https://arm.sputniknews.ru/20250625/hnaravvor-e-hajastani-miacumy-mijin-mijancqin-pvordzagety-gnahatum-e-herankarnery-90585247.html
Հնարավո՞ր է Հայաստանի միացումը «Միջին միջանցքին». փորձագետը գնահատում է հեռանկարները
Հնարավո՞ր է Հայաստանի միացումը «Միջին միջանցքին». փորձագետը գնահատում է հեռանկարները
Sputnik Արմենիա
Հայաստանը կարող է միանալ Վրաստանի և Իրանի տարածքով Անդրկասպյան տրանսպորտային միջանցքին՝ դառնալով «Միջին միջանցքի» մաս։ Դա կընդլայնի երկրի լոգիստիկ... 25.06.2025, Sputnik Արմենիա
2025-06-25T08:55+0400
2025-06-25T08:55+0400
2025-06-25T08:55+0400
միջին միջանցք
հայաստան
երթուղի
երկաթուղի
https://cdn.am.sputniknews.ru/img/07e9/03/05/86434285_0:83:1600:983_1920x0_80_0_0_c78dae77ed2e15d66aca93f96c1eb197.jpg
ԵՐԵՎԱՆ, 25 հունիսի - Sputnik. Վրաստանը կարող է առանցքային դեր խաղալ Հայաստանի՝ Տրանսկասպյան միջազգային տրանսպորտային (ՏԿՏՄ) երթուղուն միանալու գործում։Այս մասին «APRI Armenia» համաժողովի շրջանակներում Sputnik Արմենիայի հետ զրույցում ասաց «Xander Group» խորհրդատվական ընկերության հիմնադիր և գլխավոր տնօրեն Իսկանդեր Ակիլբաևը։Նրա խոսքով, նման սցենարի իրականացման համար անհրաժեշտ է իրականացնել հստակ տնտեսական և լոգիստիկ գործընթացներ՝ համաձայնեցնել հարկային ռեժիմները, սահմանել վրացական նավահանգիստներով ապրանքների տարանցման կանոնները և ապահովել ՏԿՏՄ երթուղու հետ սինխրոնացումը: Այս գործընթացին պետք է մասնակցեն ոչ միայն Հայաստանի և Վրաստանի կառավարությունները, այլև գործարար համայնքն ու փորձագիտական շրջանակները։Նրա կարծիքով, տրանսպորտային միջանցքին միանալը Երևանին թույլ կտա դուրս գալ Հարավային Կովկասի սահմաններից և արժանի տեղ զբաղեցնել ավելի լայն լոգիստիկ երթուղիներում: Հետևաբար, Հայաստանը պետք է կենտրոնանա իր ուժեղ կողմերի վրա՝ թեթև արդյունաբերության, տեքստիլ և տեղեկատվական տեխնոլոգիաների ոլորտներ։Ինչպես նշեց փորձագետը, այսպես կոչված Միջին միջանցքի նշանակությունը վերջին տարիներին զգալիորեն աճել է. այն դիտարկվում է որպես ավանդական երթուղիների կարևոր այլընտրանք և որպես Կենտրոնական Ասիայի և Հարավային Կովկասի միջև կապող օղակ: Նախագծին Հայաստանի մասնակցության քննարկումը նոր հրատապություն է ձեռք բերել տարածաշրջանում տրանսպորտային հաղորդակցությունների ապաշրջափակման մասին խոսակցությունների ֆոնին, որոնք սկսվել են դեռևս 2023 թվականին։Երթուղու խնդիրը լոգիստիկայի առավելագույն համակարգումը և պարզեցումն է: Հիմնական պայմաններից մեկը մասնակից երկրների երկաթուղային ենթակառուցվածքի միավորումն է։Ակիլբաևը կարծում է, որ Երևանը կարող է միանալ ՏԿՏՄ-ին «Խաղաղության խաչմերուկ» նախագծի շրջանակներում Կայան (Տավուշի մարզ) -Հրազդան ճյուղով: Այս դեպքում Չինաստանից բեռները Կասպից ծովով կտեղափոխվեն Ադրբեջան, այնուհետև երկաթուղով՝ Հայաստան, այնտեղից՝ Ախուրիկով՝ Թուրքիա։ Հնարավոր է նաև այլընտրանքային երթուղի՝ Սյունիքի մարզում երկաթուղու վերականգնման դեպքում մուտք Իրան և Վրաստան։Տեսականորեն հնարավոր է նաև մեկ այլ ուղղություն՝ կոնտեյներները Չինաստանից, Պարսից ծոցի երկրներից կամ Հնդկաստանից կարող են առաքվել իրանական Չաբահար նավահանգիստ, այնտեղից՝ Իրանի տարածքով Հայաստան, այնուհետև սևծովյան նավահանգիստներով՝ Եվրոպա:Այսպիսով, Հայաստանը կարող է դառնալ ոչ միայն մեկ երթուղու մասնակից, այլև մի քանի երկրներ և տրանսպորտային միջանցքներ կապող հանգույց։Տրանսկասպյան միջազգային տրանսպորտային երթուղին միջանցք է, որն անցնում է Չինաստանով, Ղազախստանով, Կասպից ծովի ջրատարածքով, Ադրբեջանով, Վրաստանով, Թուրքիայով և անցնում Եվրոպա: Նախկինում ո՛չ աշխարհագրական, ո՛չ էլ քաղաքական տեսանկյունից Երևանը չի դիտարկվել որպես այդ նախագծի մաս։ Սակայն վերջին մեկ տարվա ընթացքում Հայաստանը երթուղուն հնարավոր միանալու առաջարկներ է ստացել ինչպես Անկարայից, այնպես էլ Թբիլիսիից։
https://arm.sputniknews.ru/20250604/vrastany-araj-ancav-hajastanic-inch-patahec-gjumru-chvor-navahangist-havaknvot-nakhagtsin-89708537.html
միջին միջանցք
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միջին միջանցք, հայաստան, երթուղի, երկաթուղի
միջին միջանցք, հայաստան, երթուղի, երկաթուղի
Հնարավո՞ր է Հայաստանի միացումը «Միջին միջանցքին». փորձագետը գնահատում է հեռանկարները
Հայաստանը կարող է միանալ Վրաստանի և Իրանի տարածքով Անդրկասպյան տրանսպորտային միջանցքին՝ դառնալով «Միջին միջանցքի» մաս։ Դա կընդլայնի երկրի լոգիստիկ հնարավորությունները՝ ելք բացելով դեպի Կենտրոնական Ասիայի, Թուրքիայի և Եվրոպայի շուկաներ, կարծում է փորձագետը։
ԵՐԵՎԱՆ, 25 հունիսի - Sputnik. Վրաստանը կարող է առանցքային դեր խաղալ Հայաստանի՝ Տրանսկասպյան միջազգային տրանսպորտային (ՏԿՏՄ) երթուղուն միանալու գործում։
Այս մասին «APRI Armenia» համաժողովի շրջանակներում Sputnik Արմենիայի հետ զրույցում ասաց «Xander Group» խորհրդատվական ընկերության հիմնադիր և գլխավոր տնօրեն Իսկանդեր Ակիլբաևը։
Նրա խոսքով, նման սցենարի իրականացման համար անհրաժեշտ է իրականացնել հստակ տնտեսական և լոգիստիկ գործընթացներ՝ համաձայնեցնել հարկային ռեժիմները, սահմանել վրացական նավահանգիստներով ապրանքների տարանցման կանոնները և ապահովել ՏԿՏՄ երթուղու հետ սինխրոնացումը: Այս գործընթացին պետք է մասնակցեն ոչ միայն Հայաստանի և Վրաստանի կառավարությունները, այլև գործարար համայնքն ու փորձագիտական շրջանակները։
«Հայաստանն ունի անհրաժեշտ մարդկային կապիտալ, ռեսուրսներ և որակյալ արտադրանք՝ հաջողությամբ մրցակցելու ոչ միայն Կենտրոնական և Հարավային Ասիայի շուկաներում, այլև գլոբալ մակարդակում», - ընդգծեց Ակիլբաևը:
Նրա կարծիքով, տրանսպորտային միջանցքին միանալը Երևանին թույլ կտա դուրս գալ Հարավային Կովկասի սահմաններից և արժանի տեղ զբաղեցնել ավելի լայն լոգիստիկ երթուղիներում: Հետևաբար, Հայաստանը պետք է կենտրոնանա իր ուժեղ կողմերի վրա՝ թեթև արդյունաբերության, տեքստիլ և տեղեկատվական տեխնոլոգիաների ոլորտներ։
Ինչպես նշեց փորձագետը, այսպես կոչված Միջին միջանցքի նշանակությունը վերջին տարիներին զգալիորեն աճել է. այն դիտարկվում է որպես ավանդական երթուղիների կարևոր այլընտրանք և որպես Կենտրոնական Ասիայի և Հարավային Կովկասի միջև կապող օղակ: Նախագծին Հայաստանի մասնակցության քննարկումը նոր հրատապություն է ձեռք բերել տարածաշրջանում տրանսպորտային հաղորդակցությունների ապաշրջափակման մասին խոսակցությունների ֆոնին, որոնք սկսվել են դեռևս 2023 թվականին։
Երթուղու խնդիրը լոգիստիկայի առավելագույն համակարգումը և պարզեցումն է: Հիմնական պայմաններից մեկը մասնակից երկրների երկաթուղային ենթակառուցվածքի միավորումն է։
Ակիլբաևը կարծում է, որ Երևանը կարող է միանալ ՏԿՏՄ-ին «Խաղաղության խաչմերուկ» նախագծի շրջանակներում
Կայան (Տավուշի մարզ) -Հրազդան ճյուղով: Այս դեպքում Չինաստանից բեռները Կասպից ծովով կտեղափոխվեն Ադրբեջան, այնուհետև երկաթուղով՝ Հայաստան, այնտեղից՝ Ախուրիկով՝ Թուրքիա։ Հնարավոր է նաև այլընտրանքային երթուղի՝ Սյունիքի մարզում երկաթուղու վերականգնման դեպքում մուտք Իրան և Վրաստան։
Տեսականորեն հնարավոր է նաև մեկ այլ ուղղություն՝ կոնտեյներները Չինաստանից, Պարսից ծոցի երկրներից կամ Հնդկաստանից կարող են առաքվել իրանական Չաբահար նավահանգիստ, այնտեղից՝ Իրանի տարածքով Հայաստան, այնուհետև սևծովյան նավահանգիստներով՝ Եվրոպա:
Այսպիսով, Հայաստանը կարող է դառնալ ոչ միայն մեկ երթուղու մասնակից, այլև մի քանի երկրներ և տրանսպորտային միջանցքներ կապող հանգույց։
Տրանսկասպյան միջազգային տրանսպորտային երթուղին միջանցք է, որն անցնում է Չինաստանով, Ղազախստանով, Կասպից ծովի ջրատարածքով, Ադրբեջանով, Վրաստանով, Թուրքիայով և անցնում Եվրոպա: Նախկինում ո՛չ աշխարհագրական, ո՛չ էլ քաղաքական տեսանկյունից Երևանը չի դիտարկվել որպես այդ նախագծի մաս։ Սակայն վերջին մեկ տարվա ընթացքում Հայաստանը երթուղուն հնարավոր միանալու առաջարկներ է ստացել ինչպես Անկարայից, այնպես էլ Թբիլիսիից։
