https://arm.sputniknews.ru/20250610/haj-ekeghecu-tirakhavvormamb-spasarkum-en-tshnamakan-shahery-hjd-89932773.html
Հայ եկեղեցու թիրախավորմամբ սպասարկում են թշնամական շահերը․ ՀՅԴ
Հայ եկեղեցու թիրախավորմամբ սպասարկում են թշնամական շահերը․ ՀՅԴ
Sputnik Արմենիա
Իշխանությունների հարձակումները համընկան եկեղեցու` միջազգային հարթակներում ազգային շահերին և արցախահայության իրավունքների պաշտպանությանն ուղղված... 10.06.2025, Sputnik Արմենիա
2025-06-10T14:59+0400
2025-06-10T14:59+0400
2025-06-10T16:02+0400
հայ առաքելական եկեղեցի
հայ յեղափոխական դաշնակցություն (հյդ)
հոգևորական
նիկոլ փաշինյան
https://cdn.am.sputniknews.ru/img/07e8/09/1d/81213902_0:84:1600:984_1920x0_80_0_0_41afc394746bf3889fb7de9ad0fb4e1e.jpg
ԵՐԵՎԱՆ, 10 հունիսի – Sputnik․ Իշխող վարչախումբը բացահայտ արշավ է սկսել Հայ առաքելական եկեղեցու և վեհափառի դեմ այն ժամանակ, երբ հայ ժողովուրդն անվտանգային լրջագույն մարտահրավերների է դիմագրավում։ Այս մասին հայտարարություն է տարածել ՀՅԴ բյուրոն՝ դատապարտելով իշխանության գործելակերպն ու անվերապահ աջակցություն հայտնելով եկեղեցուն։Նշվում է, որ իշխանությունների ոտնձգությունները «թևեր տվեցին» Ադրբեջանի հոգևոր առաջնորդի անբարո և ստահոդ հայտարարություններին, ինչպես նաև որոշ շրջանակների կողմից Հայաստանում կրոնական ազատությունների թեման շահարկելու համար։ՀՅԴ բյուրոն շեշտում է՝ հայ ժողովրդի կյանքում Հայ եկեղեցու պատմական բացառիկ դերակատարությունը չարժևորելն ու թիրախավորելը ոչ միայն թշնամական շահեր է սպասարկում, այլև խորացնում է երկրում տիրող արժեքային ճգնաժամը, թուլացնում մեր հավաքական դիմադրողականությունը։ Ընդգծում են՝ Հայ հեղափոխական դաշնակցությունը Հայ առաքելական եկեղեցու կողքին է՝ հանուն հայ ժողովրդի հավաքական իղձերի և հայոց պետականության զորացման։Հիշեցնենք` ՀՀ վարչապետը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Փաշինյանի հայտարարությանն արձագանքեցին մի շարք հոգևորականներ` դատապարտելով նրա հայտարարությունը։Հունիսի 2–ին ՀՀ վարչապետը հայտարարեց` եթե պարզվի, որ Ամենայն հայոց կաթողիկոս Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։Հունիսի 9–ին Փաշինյանը հերթական գրառումն արեց` կրկնելով, Ամենայն հայոց կաթողիկոսը խախտել է կուսակրոնության ուխտը և զավակ ունի։ Նրա խոսքով՝ Գարեգին Բ–ն այսպիսով չէր կարող լինել եպիսկոպոս, արքեպիսկոպոս ու ընտրվել կաթողիկոս։ Նա կոչ էր արել «հավատավոր հետևորդներին» համախմբվել՝ վեհարանն ազատելու և նոր կաթողիկոս ընտրելու օրակարգի շուրջ։ Իսկ այսօր Փաշինյանը հայտարարեց, որ Ամենայն հայոց կաթողիկոս Գարեգին Բ–ին վեհարանից հեռացնելու համար համակարգող խումբ է պետք ստեղծել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայ առաքելական եկեղեցի, հայ յեղափոխական դաշնակցություն (հյդ), հոգևորական, նիկոլ փաշինյան
հայ առաքելական եկեղեցի, հայ յեղափոխական դաշնակցություն (հյդ), հոգևորական, նիկոլ փաշինյան
Հայ եկեղեցու թիրախավորմամբ սպասարկում են թշնամական շահերը․ ՀՅԴ
14:59 10.06.2025 (Թարմացված է: 16:02 10.06.2025) Իշխանությունների հարձակումները համընկան եկեղեցու` միջազգային հարթակներում ազգային շահերին և արցախահայության իրավունքների պաշտպանությանն ուղղված նախաձեռնությունների հետ։
ԵՐԵՎԱՆ, 10 հունիսի – Sputnik․ Իշխող վարչախումբը բացահայտ արշավ է սկսել Հայ առաքելական եկեղեցու և վեհափառի դեմ այն ժամանակ, երբ հայ ժողովուրդն անվտանգային լրջագույն մարտահրավերների է դիմագրավում։ Այս մասին հայտարարություն է տարածել ՀՅԴ բյուրոն՝ դատապարտելով իշխանության գործելակերպն ու անվերապահ աջակցություն հայտնելով եկեղեցուն։
«Մեր ինքնության կարևորագույն հիմքերից մեկի նկատմամբ վարչախմբի արգահատելի նպատակադրումներն ու հռետորաբանությունն ակնհայտորեն ապազգային են և հակասահմանադրական։ Աներկբա է, որ զազրելի ցեխարձակումները համընկան արտաքին հարթակներում ազգային շահերի և արցախահայության իրավունքների պաշտպանության ուղղությամբ ՀԱԵ նախաձեռնությունների հետ»,- նշված է ՀՅԴ հայտարարության մեջ։
Նշվում է, որ իշխանությունների ոտնձգությունները «թևեր տվեցին» Ադրբեջանի հոգևոր առաջնորդի անբարո և ստահոդ հայտարարություններին, ինչպես նաև որոշ շրջանակների կողմից Հայաստանում կրոնական ազատությունների թեման շահարկելու համար։
ՀՅԴ բյուրոն շեշտում է՝ հայ ժողովրդի կյանքում Հայ եկեղեցու պատմական բացառիկ դերակատարությունը չարժևորելն ու թիրախավորելը ոչ միայն թշնամական շահեր է սպասարկում, այլև խորացնում է երկրում տիրող արժեքային ճգնաժամը, թուլացնում մեր հավաքական դիմադրողականությունը։ Ընդգծում են՝ Հայ հեղափոխական դաշնակցությունը Հայ առաքելական եկեղեցու կողքին է՝ հանուն հայ ժողովրդի հավաքական իղձերի և հայոց պետականության զորացման։
Հիշեցնենք` ՀՀ վարչապետը մայիսի 29-ին կառավարության նիստի ժամանակ
քննադատեց եկեղեցիների վիճակը՝ անվանելով դրանք «չուլանացված և աղբով լի»։ Փաշինյանի հայտարարությանն արձագանքեցին մի շարք հոգևորականներ` դատապարտելով նրա հայտարարությունը։
Հունիսի 2–ին
ՀՀ վարչապետը հայտարարեց` եթե պարզվի, որ Ամենայն հայոց կաթողիկոս Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։
Հունիսի 9–ին Փաշինյանը
հերթական գրառումն արեց` կրկնելով, Ամենայն հայոց կաթողիկոսը խախտել է կուսակրոնության ուխտը և զավակ ունի։ Նրա խոսքով՝ Գարեգին Բ–ն այսպիսով չէր կարող լինել եպիսկոպոս, արքեպիսկոպոս ու ընտրվել կաթողիկոս։ Նա կոչ էր արել «հավատավոր հետևորդներին» համախմբվել՝ վեհարանն ազատելու և նոր կաթողիկոս ընտրելու օրակարգի շուրջ։ Իսկ այսօր Փաշինյանը
հայտարարեց, որ Ամենայն հայոց կաթողիկոս Գարեգին Բ–ին վեհարանից հեռացնելու համար համակարգող խումբ է պետք ստեղծել։
