https://arm.sputniknews.ru/20250718/htskh-n-rvomanvos-petrvosjanin-nshanakec-hec-i-zhamanakavvor-karavarich-91473846.html
ՀԾԿՀ–ն Ռոմանոս Պետրոսյանին նշանակեց ՀԷՑ–ի ժամանակավոր կառավարիչ
ՀԾԿՀ–ն Ռոմանոս Պետրոսյանին նշանակեց ՀԷՑ–ի ժամանակավոր կառավարիչ
Sputnik Արմենիա
Հանրային ծառայությունները կարգավորող հանձնաժողովը կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։ 18.07.2025, Sputnik Արմենիա
2025-07-18T15:48+0400
2025-07-18T15:48+0400
2025-08-01T15:19+0400
հայաստան
հանրային ծառայությունները կարգավորող հանձնաժողով (հծկհ)
ռոմանոս պետրոսյան
https://cdn.am.sputniknews.ru/img/07e5/06/03/27791360_0:0:1451:816_1920x0_80_0_0_0d6d7516e10eed0604952b03b1fdce1c.jpg
ԵՐԵՎԱՆ, 18 հուլիսի – Sputnik. Հայաստանի հանրային ծառայությունները կարգավորող հանձնաժողովը Ռոմանոս Պետրոսյանին նշանակեց «Հայաստանի էլեկտրական ցանցեր» ընկերության ժամանակավոր կառավարիչ։ Որոշումը հրապարակվել է ՀԾԿՀ–ի կայքում։ՀՀ վարչապետ Նիկոլ Փաշինյանը հուլիսի 17-ին նրան ազատել էր պետական վերահսկողության ծառայության պետի պաշտոնից։ՀԾԿՀ նախագահ Մեսրոպ Մեսրոպյանի որոշմամբ` ՀԷՑ–ի վերաբերյալ վարույթ է հարուցվել, հիմքում կառավարության ներկայացրած հաղորդումն է։ Հենց այս վարույթն է, որ հնարավորություն է տալիս ՀԾԿՀ նախագահին ՀԷՑ–ի ժամանակավոր պաշտոնակատար նշանակել։ ՀԾԿՀ նախագահը կարծում է, որ Ռոմանոս Վանիչկայի Պետրոսյանն ի պաշտոնե իրականացրած լինելով վերահսկողական գործառույթներ` իր կառավարչական որակներով և ամբողջությամբ համապատասխանում է ժամանակավոր կառավարչի դերից բխող չափանիշներին։Ռոմանոս Պետրոսյանին բարձր աշխատավարձ վճարելու պարտավորությունը դրվել է ՀԷՑ–ի ուսերին։Նշվում է, որ որոշումը երկամսյա ժամկետում կարող է բողոքարկվել ՀԾԿՀ նախագահին կամ ՀՀ վարչական դատարանը, և դրա բողոքարկումը չի կասեցնում որոշման գործողությունը կամ կատարումը։ Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հանրային ծառայությունները կարգավորող հանձնաժողով (հծկհ), ռոմանոս պետրոսյան
հայաստան, հանրային ծառայությունները կարգավորող հանձնաժողով (հծկհ), ռոմանոս պետրոսյան
ՀԾԿՀ–ն Ռոմանոս Պետրոսյանին նշանակեց ՀԷՑ–ի ժամանակավոր կառավարիչ
15:48 18.07.2025 (Թարմացված է: 15:19 01.08.2025) Հանրային ծառայությունները կարգավորող հանձնաժողովը կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։
ԵՐԵՎԱՆ, 18 հուլիսի – Sputnik. Հայաստանի հանրային ծառայությունները կարգավորող հանձնաժողովը Ռոմանոս Պետրոսյանին նշանակեց «Հայաստանի էլեկտրական ցանցեր» ընկերության ժամանակավոր կառավարիչ։ Որոշումը հրապարակվել է ՀԾԿՀ–ի
կայքում։
ՀՀ վարչապետ Նիկոլ Փաշինյանը հուլիսի 17-ին նրան
ազատել էր պետական վերահսկողության ծառայության պետի պաշտոնից։
ՀԾԿՀ նախագահ Մեսրոպ Մեսրոպյանի որոշմամբ` ՀԷՑ–ի վերաբերյալ վարույթ է հարուցվել, հիմքում
կառավարության ներկայացրած հաղորդումն է։ Հենց այս վարույթն է, որ հնարավորություն է տալիս ՀԾԿՀ նախագահին ՀԷՑ–ի ժամանակավոր պաշտոնակատար նշանակել։
«Վերջին տարիներին գնալով ավելի մեծ թափ է ստանում հանրության մոտ օրեցօր աճող դժգոհությունը` պայմանավորված այնպիսի օբյեկտիվ իրողություններով, ինչպիսիք են համակարգային խոշոր վթարները, հաճախ դարձած մեծաթիվ հոսանքազրկումները, մատակարարվող էլեկտրական էներգիայի լարման շեղումները, հնարավոր հավելագրումները, էլեկտրական ցանցին նոր սպառողների միացման ժամկետների համատարած խախտումները և այլն»,– վարչական վարույթ հարուցելու որոշման մեջ։
ՀԾԿՀ նախագահը կարծում է, որ Ռոմանոս Վանիչկայի Պետրոսյանն ի պաշտոնե իրականացրած լինելով վերահսկողական գործառույթներ` իր կառավարչական որակներով և ամբողջությամբ համապատասխանում է ժամանակավոր կառավարչի դերից բխող չափանիշներին։
Ռոմանոս Պետրոսյանին բարձր աշխատավարձ վճարելու պարտավորությունը դրվել է ՀԷՑ–ի ուսերին։
Նշվում է, որ որոշումը երկամսյա ժամկետում կարող է բողոքարկվել ՀԾԿՀ նախագահին կամ ՀՀ վարչական դատարանը, և դրա բողոքարկումը չի կասեցնում որոշման գործողությունը կամ կատարումը։
Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։
Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի
կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։
Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա
հայտարարեց, որ ՀԷՑ–ի պետականացման պլանը պատրաստ է։
Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
