր» զինվորական պանթեոնին հարակից հողատարածքների ապօրինի օտարմանը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սերժ սարգսյան, դատարան, մեղադրանք, հակակոռուպցիոն դատարան
հայաստան, սերժ սարգսյան, դատարան, մեղադրանք, հակակոռուպցիոն դատարան
Սերժ Սարգսյանի խափանման միջոց բացակայելու արգելքը վերացվեց
17:43 10.10.2025 (Թարմացված է: 17:45 10.10.2025) Փաստաբան Ամրամ Մակինյանի խոսքով` 3-րդ նախագահի ու իրենց թիմի համար բացակայելու արգելքն առաջադրված մյուս շինծու մեղադրանքից վատն էր։
ԵՐԵՎԱՆ, 10 հոկտեմբերի – Sputnik. Հակակոռուպցիոն դատարանը Հայաստանի 3-րդ նախագահ Սերժ Սարգսյանի խափանման միջոց 30 մլն դրամ գրավը թողեց անփոփոխ, իսկ բացակայելու արգելքը վերացրեց։
Դատական նիստի մեկնարկին պաշտպանական կողմը միջնորդություն ներկայացրեց, սակայն այն քննվեց դռնփակ ռեժիմով, քանի որ օրենքով պաշտպանվող գաղտնիք համարվող տվյալներ պետք է ներկայացվեին։
Միայն նիստի ավարտից հետո լրագրողներին հայտնի դարձավ, որ բացակայելու արգելքը վերացվել է։
Սերժ Սարգսյանի փաստաբան Արամ Մակինյանը լրագրողների հետ զրույցում նշեց, որ 3-րդ նախագահի ու իրենց թիմի համար բացակայելու արգելքն առաջադրված մեղադրանքից վատն էր։
«Բացակայելու արգելքն ավելի խիստ մեղադրանք է պարոն նախագահի համար, քան առաջադրված մյուս շինծու մեղադրանքները։ Այո՛, անունը դնում եմ մեղադրանք, որովհետև բացակայելու արգելքը կիրառվում է այն տրամաբանությամբ, որ անձը կարող է թաքնվել՝ ՀՀ սահմանը հատելով։ Կա՞ մարդ, ողջամիտ մարդ, որ մտածում է, թե ՀՀ 3-րդ նախագահը նման մտադրություն կամ ցանկություն ունի։ «Դիզելի» աղմկահարույց գործով լինելով մեղադրյալ` նախագահը դատարանի թույլտվությամբ աշխատանքային այցերով մեկնել է ՀՀ-ից ու դատարանի կողմից նշանակված ժամկետին ներկայացել, ինչը փաստեցիք՝ այսօր Սերժ Սարգսյանին տեսնելով»,- ասաց փաստաբանը։
Նշենք, որ ՀՀ 3-րդ նախագահը մի քանի գործով է անցնում։ Ըստ
մեղադրանքներից մեկի` Սերժ Սարգսյանը, զբաղեցնելով բարձր պաշտոններ՝ պաշտպանության նախարար, վարչապետ, նախագահ, 2006-2015 թվականներին ՀՀ երկրորդ նախագահ Ռոբերտ Քոչարյանի որդու` «ԼԼ բիմբո» ՍՊ ընկերության հիմնադիր Սեդրակ Քոչարյանի, նույն ընկերության տնօրեն
Ալեքսան Որսականյանի և իր հետ մտերիմ հարաբերությունների մեջ գտնվող Միխայիլ Բաղդասարովի օժանդակությամբ մասնակցել է Բաղդասարովին պատկանող, այդ թվում՝ «Միկա Լիմիթեդ» և «Աբիտ» կազմակերպությունների կառավարմանը։ Ըստ մեղադրանքի՝ նա դա արել է` այդ կազմակերպություններին արտոնություններ և առավելություններ տրամադրելով և հովանավորելով նրանց գործունեությունը, ինչը դրսևորվել է նրանց ներգրավմամբ խոշոր տնտեսական ծրագրերում և բարձր ռիսկայնության պայմաններում մոտ 14 միլիոն ԱՄՆ դոլարի վարկի տրամադրմամբ։
Ըստ դատախազության` Սերժ Սարգսյանը Միխայիլ Բաղդասարովի և նրա ընկերությունների օգտին իր լիազորությունների շրջանակում գործողություններ կատարելու համար պահանջել և ստացել է առանձնապես խոշոր չափերի գույք՝ «Աբիտ» ՍՊԸ–ի 22.5% բաժնեմասը, որը հետագայում վաճառվել է «ԼԼ բիմբո» ընկերությանը, որը մեղադրական կողմը ձևական գործարք է համարում։
Նախորդ նիստին միջնորդվել էր, որ այս գործը Սարգսյանին վերագրվող մյուս գործերի հետ նույն վարույթով քննվի, սակայն դատարանն այսօր հայտարարեց, որ մերժում է միջնորդությունը։
Նշենք, որ Սերժ Սարգսյանի վերաբերյալ երկու գործերի քննությունը մեկ վարույթով է իրականացվում։ Ըստ մյուս
մեղադրանքի՝ Սերժ Սարգսյանը, 2000 թվականի մայիսի 20-ից մինչև 2007-ի ապրիլի 4-ն ընկած ժամանակահատվածում զբաղեցնելով ՀՀ պաշտպանության նախարարի պաշտոնը, առնչություն է ունեցել նախարարության հաշվեկշռում գտնվող և ի պաշտոնե իրեն վստահված Իսակովի պողոտային և «Եռաբլուր» զինվորական պանթեոնին հարակից հողատարածքների ապօրինի օտարմանը։
