https://arm.sputniknews.ru/20250715/im-filmery-nvor-serundn-e-prkel-legendar-rezhisvor-amir-naderin-voske-tsirani-zhamanak-91367118.html
Իմ ֆիլմերը նոր սերունդն է փրկել. լեգենդար ռեժիսոր Ամիր Նադերին՝ «Ոսկե ծիրանի» ժամանակ
Իմ ֆիլմերը նոր սերունդն է փրկել. լեգենդար ռեժիսոր Ամիր Նադերին՝ «Ոսկե ծիրանի» ժամանակ
Sputnik Արմենիա
Հետհեղափոխական իրանական կինոյի նշանավոր ռեժիսորներից մեկը՝ Ամիր Նադերին, պատմել է իր ստեղծագործական ուղու, կինոյի նկարահանման և մոնտաժի գաղտնիքների մասին: 15.07.2025, Sputnik Արմենիա
2025-07-15T20:33+0400
2025-07-15T20:33+0400
2025-07-15T20:33+0400
«ոսկե ծիրան» կինոփառատոն
ամիր նադերի
ռեժիսոր
ֆիլմ
իրանի իսլամական հանրապետություն
https://cdn.am.sputniknews.ru/img/07e9/07/0f/91363528_0:100:1600:1000_1920x0_80_0_0_b884360006a2fd7fe348f8ac0ee50b6b.jpg
ԵՐԵՎԱՆ, 15 հուլիսի - Sputnik. «Ոսկե ծիրան» 22-րդ միջազգային կինոփառատոնի շրջանակներում Երևանում հանդիպում եղավ իրանական կինոյի ամենաինքնատիպ ռեժիսորներից մեկի՝ Ամիր Նադերիի հետ, որն այս տարի ընդգրկված է մրցութային ծրագրի ժյուրիի կազմում:Զրույցի ընթացքում Նադերին պատմեց իր պատկերացումները արվեստի, ազատության և ներքին ճշմարտության մասին, որին, ըստ նրա, պետք է ենթարկվի կինոն:Անդրադառնալով հայրենիքում իր աշխատանքների ընկալմանը՝ ռեժիսորը նշեց, որ իր ֆիլմերը երկար ժամանակ արձագանք չէին գտնում իր սերնդի հանդիսատեսի մոտ: Դրանք, հավանաբար, չէին համապատասխանում հասարակության ժամանակի ոգուն, սպասումներին և հուզական վիճակին: Տարիներ անց հանդիսատեսի նոր սերունդն էր, որ հետաքրքրություն ցուցաբերեց դրանց նկատմամբ:Անձնական գեղարվեստական մեթոդի և դարաշրջանի հավաքական տրամադրվածության միջև հենց այս խոր անհամապատասխանությունն է, Նադերիի խոսքով, դարձել Իրանից նրա հեռանալու պատճառներից մեկը։ Երկրորդ պատճառը նա համարում է ներքին և ստեղծագործական ազատության ձգտումը։ Նադերին հասկացել է, որ չի կարողանա ֆիլմ նկարահանել առանց անձնական փորձի վրա հենվելու։«Ֆինանսների կարիքն իհարկե կա, բայց ավելի շատ ազատության կարիք կա»,-խոստովանում է նա:Գրկախառնություններ «Ոսկե ծիրանի» բացման ժամանակ. Նադերին արժանացավ «Փարաջանովյան թալեր»-իՌեժիսորը մեկնել է առանց ծրագրի, միակողմանի տոմսով և մեկ տեսախցիկով։«Ես հասկանում էի, որ ավելի վատ պայմաններում եմ հայտնվելու՝ առանց լեզվի և աջակցության։ Ես սիրում եմ իմ երկիրը, բայց այդպես էլ չվերադարձա։ Ես միշտ միայն առաջ եմ նայում»,-նշեց Նադերին։Ազատությունը նրա համար վերացական հասկացություն չէ, այլ կոնկրետ ստեղծագործական անհրաժեշտություն։ Այդ պատճառով էլ նա ֆիլմերը հստակ սխեմայով չի մշակում։ Թեմաները, դերասանները և տեսողական ոճը գալիս են ներսից, աստիճանաբար: Աշխատանքը սկսելուց առաջ նա մի քանի ամիս մեկուսանում է, որպեսզի մենակ մնա նյութի հետ։Նման մոտեցման օրինակ է «Վազողը» ֆիլմի համար դերասանի ընտրության պատմությունը։Ռեժիսորը պատմեց, որ ֆիլմի դերասանների և դետալների ընտրությունն իր համար միշտ էլ բնազդորեն է լինում: Օրինակ՝ մի օր, փողոցում լսելով անցորդի սուլոցը, նա անմիջապես զգացել է, որ իր առջև իր ֆիլմի ապագա հերոսն է։ Նադերին ընդգծեց, որ վստահում է իր սրտին և նախընտրում է դիտել, ոչ թե հորինել։ Նրան ոգեշնչում են մանրուքները, օրինակ՝ անձրևի ձայները, որոնք, նրա խոսքով, կարող են նոր պատկերներ և մտքեր արթնացնել:Կինոն լեզու է․ ոչ կարմիր գորգով մեկնարկեց «Ոսկե ծիրան» կինոփառատոնի բացման արարողությունըԽոսելով ժամանակակից տեխնոլոգիաների հասանելիության մասին՝ Նադերին նշեց` այն, որ յուրաքանչյուրի մոտ հիմա տեսախցիկ կա, ինչպես դրական, այնպես էլ բացասական կողմեր ունի: Մի կողմից դա ավելի շատ հնարավորություն է տալիս նկարահանման և ընտրության համար, մյուս կողմից՝ այդ առատության մեջ հեշտ է կորցնել էությունը։ Այնուամենայնիվ, նրա կարծիքով, կինոն շարունակում է կենդանի արվեստ մնալ. այն հետք է թողնում մարդու վրա, բայց մարդն էլ իր հերթին իրենից մասնիկ է դնում ֆիլմի մեջ: Քանի դեռ այդ կապը գոյություն ունի, ֆիլմը շարունակում է ապրել։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«ոսկե ծիրան» կինոփառատոն, ամիր նադերի, ռեժիսոր, ֆիլմ, իրանի իսլամական հանրապետություն
«ոսկե ծիրան» կինոփառատոն, ամիր նադերի, ռեժիսոր, ֆիլմ, իրանի իսլամական հանրապետություն
Իմ ֆիլմերը նոր սերունդն է փրկել. լեգենդար ռեժիսոր Ամիր Նադերին՝ «Ոսկե ծիրանի» ժամանակ
Հետհեղափոխական իրանական կինոյի նշանավոր ռեժիսորներից մեկը՝ Ամիր Նադերին, պատմել է իր ստեղծագործական ուղու, կինոյի նկարահանման և մոնտաժի գաղտնիքների մասին:
ԵՐԵՎԱՆ, 15 հուլիսի - Sputnik. «Ոսկե ծիրան» 22-րդ միջազգային կինոփառատոնի շրջանակներում Երևանում հանդիպում եղավ իրանական կինոյի ամենաինքնատիպ ռեժիսորներից մեկի՝ Ամիր Նադերիի հետ, որն այս տարի ընդգրկված է մրցութային ծրագրի ժյուրիի կազմում:
Զրույցի ընթացքում Նադերին պատմեց իր պատկերացումները արվեստի, ազատության և ներքին ճշմարտության մասին, որին, ըստ նրա, պետք է ենթարկվի կինոն:
Անդրադառնալով հայրենիքում իր աշխատանքների ընկալմանը՝ ռեժիսորը նշեց, որ իր ֆիլմերը երկար ժամանակ արձագանք չէին գտնում իր սերնդի հանդիսատեսի մոտ: Դրանք, հավանաբար, չէին համապատասխանում հասարակության ժամանակի ոգուն, սպասումներին և հուզական վիճակին: Տարիներ անց հանդիսատեսի նոր սերունդն էր, որ հետաքրքրություն ցուցաբերեց դրանց նկատմամբ:
«Տասնամյակներ են անցել, իսկ երիտասարդությունը, միևնույն է, դիմում է անցյալին, նայում է։ Շնորհակալություն նրանց։ Նրանք պահպանում են ժառանգությունը»,-ասացնա։
Անձնական գեղարվեստական մեթոդի և դարաշրջանի հավաքական տրամադրվածության միջև հենց այս խոր անհամապատասխանությունն է, Նադերիի խոսքով, դարձել Իրանից նրա հեռանալու պատճառներից մեկը։ Երկրորդ պատճառը նա համարում է ներքին և ստեղծագործական ազատության ձգտումը։ Նադերին հասկացել է, որ չի կարողանա ֆիլմ նկարահանել առանց անձնական փորձի վրա հենվելու։
«Ֆինանսների կարիքն իհարկե կա, բայց ավելի շատ ազատության կարիք կա»,-խոստովանում է նա:
Ռեժիսորը մեկնել է առանց ծրագրի, միակողմանի տոմսով և մեկ տեսախցիկով։
«Ես հասկանում էի, որ ավելի վատ պայմաններում եմ հայտնվելու՝ առանց լեզվի և աջակցության։ Ես սիրում եմ իմ երկիրը, բայց այդպես էլ չվերադարձա։ Ես միշտ միայն առաջ եմ նայում»,-նշեց Նադերին։
Ազատությունը նրա համար վերացական հասկացություն չէ, այլ կոնկրետ ստեղծագործական անհրաժեշտություն։ Այդ պատճառով էլ նա ֆիլմերը հստակ սխեմայով չի մշակում։ Թեմաները, դերասանները և տեսողական ոճը գալիս են ներսից, աստիճանաբար: Աշխատանքը սկսելուց առաջ նա մի քանի ամիս մեկուսանում է, որպեսզի մենակ մնա նյութի հետ։
«Ես գրեթե երբեք չգիտեմ, թե ինչպես կավարտվի ֆիլմը։ Թե ինչպիսին կլինի գունաշտկումը՝ նույնպես: Ամեն ինչ ինքնըստինքյան է գալիս: Կարևորը լսել կարողանալն է», -ընդգծեց նա։
Նման մոտեցման օրինակ է «Վազողը» ֆիլմի համար դերասանի ընտրության պատմությունը։
Ռեժիսորը պատմեց, որ ֆիլմի դերասանների և դետալների ընտրությունն իր համար միշտ էլ բնազդորեն է լինում: Օրինակ՝ մի օր, փողոցում լսելով անցորդի սուլոցը, նա անմիջապես զգացել է, որ իր առջև իր ֆիլմի ապագա հերոսն է։ Նադերին ընդգծեց, որ վստահում է իր սրտին և նախընտրում է դիտել, ոչ թե հորինել։ Նրան ոգեշնչում են մանրուքները, օրինակ՝ անձրևի ձայները, որոնք, նրա խոսքով, կարող են նոր պատկերներ և մտքեր արթնացնել:
Խոսելով ժամանակակից տեխնոլոգիաների հասանելիության մասին՝ Նադերին նշեց` այն, որ յուրաքանչյուրի մոտ հիմա տեսախցիկ կա, ինչպես դրական, այնպես էլ բացասական կողմեր ունի: Մի կողմից դա ավելի շատ հնարավորություն է տալիս նկարահանման և ընտրության համար, մյուս կողմից՝ այդ առատության մեջ հեշտ է կորցնել էությունը։ Այնուամենայնիվ, նրա կարծիքով, կինոն շարունակում է կենդանի արվեստ մնալ. այն հետք է թողնում մարդու վրա, բայց մարդն էլ իր հերթին իրենից մասնիկ է դնում ֆիլմի մեջ: Քանի դեռ այդ կապը գոյություն ունի, ֆիլմը շարունակում է ապրել։
