https://arm.sputniknews.ru/20250723/arbitrazhajin-datarani-vorvoshumy-der-petq-e-arajin-atjani-datarany-tshanachi-rvomanvos-petrvosjan-91613004.html
Արբիտրաժային դատարանի որոշումը դեռ պետք է Առաջին ատյանի դատարանը ճանաչի․ Ռոմանոս Պետրոսյան
Արբիտրաժային դատարանի որոշումը դեռ պետք է Առաջին ատյանի դատարանը ճանաչի․ Ռոմանոս Պետրոսյան
Sputnik Արմենիա
ՀԷՑ-ի ժամանակավոր կառավարիչը վստահ է, որ դեռևս վաղ է խոսել հաղթելու կամ պարտվելու մասին, քանի որ ներպետական դատական գործընթաց է մեկնարկելու։ 23.07.2025, Sputnik Արմենիա
2025-07-23T21:40+0400
2025-07-23T21:40+0400
2025-07-23T22:25+0400
ռոմանոս պետրոսյան
հայաստանի էլեկտրական ցանցեր (հէց)
արբիտրաժային դատարան
միջազգային դատարան
հայաստան
սամվել կարապետյան
https://cdn.am.sputniknews.ru/img/07e6/06/02/42753450_0:0:1600:901_1920x0_80_0_0_9b0e87d1a5b53427f04c8d4ed59ccfdd.jpg
ԵՐԵՎԱՆ, 23 հուլիսի – Sputnik․ Ստոկհոլմի առևտրային պալատի արբիտրաժային ինստիտուտի (SCC) որոշումը դեռևս պետք է ճանաչվի ՀՀ Առաջին ատյանի դատարանի կողմից։ Արտաշատում՝ ՀԷՑ-ի «Արաքս» մասնաճյուղի մոտ 24news.am-ի հետ զրույցում այս մասին ասել է «Հայաստանի էլեկտրական ցանցեր» ՓԲԸ–ի ժամանակավոր կառավարիչ Ռոմանոս Պետրոսյանը։Գործարար Սամվել Կարապետյանի պաշտպանական խորհուրդն այսօր հայտնեց, որ Կարապետյանի ընտանիքը հաղթել է ՀՀ կառավարության դեմ նախաձեռնած արբիտրաժային հրատապ գործը։ Կառավարությունն արձագանքեց միջազգային դատարանի վճռին` նշելով, որ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը։Ռոմանոս Պետրոսյանի խոսքով՝ «Առևտրային արբիտրաժի մասին» ՀՀ օրենքով հստակ սահմանված են այն ընթացակարգերը, որոնք վերաբերում են նմանատիպ հրատապ որոշումների կայացմանն ու այն գործընթացին, որը պետք է հաջորդի որոշմանը։Վստահ է, որ պետությունը պատշաճ կերպով կներկայացնի և կհիմնավորի կատարված ամբողջ գործընթացը դատարանում։ Ըստ նրա՝ դատական վճռի ընդունումից հետո միայն կարելի է խոսել հաղթելու, պարտվելու կամ գործընթացն ավարտին հասցնելու մասին։Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռոմանոս պետրոսյան, հայաստանի էլեկտրական ցանցեր (հէց), արբիտրաժային դատարան, միջազգային դատարան, հայաստան, սամվել կարապետյան
ռոմանոս պետրոսյան, հայաստանի էլեկտրական ցանցեր (հէց), արբիտրաժային դատարան, միջազգային դատարան, հայաստան, սամվել կարապետյան
Արբիտրաժային դատարանի որոշումը դեռ պետք է Առաջին ատյանի դատարանը ճանաչի․ Ռոմանոս Պետրոսյան
21:40 23.07.2025 (Թարմացված է: 22:25 23.07.2025) ՀԷՑ-ի ժամանակավոր կառավարիչը վստահ է, որ դեռևս վաղ է խոսել հաղթելու կամ պարտվելու մասին, քանի որ ներպետական դատական գործընթաց է մեկնարկելու։
ԵՐԵՎԱՆ, 23 հուլիսի – Sputnik․ Ստոկհոլմի առևտրային պալատի արբիտրաժային ինստիտուտի (SCC) որոշումը դեռևս պետք է ճանաչվի ՀՀ Առաջին ատյանի դատարանի կողմից։ Արտաշատում՝ ՀԷՑ-ի «Արաքս» մասնաճյուղի մոտ
24news.am-ի հետ զրույցում այս մասին ասել է «Հայաստանի էլեկտրական ցանցեր» ՓԲԸ–ի ժամանակավոր կառավարիչ Ռոմանոս Պետրոսյանը։
Գործարար Սամվել Կարապետյանի պաշտպանական խորհուրդն այսօր հայտնեց, որ Կարապետյանի ընտանիքը
հաղթել է ՀՀ կառավարության դեմ նախաձեռնած արբիտրաժային հրատապ գործը։ Կառավարությունն
արձագանքեց միջազգային դատարանի վճռին` նշելով, որ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը։
Ռոմանոս Պետրոսյանի խոսքով՝ «Առևտրային արբիտրաժի մասին» ՀՀ օրենքով հստակ սահմանված են այն ընթացակարգերը, որոնք վերաբերում են նմանատիպ հրատապ որոշումների կայացմանն ու այն գործընթացին, որը պետք է հաջորդի որոշմանը։
«Այդ օրենքի համաձայն` հայցորդները դեռևս պետք է Առաջին ատյանի դատարան դիմեն, որոշումը դատարանը ճանաչի, կատարողական թերթիկ տա, վարույթ հարուցի, այսպես ասած, դատական վճռով, նոր դա դատական կատարման վճիռ դառնա։ Դա ենթադրում է, որ ներպետական դատական գործընթաց պետք է մեկնարկի, և դատական վարույթի շրջանակներում ՀՀ կառավարությունը՝ ի դեմս լիազոր մարմնի, պետք է ներկայացնի այն բոլոր հիմնավորումները, թե ինչու է հաղորդում ներկայացրել ՀԾԿՀ և ամբողջ ընթացակարգը՝ մինչև ՀԷՑ-ի հետ կապված գործընթացների այս փուլի իրականացումը` ներառյալ ժամանակավոր կառավարչի նշանակումը և ժամանակավոր կառավարչի լիազորությունների իրացման առաջնահերթությունները, պիտի հիմնավորվեն դատարանում»,- նշել է Պետրոսյանը։
Վստահ է, որ պետությունը պատշաճ կերպով կներկայացնի և կհիմնավորի կատարված ամբողջ գործընթացը դատարանում։ Ըստ նրա՝ դատական վճռի ընդունումից հետո միայն կարելի է խոսել հաղթելու, պարտվելու կամ գործընթացն ավարտին հասցնելու մասին։
Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։
Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի
կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։
Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա
հայտարարեց, որ ՀԷՑ–ի պետականացման պլանը պատրաստ է։
Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի
պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով
վարույթ է հարուցել ՀԷՑ–ի նկատմամբ։
Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։
