https://arm.sputniknews.ru/20250624/irany-aravvotjan-harvatsel-e-israjelin-hrtirneric-meky-dipel-e-bnakeli-shenqi-90554102.html
Իրանն առավոտյան հարվածել է Իսրայելին, հրթիռներից մեկը դիպել է բնակելի շենքի
Իրանն առավոտյան հարվածել է Իսրայելին, հրթիռներից մեկը դիպել է բնակելի շենքի
Sputnik Արմենիա
Հարվածի հետևանքով կան զոհեր և վիրավորներ։ Տեղում աշխատում են փրկարարները։ 24.06.2025, Sputnik Արմենիա
2025-06-24T09:10+0400
2025-06-24T09:10+0400
2025-06-24T09:19+0400
տեսանյութեր
տեսանյութ
իսրայել
իրանի իսլամական հանրապետություն
ամն
զոհ
https://cdn.am.sputniknews.ru/img/07e9/06/18/90553760_0:0:1246:701_1920x0_80_0_0_ec633ee96cca3fec9f14624a2bdba687.jpg
Իրանն առավոտյան հարվածներ է հասցրել Իսրայելին։ Հրթիռներից մեկը հարվածել է Բեեր Շևայի յոթհարկանի շենքին։ Կան զոհեր և վիրավորներ, այդ թվում՝ ծանր վիճակում։Իսրայելական լրատվամիջոցները հաղորդում են, որ հաստատվել է երեք մարդու մահը։Որոշ տվյալներով՝ նրանցից երկուսը գտնվել են մամադում (ապաստարան բնակարանում)։ Հարվածը հասցվել է հենց ապաստարանին, գրում է Haaretz-ը՝ վկայակոչելով իր աղբյուրները։ Տեղում աշխատում են փրկարարները։ Հաղորդվում է նաև Հայֆայի ուղղությամբ հարվածների մասին։ Ավելի վաղ ԱՄՆ նախագահ Դոնալդ Թրամփը հայտնել էր, որ Իրանն ու Իսրայելը հրադադարի մասին համաձայնության են եկել: Իրանի ԱԳ նախարար Աբբաս Արաղչին, սակայն, չէր հաստատել այդ հայտարարությունը:Հիշեցնենք` հունիսի 13-ին Իսրայելը լայնածավալ գործողություն սկսեց Իրանի դեմ՝ Թեհրանին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ դարձան միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:Իրանը, որը հերքում է իր միջուկային ծրագրի ռազմական բաղադրիչը, պատասխանում է հրթիռային համազարկերով և հարվածային անօդաչու թռչող սարքերի արձակմամբ: Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։Հունիսի 22-ի լույս գիշերը ԱՄՆ հարվածեց Նաթանզում, Ֆորդոյում և Սպահանում գտնվող երեք միջուկային օբյեկտներին։ Գրոհը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար։ԱՄՆ նախագահ Դոնալդ Թրամփը հայտարարեց՝ Թեհրանը պետք է համաձայնի ավարտել այս պատերազմը, հակառակ դեպքում կբախվի շատ ավելի լուրջ հետևանքների։Իրանի արտգործնախարար Աբբաս Արաղչին ԱՄՆ–ի հարվածներից հետո հայտարարեց, որ դիվանագիտության դուռը միշտ պետք է բաց լինի, բայց հիմա այդ դեպքը չէ, և Իրանը կձեռնարկի բոլոր միջոցներն իր անվտանգությունը և երկրի շահերը պաշտպանելու համար։
իսրայել
իրանի իսլամական հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Ракета упала в Беэр-Шеве через 20 секунд после того, как сработала сирена
Sputnik Արմենիա
Ракета упала в Беэр-Шеве через 20 секунд после того, как сработала сирена
2025-06-24T09:10+0400
true
PT0M55S
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, տեսանյութ, видео, իսրայել, իրանի իսլամական հանրապետություն, ամն, զոհ
տեսանյութեր, տեսանյութ, видео, իսրայել, իրանի իսլամական հանրապետություն, ամն, զոհ
Իրանն առավոտյան հարվածել է Իսրայելին, հրթիռներից մեկը դիպել է բնակելի շենքի
09:10 24.06.2025 (Թարմացված է: 09:19 24.06.2025) Հարվածի հետևանքով կան զոհեր և վիրավորներ։ Տեղում աշխատում են փրկարարները։
Իրանն առավոտյան հարվածներ է հասցրել Իսրայելին։ Հրթիռներից մեկը հարվածել է Բեեր Շևայի յոթհարկանի շենքին։ Կան զոհեր և վիրավորներ, այդ թվում՝ ծանր վիճակում։
Իսրայելական լրատվամիջոցները հաղորդում են, որ հաստատվել է երեք մարդու մահը։
Որոշ տվյալներով՝ նրանցից երկուսը գտնվել են մամադում (ապաստարան բնակարանում)։ Հարվածը հասցվել է հենց ապաստարանին, գրում է Haaretz-ը՝ վկայակոչելով իր աղբյուրները։
Իսրայելահայերի միության նախագահ Արտյոմ Չերնամորյանը սոցցանցում հայտնել է, որ հայերի շրջանում զոհեր չկան:
Տեղում աշխատում են փրկարարները։ Հաղորդվում է նաև Հայֆայի ուղղությամբ հարվածների մասին։
Ավելի վաղ ԱՄՆ նախագահ
Դոնալդ Թրամփը հայտնել էր, որ Իրանն ու Իսրայելը հրադադարի մասին համաձայնության են եկել: Իրանի ԱԳ նախարար Աբբաս Արաղչին, սակայն, չէր հաստատել այդ հայտարարությունը:
Հիշեցնենք` հունիսի 13-ին Իսրայելը
լայնածավալ գործողություն սկսեց Իրանի դեմ՝ Թեհրանին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ դարձան միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:
Իրանը, որը հերքում է իր միջուկային ծրագրի ռազմական բաղադրիչը,
պատասխանում է հրթիռային համազարկերով և հարվածային անօդաչու թռչող սարքերի արձակմամբ: Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։
Հունիսի 22-ի լույս գիշերը ԱՄՆ հարվածեց Նաթանզում, Ֆորդոյում և Սպահանում գտնվող երեք միջուկային օբյեկտներին։ Գրոհը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար։
ԱՄՆ նախագահ Դոնալդ Թրամփը հայտարարեց՝ Թեհրանը պետք է համաձայնի ավարտել այս պատերազմը, հակառակ դեպքում կբախվի շատ ավելի լուրջ հետևանքների։
Իրանի արտգործնախարար Աբբաս Արաղչին ԱՄՆ–ի հարվածներից հետո հայտարարեց, որ դիվանագիտության դուռը միշտ պետք է բաց լինի, բայց հիմա այդ դեպքը չէ, և Իրանը կձեռնարկի բոլոր միջոցներն իր անվտանգությունը և երկրի շահերը պաշտպանելու համար։
