https://arm.sputniknews.ru/20250624/iranum-qani-mard-e-mahacel-israjeli-harvatsneri-hetevanqvov-nvor-tvjalner-90571557.html
Իրանում քանի՞ մարդ է մահացել Իսրայելի հարվածների հետևանքով. նոր տվյալներ
Իրանում քանի՞ մարդ է մահացել Իսրայելի հարվածների հետևանքով. նոր տվյալներ
Sputnik Արմենիա
Իրանի առողջապահության նախարարությունն ամփոփել է զոհերի ու վիրավորների տվյալները։ 24.06.2025, Sputnik Արմենիա
2025-06-24T15:13+0400
2025-06-24T15:13+0400
2025-06-24T15:15+0400
իրանի իսլամական հանրապետություն
իսրայել
զոհ
տուժածներ
https://cdn.am.sputniknews.ru/img/07e9/06/11/90219750_0:0:3072:1728_1920x0_80_0_0_f64c5dcf637bb59310adf43c259f5f0e.jpg
ԵՐԵՎԱՆ, 24 հունիսի – Sputnik. Իրանում Իսրայելի հարվածների զոհ է դարձել 610 մարդ, շուրջ 5 հազար տուծած կա։ Տեղեկությունը հայտնում է Իրանի առողջապահության նախարարության պաշտոնական ներկայացուցիչ Հոսեյն Քերմանպուրը:Նա հստակեցրել է, որ 4746 վիրավոր կա, որոնցից 185–ը կանայք են: Մահացել է 49 կին, նրանցից երկուսը հղի են եղել։Մահացածների թվում 13 երեխա կա, ամենափոքրը երկու ամսական է եղել։Մահացածներ և տուժածներ կան նաև բուժանձնակազմի շրջանում` 5 զոհ, 20 վիրավոր։Հիշեցնենք` հունիսի 13-ին Իսրայելը լայնածավալ գործողություն սկսեց Իրանի դեմ՝ Թեհրանին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ դարձան միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:Իրանը, որը հերքում է իր միջուկային ծրագրի ռազմական բաղադրիչը, պատասխանում էր հրթիռային համազարկերով և հարվածային անօդաչու թռչող սարքերի արձակմամբ:Հունիսի 22-ի լույս գիշերը ԱՄՆ հարվածեց Նաթանզում, Ֆորդոյում և Սպահանում գտնվող երեք միջուկային օբյեկտներին։ Գրոհը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար։ԱՄՆ նախագահ Դոնալդ Թրամփը հայտարարեց՝ Թեհրանը պետք է համաձայնի ավարտել այս պատերազմը, հակառակ դեպքում կբախվի շատ ավելի լուրջ հետևանքների։Հունիսի 24-ի գիշերը Թրամփը հայտարարեց, որ Իսրայելն ու Իրանը համաձայնության են եկել հրադադարի շուրջ, որը 24 ժամ անց պետք է դառնա «12-օրյա պատերազմի պաշտոնական ավարտը», իսկ առավոտյան հայտնեց, որ Իրանի և Իսրայելի միջև հրադադարի ռեժիմը ուժի մեջ է մտել՝ խնդրելով չխախտել այն: Դրանից հետո նոր հարձակումների մասին հաղորդագրություններ չեն եղել:
իրանի իսլամական հանրապետություն
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, իսրայել, զոհ, տուժածներ
իրանի իսլամական հանրապետություն, իսրայել, զոհ, տուժածներ
Իրանում քանի՞ մարդ է մահացել Իսրայելի հարվածների հետևանքով. նոր տվյալներ
15:13 24.06.2025 (Թարմացված է: 15:15 24.06.2025) Իրանի առողջապահության նախարարությունն ամփոփել է զոհերի ու վիրավորների տվյալները։
ԵՐԵՎԱՆ, 24 հունիսի – Sputnik. Իրանում Իսրայելի հարվածների զոհ է դարձել 610 մարդ, շուրջ 5 հազար տուծած կա։ Տեղեկությունը հայտնում է Իրանի առողջապահության նախարարության պաշտոնական ներկայացուցիչ Հոսեյն Քերմանպուրը:
Նա հստակեցրել է, որ 4746 վիրավոր կա, որոնցից 185–ը կանայք են: Մահացել է 49 կին, նրանցից երկուսը հղի են եղել։
Մահացածների թվում 13 երեխա կա, ամենափոքրը երկու ամսական է եղել։
Մահացածներ և տուժածներ կան նաև բուժանձնակազմի շրջանում` 5 զոհ, 20 վիրավոր։
Հիշեցնենք` հունիսի 13-ին Իսրայելը
լայնածավալ գործողություն սկսեց Իրանի դեմ՝ Թեհրանին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ դարձան միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:
Իրանը, որը հերքում է իր միջուկային ծրագրի ռազմական բաղադրիչը,
պատասխանում էր հրթիռային համազարկերով և հարվածային անօդաչու թռչող սարքերի արձակմամբ:
Հունիսի 22-ի լույս գիշերը ԱՄՆ հարվածեց Նաթանզում, Ֆորդոյում և Սպահանում գտնվող երեք միջուկային օբյեկտներին։ Գրոհը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար։
ԱՄՆ նախագահ Դոնալդ Թրամփը հայտարարեց՝ Թեհրանը պետք է համաձայնի ավարտել այս պատերազմը, հակառակ դեպքում կբախվի շատ ավելի լուրջ հետևանքների։
Հունիսի 24-ի գիշերը
Թրամփը հայտարարեց, որ Իսրայելն ու Իրանը համաձայնության են եկել հրադադարի շուրջ, որը 24 ժամ անց պետք է դառնա «12-օրյա պատերազմի պաշտոնական ավարտը», իսկ առավոտյան
հայտնեց, որ Իրանի և Իսրայելի միջև հրադադարի ռեժիմը ուժի մեջ է մտել՝ խնդրելով չխախտել այն: Դրանից հետո նոր հարձակումների մասին հաղորդագրություններ չեն եղել:
