https://arm.sputniknews.ru/20250909/hec-i-petakan-karavarichn-indz-het-chi-hamadzajnecnum-ir-nshanakumnery-htskh-ghekavar-93301483.html
ՀԷՑ-ի պետական կառավարիչն ինձ հետ չի համաձայնեցնում իր նշանակումները. ՀԾԿՀ ղեկավար
ՀԷՑ-ի պետական կառավարիչն ինձ հետ չի համաձայնեցնում իր նշանակումները. ՀԾԿՀ ղեկավար
Sputnik Արմենիա
Ընդդիմադիր պատգամավորը հայտարարել է, որ շատ դեպքերում Ռոմանոս Պետրոսյանը ՀԷՑ–ում պաշտոններում նշանակում է իշխող «Քաղաքացիական պայմանագիր» կուսակցության... 09.09.2025, Sputnik Արմենիա
2025-09-09T16:30+0400
2025-09-09T16:30+0400
2025-09-09T16:31+0400
մեսրոպ մեսրոպյան
քաղաքացիական դիվանագիտություն
հայաստանի էլեկտրական ցանցեր (հէց)
https://cdn.am.sputniknews.ru/img/07e9/07/08/91069378_0:240:1280:960_1920x0_80_0_0_935b966bbae1f47b4d85d0fe1e43256e.jpg
ԵՐԵՎԱՆ, 9 սեպտեմբերի – Sputnik. «Հայաստանի էլեկտրական ցանցեր» ընկերության պետական ժամանակավոր կառավարիչը պարտավոր չէ կադրային նշանակումները համաձայնեցնել ՀՀ հանրային ծառայությունները կարգավորող հանձնաժողովի (ՀԾԿՀ) հետ: Այս մասին ԱԺ–ում այսօր հայտարարեց հանձնաժողովի նախագահ Մեսրոպ Մեսրոպյանը՝ պատասխանելով «Հայաստան» խմբակցության պատգամավոր Թադևոս Ավետիսյանի հարցին։Պատասխանելով Ստոկհոլմում միջազգային արբիտրաժի ընթացքի մասին պատգամավորի հարցին՝ Մեսրոպյանը պարզաբանեց, որ գործընթացը փակ է, ուստի տեղեկությունների համար պետք է դիմել միջազգային իրավական հարցերով Հայաստանի ներկայացուցչի գրասենյակ:Գործարար Սամվել Կարապետյանի պաշտպանական խորհուրդը հուլիսի 23-ին հայտնեց, որ Կարապետյանի ընտանիքը հաղթել է ՀՀ կառավարության դեմ նախաձեռնած արբիտրաժային հրատապ գործը։ Կառավարությունն արձագանքեց միջազգային դատարանի վճռին` նշելով, որ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը։Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մեսրոպ մեսրոպյան, քաղաքացիական դիվանագիտություն, հայաստանի էլեկտրական ցանցեր (հէց)
մեսրոպ մեսրոպյան, քաղաքացիական դիվանագիտություն, հայաստանի էլեկտրական ցանցեր (հէց)
ՀԷՑ-ի պետական կառավարիչն ինձ հետ չի համաձայնեցնում իր նշանակումները. ՀԾԿՀ ղեկավար
16:30 09.09.2025 (Թարմացված է: 16:31 09.09.2025) Ընդդիմադիր պատգամավորը հայտարարել է, որ շատ դեպքերում Ռոմանոս Պետրոսյանը ՀԷՑ–ում պաշտոններում նշանակում է իշխող «Քաղաքացիական պայմանագիր» կուսակցության ներկայացուցիչներին:
ԵՐԵՎԱՆ, 9 սեպտեմբերի – Sputnik. «Հայաստանի էլեկտրական ցանցեր» ընկերության պետական ժամանակավոր կառավարիչը պարտավոր չէ կադրային նշանակումները համաձայնեցնել ՀՀ հանրային ծառայությունները կարգավորող հանձնաժողովի (ՀԾԿՀ) հետ: Այս մասին ԱԺ–ում այսօր հայտարարեց հանձնաժողովի նախագահ Մեսրոպ Մեսրոպյանը՝ պատասխանելով «Հայաստան» խմբակցության պատգամավոր Թադևոս Ավետիսյանի հարցին։
Ավետիսյանը նշեց, որ ՀԷՑ պետական ժամանակավոր կառավարիչ Ռոմանոս Պետրոսյանը տեղամասերի պետեր և ավագ ինժեներներ է նշանակում «Քաղաքացիական պայմանագիր» կուսակցության ներկայացուցիչներին: Ի պատասխան՝ Մեսրոպյանն ընդգծեց, որ նման գործողությունները ժամանակավոր կառավարչի իրավասության ներքո են և ՀԾԿՀ հետ համաձայնեցում չեն պահանջում:
Պատասխանելով Ստոկհոլմում միջազգային արբիտրաժի ընթացքի մասին պատգամավորի հարցին՝ Մեսրոպյանը պարզաբանեց, որ գործընթացը փակ է, ուստի տեղեկությունների համար պետք է դիմել միջազգային իրավական հարցերով Հայաստանի ներկայացուցչի գրասենյակ:
Գործարար Սամվել Կարապետյանի պաշտպանական խորհուրդը հուլիսի 23-ին հայտնեց, որ Կարապետյանի ընտանիքը
հաղթել է ՀՀ կառավարության դեմ նախաձեռնած արբիտրաժային հրատապ գործը։ Կառավարությունն
արձագանքեց միջազգային դատարանի վճռին` նշելով, որ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը։
Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։
Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի
կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։
Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա
հայտարարեց, որ ՀԷՑ–ի պետականացման պլանը պատրաստ է։
Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի
պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով
վարույթ է հարուցել ՀԷՑ–ի նկատմամբ։
Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
