https://arm.sputniknews.ru/20250702/veradardzvats-mankapartezy-misht-el-hamajnqinn-e-eghel-mesrvop-araqeljany-pashinjanin-90882902.html
«Վերադարձված» մանկապարտեզը միշտ էլ համայնքինն է եղել. Մեսրոպ Առաքելյանը` Փաշինյանին
«Վերադարձված» մանկապարտեզը միշտ էլ համայնքինն է եղել. Մեսրոպ Առաքելյանը` Փաշինյանին
Sputnik Արմենիա
Ավելի վաղ ՀՀ ԱԳ նախկին նախարարի կինը նշել էր, որ երբ իշխանությունները դիմել են շենքն իրենց վերադարձնելու խնդրանքով, խորհուրդը որոշել է այն վերադարձնել տեղական... 02.07.2025, Sputnik Արմենիա
2025-07-02T16:17+0400
2025-07-02T16:17+0400
2025-07-02T16:17+0400
մեսրոպ առաքելյան
մանկապարտեզ
նանի օսկանյան
նիկոլ փաշինյան
դիլիջան
https://cdn.am.sputniknews.ru/img/07e4/0c/19/25891907_0:84:1600:984_1920x0_80_0_0_57e36f7cd7622e56d4a6dfbfa0ccd967.jpg
ԵՐԵՎԱՆ, 2 հուլիսի – Sputnik․ ՀՀ վարչապետ Նիկոլ Փաշինյանը հերթական սխալ տեղեկատվությունն է հայտնել՝ իր «հատիկ առ հատիկ» շարքում ներկայացնելով Դիլիջան համայնքին վերադարձված մանկապարտեզի մասին։ Այս մասին իր ֆեյսբուքյան էջում գրել է «Ապրելու երկիր» կուսակցության համահիմնադիր Մեսրոպ Առաքելյանը՝ ընդգծելով, որ մանկապարտեզի մասնաշենքը միշտ էլ համայնքի սեփականությունն է եղել։Փաշինյանն այսօր գրառում էր արել՝ նշելով, որ դատարանի վճռով հաստատված հաշտության համաձայնության արդյունքում՝ Դիլիջան համայնքի Շահումյան փողոցի թիվ 34 հասցեում գտնվող 891,1 քմ մակերեսով անշարժ գույքը՝ մանկապարտեզի մասնաշենքը, վերադարձվել է Դիլիջան համայնքին։ Մանկապարտեզի շուկայականին մոտարկված կադաստրային արժեքը 85 միլիոն 935 հազար դրամ է։Հավելենք, որ խոսքը ՀՀ ԱԳ նախկին նախարար Վարդան Օսկանյանի կնոջ՝ Նանի Օսկանյանի ղեկավարած «Առաջինը երեխաներին» կազմակերպությանը տրամադրված մանկապարտեզի մասնաշենքի մասին է։Հունիսի 5-ին կառավարության նիստի ժամանակ ՀՀ վարչապետ Նիկոլ Փաշինյանը հայտարարել էր, որ հաշտության համաձայնագրով Դիլիջան համայնքին է վերադարձվել մանկապարտեզի մասնաշենքը, որը 19 տարի առաջ ՀՀ ԱԳ նախկին նախարար Վարդան Օսկանյանի կնոջը տրամադրվել էր անհատույց օգտագործման իրավունքով։ Փաշինյանն այս մասին հայտարարել էր «ուրիշի կնոջից վերցնել, ուրիշի կնոջը տալ» զրույցի համատեքստում` ընդգծելով, որ ինչ դատով ուրիշներին դատում են, նույն դատով իրենք են դատվելու, եթե մանկապարտեզը նախկին պաշտոնյայի կնոջից վերցնեն ու տան իրենց կանանց ու երեխաներին։Նանի Օսկանյանը, արձագանքելով Փաշինյանի հայտարարությանը, իր ֆեյսբուքյան էջում գրել էր, որ շենքը տրամադրված էր ոչ թե անձամբ իրեն, այլ «Առաջինը երեխաներին» կազմակերպությանը։ Նա ընդգծել էր, որ այն ժամանակ, երբ կազմակերպությունը ստանձնեց շենքի պատասխանատվությունը, այն ոչ օգտագործման վիճակում էր։ Ըստ նրա՝ շենքը լիովին վերանորոգվել է, կահավորվել և դարձել ֆունկցիոնալ, սակայն որոշ ժամանակ անց շենքը լուրջ վնասներ է կրել առեղծվածային հրդեհի հետևանքով։Նա ընդգծել էր, որ 2018 թվականի զարգացումներից հետո կազմակերպության տնօրենության խորհուրդը որոշել է ժամանակավորապես դադարեցնել գործունեությունը՝ սպասելով ավելի կայուն ժամանակների։ Երբ իշխանությունները դիմել են իրենց շենքը վերադարձնելու խնդրանքով, խորհուրդը որոշել է այն վերադարձնել տեղական իշխանություններին։
դիլիջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մեսրոպ առաքելյան, մանկապարտեզ, նանի օսկանյան, նիկոլ փաշինյան, դիլիջան
մեսրոպ առաքելյան, մանկապարտեզ, նանի օսկանյան, նիկոլ փաշինյան, դիլիջան
«Վերադարձված» մանկապարտեզը միշտ էլ համայնքինն է եղել. Մեսրոպ Առաքելյանը` Փաշինյանին
Ավելի վաղ ՀՀ ԱԳ նախկին նախարարի կինը նշել էր, որ երբ իշխանությունները դիմել են շենքն իրենց վերադարձնելու խնդրանքով, խորհուրդը որոշել է այն վերադարձնել տեղական իշխանություններին։
ԵՐԵՎԱՆ, 2 հուլիսի – Sputnik․ ՀՀ վարչապետ Նիկոլ Փաշինյանը հերթական սխալ տեղեկատվությունն է հայտնել՝ իր «հատիկ առ հատիկ» շարքում ներկայացնելով Դիլիջան համայնքին վերադարձված մանկապարտեզի մասին։ Այս մասին
իր ֆեյսբուքյան էջում գրել է «Ապրելու երկիր» կուսակցության համահիմնադիր Մեսրոպ Առաքելյանը՝ ընդգծելով, որ մանկապարտեզի մասնաշենքը միշտ էլ համայնքի սեփականությունն է եղել։
Փաշինյանն այսօր գրառում էր արել՝ նշելով, որ դատարանի վճռով հաստատված հաշտության համաձայնության արդյունքում՝ Դիլիջան համայնքի Շահումյան փողոցի թիվ 34 հասցեում գտնվող 891,1 քմ մակերեսով անշարժ գույքը՝ մանկապարտեզի մասնաշենքը, վերադարձվել է Դիլիջան համայնքին։ Մանկապարտեզի շուկայականին մոտարկված կադաստրային արժեքը 85 միլիոն 935 հազար դրամ է։
«Պարզվում է` այդ մանկապարտեզի չօգտագործվող շենքը միշտ եղել է համայնքի սեփականությունը, որը տրամադրվել է անհատույց օգտագործման ինչ-որ կազմակերպության։ Եվ ահա հիմա ընդամենը դադարեցվել է անհատույց օգտագործման պայմանագիրը, ու շենքը ոնց եղել է Դիլիջանի համայնքի սեփականությունը, շարունակում է մնալ Դիլիջան համայնքի սեփականությունը»,- գրել է Մեսրոպ Առաքելյանը։
Հավելենք, որ խոսքը ՀՀ ԱԳ նախկին նախարար Վարդան Օսկանյանի կնոջ՝ Նանի Օսկանյանի ղեկավարած «Առաջինը երեխաներին» կազմակերպությանը տրամադրված մանկապարտեզի մասնաշենքի մասին է։
Հունիսի 5-ին կառավարության նիստի ժամանակ ՀՀ վարչապետ Նիկոլ Փաշինյանը հայտարարել էր, որ հաշտության համաձայնագրով Դիլիջան համայնքին է վերադարձվել մանկապարտեզի մասնաշենքը, որը 19 տարի առաջ ՀՀ ԱԳ նախկին նախարար Վարդան Օսկանյանի կնոջը տրամադրվել էր անհատույց օգտագործման իրավունքով։ Փաշինյանն այս մասին հայտարարել էր «ուրիշի կնոջից վերցնել, ուրիշի կնոջը տալ» զրույցի համատեքստում` ընդգծելով, որ ինչ դատով ուրիշներին դատում են, նույն դատով իրենք են դատվելու, եթե մանկապարտեզը նախկին պաշտոնյայի կնոջից վերցնեն ու տան իրենց կանանց ու երեխաներին։
Նանի Օսկանյանը, արձագանքելով Փաշինյանի հայտարարությանը, իր ֆեյսբուքյան էջում գրել էր, որ շենքը տրամադրված էր ոչ թե անձամբ իրեն, այլ «Առաջինը երեխաներին» կազմակերպությանը։ Նա ընդգծել էր, որ այն ժամանակ, երբ կազմակերպությունը ստանձնեց շենքի պատասխանատվությունը, այն ոչ օգտագործման վիճակում էր։ Ըստ նրա՝ շենքը լիովին վերանորոգվել է, կահավորվել և դարձել ֆունկցիոնալ, սակայն որոշ ժամանակ անց շենքը լուրջ վնասներ է կրել առեղծվածային հրդեհի հետևանքով։
Նա ընդգծել էր, որ 2018 թվականի զարգացումներից հետո կազմակերպության տնօրենության խորհուրդը որոշել է ժամանակավորապես դադարեցնել գործունեությունը՝ սպասելով ավելի կայուն ժամանակների։ Երբ իշխանությունները դիմել են իրենց շենքը վերադարձնելու խնդրանքով, խորհուրդը որոշել է այն վերադարձնել տեղական իշխանություններին։
