Հռոմի նոր պապը երկխոսության կամուրջներ կառուցելու կոչ է արել
22:36 08.05.2025 (Թարմացված է: 22:43 08.05.2025)
Լևոն 14-րդ
© AP Photo / Alessandra Tarantino
Բաժանորդագրվել
Նոր պապի ընտրությունները սկսվել էին մայիսի 7-ին։ Նրա անունը հրապարակվեց այսօր։
ԵՐԵՎԱՆ, 8 մայիսի – Sputnik. Հռոմի նոր պապ Լևոն 14-րդը, ընտրվելուց հետո առաջին անգամ հայտնվելով հավատացյալների առաջ, խաղաղության մաղթանքներ է հղել և երկխոսության կամուրջներ կառուցելու կոչ արել։
«Խաղաղություն ամենքիդ։ Սիրելի եղբայրներ և քույրեր, սա առաջին ողջույնն է հարություն առած Քրիստոսի՝ բարի հովվի, որն իր կյանքը տվեց Աստծո հոտի համար: Ես կուզեի, որ խաղաղության այս ողջույնը մտնի ձեր սրտերը և հասնի ձեր ընտանիքներին, բոլոր մարդկանց, որտեղ էլ որ լինեն, բոլոր ժողովուրդներին, ամբողջ երկրին․․․ Օգնեք մեզ երկխոսության կամուրջներ կառուցել, որպեսզի աշխարհում մեկ ժողովուրդ դառնանք ընդմիշտ»,- ասել է նա:
Հիշեցնենք` Հռոմի պապ Ֆրանցիսկոսը մահացավ ապրիլի 21-ի առավոտյան: Նոր պապի ընտրությունը սկսվեց մայիսի 7-ին և ավարտվեց այսօր` մայիսի 8-ին։ Սիքստինյան կապելլայի ծխնելույզից սպիտակ ծուխ դուրս եկավ, ինչը նշանակում էր, որ թեկնածուներից մեկը հավաքել է ձայների 2/3-ը: Որոշ ժամանակ անց հայտնի դարձավ, որ Հռոմի 267-րդ պապ է ընտրվել ամերիկացի կարդինալ Ռոբերտ Ֆրենսիս Պրևոն, որն ընդունել է Լևոն 14-րդ անունը։
