https://arm.sputniknews.ru/20250711/tsaghri-ararka-en-dardznum-uzhajin-tsarajutjunnerin-hemy-chamichjanin-kalanavvorelu-masin-91224778.html
Ծաղրի առարկա են դարձնում ուժային ծառայություններին. ՀԵՄ–ը` Չամիչյանին կալանավորելու մասին
Ծաղրի առարկա են դարձնում ուժային ծառայություններին. ՀԵՄ–ը` Չամիչյանին կալանավորելու մասին
Sputnik Արմենիա
ՀԵՄ–ը համոզված է, որ դաշնակցականների դեմ գործողությունները կհամախմբեն գաղափարական ընկերներին ու համակիրներին։ 11.07.2025, Sputnik Արմենիա
2025-07-11T13:37+0400
2025-07-11T13:37+0400
2025-08-11T18:22+0400
հայաստան
հայ յեղափոխական դաշնակցություն (հյդ)
խուզարկություն
զենք
ահաբեկչություն
https://cdn.am.sputniknews.ru/img/07e9/07/0b/91224526_0:671:1200:1346_1920x0_80_0_0_477ca9855d44e91dd3d410dd0ff22d85.jpg
ԵՐԵՎԱՆ, 11 հուլիսի – Sputnik. Այն, ինչ կատարվում է դաշնակցականների նկատմամբ, հիշեցնում է խորհրդային ռեպրեսիվ ավանդույթները։ Այս հայտարարությունն արել է ՀՅԴ Հայաստանի երիտասարդական միության կենտրոնական վարչությունը` անդրադառնալով դաշնակցականների տներում իրականացված խուզարկություններին, ձերբակալություններին և մասնավորապես ՀԵՄ անդամ, 18–ամյա Անդրանիկ Չամիչյանի կալանքին։«Վերջին օրերին մենք ականատեսն ենք լինում դաշնակցության և ՀՅԴ Հայաստանի երիտասարդական միության նկատմամբ ուղղված զրպարտչական, վարկաբեկման և մանիպուլյատիվ արշավի, որը ոչ թե հիմնված է իրականության վրա, այլ թելադրված է քաղաքական իշխանության կողմից»,– ասված է հաղորդագրությունում։ՀԵՄ–ը համարում է, որ ուժայինների գործողությունների նպատակն է վախեցնել, լռեցնել ու ահաբեկել քաղաքականապես գիտակից, գաղափարական համոզմունքներով առաջնորդվող հայ երիտասարդներին։ՀԵՄ–ն ընդգծել է, որ ՀՀ իրավապահ համակարգը Հայաստանի արտաքին սպառնալիքների արձագանքելու, սահմաններն ամրացնելու փոխարեն զբաղված է «սթրայքբոլի սիրահարների «բացահայտման և վնասազերծման» լուրջ ու պատասխանատու աշխատանքով»։«Մենք հպարտ ենք մեր ընկերներով, որոնք պատվի ու սկզբունքի հարց են համարում պայքարը հանուն հայրենիքի, և ոչ մի կարծրատիպ, սպառնալիք կամ զրպարտություն չի կոտրի այդ կամքը։ Իսկ այս շինծու գործընթացները ոչ թե կվախեցնեն, այլ նոր համոզմունք ու իմաստ կտան մեր պայքարին և կապահովեն մեր գաղափարական ընկերների և համակիրների համախմբումը»,– ասված է հայտարարությունում։Հիշեցնենք` հուլիսի 10-ին խուզարկություններ են իրականացվել դաշնակցականների տներում, որից հետո 7 անձ ձերբակալվել է և տարվել ՀՀ քննչական կոմիտե։ 3 ժամից ավելի փաստաբաններին թույլ չէին տալիս մուտք գործել շենք ու հանդիպել վստահորդների հետ, անգամ ՄԻՊ–ի միջամտությունից հետո իրավիճակը չփոխվեց։ Ժամեր անց փաստաբանները լրագրողների հետ զրույցում հայտարարեցին, որ հեռանալու որոշում են կայացրել, քանի որ այն, ինչ կատարվում է, իրավական գործընթաց չէ։Ձերբակալվածներից մեկը 18–ամյա Անդրանիկ Չամիչյանն էր, որն այսօր կալանավորվեց 2 ամսով։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայ յեղափոխական դաշնակցություն (հյդ), խուզարկություն, զենք, ահաբեկչություն
հայաստան, հայ յեղափոխական դաշնակցություն (հյդ), խուզարկություն, զենք, ահաբեկչություն
Ծաղրի առարկա են դարձնում ուժային ծառայություններին. ՀԵՄ–ը` Չամիչյանին կալանավորելու մասին
13:37 11.07.2025 (Թարմացված է: 18:22 11.08.2025) ՀԵՄ–ը համոզված է, որ դաշնակցականների դեմ գործողությունները կհամախմբեն գաղափարական ընկերներին ու համակիրներին։
ԵՐԵՎԱՆ, 11 հուլիսի – Sputnik. Այն, ինչ կատարվում է դաշնակցականների նկատմամբ, հիշեցնում է խորհրդային ռեպրեսիվ ավանդույթները։ Այս հայտարարությունն արել է ՀՅԴ
Հայաստանի երիտասարդական միության կենտրոնական վարչությունը` անդրադառնալով դաշնակցականների տներում իրականացված խուզարկություններին, ձերբակալություններին և մասնավորապես ՀԵՄ անդամ, 18–ամյա Անդրանիկ Չամիչյանի կալանքին։
«Վերջին օրերին մենք ականատեսն ենք լինում դաշնակցության և ՀՅԴ Հայաստանի երիտասարդական միության նկատմամբ ուղղված զրպարտչական, վարկաբեկման և մանիպուլյատիվ արշավի, որը ոչ թե հիմնված է իրականության վրա, այլ թելադրված է քաղաքական իշխանության կողմից»,– ասված է հաղորդագրությունում։
ՀԵՄ–ը համարում է, որ ուժայինների գործողությունների նպատակն է վախեցնել, լռեցնել ու ահաբեկել քաղաքականապես գիտակից, գաղափարական համոզմունքներով առաջնորդվող հայ երիտասարդներին։
«Մեր ընկերների նկատմամբ իրականացվող գործողությունները՝ անօրինական ձերբակալություններ, խուզարկություններ, կեղծ մեղադրանքներ, հիշեցնում են խորհրդային ռեպրեսիվ ավանդույթները։ Երիտասարդներին ձերբակալել խաղային զենքերի, օրենքի սահմաններում ազատ վաճառքի դրված խաղային այլ իրեր ձեռք բերելու համար ոչ այլ ինչ է, քան ծաղրի առարկա դարձնել ուժային և հատուկ ծառայություններին։ Հրապարակել 135-ամյա կուսակցության գրեթե նույն տարիքի կարգախոսով շապիկ և պարծենալ «բացահայտված ահաբեկչական գործողություններով», ոչ այլ ինչ է, քան ազգային ամոթ»,– ասված է հայտարարությունում։
ՀԵՄ–ն ընդգծել է, որ ՀՀ իրավապահ համակարգը Հայաստանի արտաքին սպառնալիքների արձագանքելու, սահմաններն ամրացնելու փոխարեն զբաղված է «սթրայքբոլի սիրահարների «բացահայտման և վնասազերծման» լուրջ ու պատասխանատու աշխատանքով»։
«Մենք հպարտ ենք մեր ընկերներով, որոնք պատվի ու սկզբունքի հարց են համարում պայքարը հանուն հայրենիքի, և ոչ մի կարծրատիպ, սպառնալիք կամ զրպարտություն չի կոտրի այդ կամքը։ Իսկ այս շինծու գործընթացները ոչ թե կվախեցնեն, այլ նոր համոզմունք ու իմաստ կտան մեր պայքարին և կապահովեն մեր գաղափարական ընկերների և համակիրների համախմբումը»,– ասված է հայտարարությունում։
Հիշեցնենք` հուլիսի 10-ին
խուզարկություններ են իրականացվել դաշնակցականների տներում, որից հետո
7 անձ ձերբակալվել է և տարվել ՀՀ քննչական կոմիտե։ 3 ժամից ավելի փաստաբաններին թույլ չէին տալիս մուտք գործել շենք ու հանդիպել վստահորդների հետ, անգամ
ՄԻՊ–ի միջամտությունից հետո իրավիճակը չփոխվեց։ Ժամեր անց փաստաբանները լրագրողների հետ զրույցում
հայտարարեցին, որ հեռանալու որոշում են կայացրել, քանի որ այն, ինչ կատարվում է, իրավական գործընթաց չէ։
Ձերբակալվածներից մեկը 18–ամյա Անդրանիկ Չամիչյանն էր, որն այսօր
կալանավորվեց 2 ամսով։
