https://arm.sputniknews.ru/20250723/arbitrazhajin-datarani-vtshrvov-petq-e-gnal-registr-u-pvokhel-heci-karavarchin-nairi-sargsjan-91601612.html

Արբիտրաժային դատարանի վճռով պետք է գնալ ռեգիստր ու փոխել ՀԷՑ–ի կառավարչին. Նաիրի Սարգսյան

Արբիտրաժային դատարանի վճռով պետք է գնալ ռեգիստր ու փոխել ՀԷՑ–ի կառավարչին. Նաիրի Սարգսյան

Sputnik Արմենիա

Կառավարության կողմից ստոկհոլմյան արբիտրաժային դատարանի վճիռը չկատարելու հնարավոր խոչընդոտները նույնպես ենթակա են իրավական պատժի և գնահատականի։ 23.07.2025, Sputnik Արմենիա

2025-07-23T16:21+0400

2025-07-23T16:21+0400

2025-07-23T16:21+0400

նաիրի սարգսյան

հայաստանի էլեկտրական ցանցեր (հէց)

արբիտրաժային դատարան

ռոմանոս պետրոսյան

սամվել կարապետյան

https://cdn.am.sputniknews.ru/img/07e9/03/05/86441581_0:0:1600:901_1920x0_80_0_0_cf2fb1295c708e2c53c487cb2e6967c1.jpg

ԵՐԵՎԱՆ, 23 հուլիսի – Sputnik. Ստոկհոլմի առևտրային պալատի արբիտրաժային ինստիտուտի (SCC) վճռի կատարումը կարող է զարգանալ 2 սցենարով։ Այսօր կայացած ասուլիսում այս մասին հայտարարեց Աուդիտորների պալատի նախագահ Նաիրի Սարգսյանը։Գործարար Սամվել Կարապետյանի պաշտպանական խորհուրդն այսօր հայտնեց, որ Կարապետյանի ընտանիքը հաղթել է ՀՀ կառավարության դեմ նախաձեռնած արբիտրաժային հրատապ գործը։ Կառավարությունն արձագանքեց միջազգային դատարանի վճռին` նշելով, որ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը։Նաիրի Սարգսյանը նշեց, որ այս դեպքում առաջին սցենարը իրավական ճանապարհն է, որի դեպքում պետք է առաջնորդվել այն փաստով, որ միջազգային դատարանի վճիռը ենթակա է պարտադիր կատարման։Նաիրի Սարգսյանի խոսքով՝ երկրորդը իշխանությունների կողմից ուժի կիրառման սցենարն է։«Այսինքն՝ զուտ ուժային կամ նիկոլփաշինյանական ձևաչափով առաջնորդվելը։ Հնարավոր է, որ դեռևս որոշակի ժամանակահատված արհեստական խոչընդոտներ ստեղծեն։ Իհարկե, այդ խոչընդոտներն էլ ենթակա են իրավական պատժի և գնահատականի»,– եզրափակեց Նաիրի Սարգսյանը։Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։

2025

Լուրեր

am_HY

նաիրի սարգսյան, հայաստանի էլեկտրական ցանցեր (հէց), արբիտրաժային դատարան, ռոմանոս պետրոսյան, սամվել կարապետյան