https://arm.sputniknews.ru/20250507/hndkastani-razmaodajin-uzheri-harvatsneri-hetevanqvov-26-pakistanci-e-zvohvel-reuters-88675315.html
Հնդկաստանի ռազմաօդային ուժերի հարվածների հետևանքով 26 պակիստանցի է զոհվել. «Reuters»
Հնդկաստանի ռազմաօդային ուժերի հարվածների հետևանքով 26 պակիստանցի է զոհվել. «Reuters»
Sputnik Արմենիա
Հնդկաստանը հայտնում է պակիստանցի ահաբեկիչների ոչնչացման մասին, Պակիստանը հայտարարում է, որ հնդիկների հարվածի հետևանքով խաղաղ բնակիչներ են զոհվել: 07.05.2025, Sputnik Արմենիա
2025-05-07T10:13+0400
2025-05-07T10:13+0400
2025-05-07T10:13+0400
հնդկաստան
պակիստան
զոհ
https://cdn.am.sputniknews.ru/img/07e9/05/07/88672050_0:54:1024:630_1920x0_80_0_0_319cd94ae641bbaf919f8f869e1b27d9.jpg
ԵՐԵՎԱՆ, 7 մայիսի – Sputnik. Հնդկաստանի ռազմաօդային ուժերի հարվածների հետևանքով զոհված պակիստանցիների թիվը հասել է 26-ի, ևս 46-ը տուժել են։ Տեղեկությունը հայտնում է «Reuters» գործակալությունը՝ հղում անելով Պակիստանի զինված ուժերի ցամաքային զորքերի շտաբի պետ, գեներալ Ասիմ Մունիրին:Ավելի վաղ ԶԼՄ–ները տեղեկացրել էին, որ Հնդկաստանն այս գիշեր հարվածներ է հասցրել Պակիստանի 4 և Քաշմիրի 5 թիրախի։ Պակիստանի ռազմաօդային ուժերը հնդկական 5 կործանիչ են խոցել Հնդկաստանի հարվածը հետ մղելու ժամանակ: Պակիստանի ԱԳՆ-ն հայտարարել է, որ Հնդկաստանի իշխանությունների անխոհեմ գործողությունները միջուկային զենք ունեցող երկու պետություններին մոտեցրել են զինված հակամարտության: Պակիստանը պնդում է, որ Հնդկաստանը հարձակվել է հինգ բնակավայրերի վրա, որտեղ խաղաղ բնակիչներ են զոհվել:Հնդկաստանը վստահեցնում է, որ «Սինդուր» գործողության շրջանակում հարվածներ են հասցրել միայն ահաբեկչական ենթակառուցվածքի օբյեկտներին, և պակիստանյան ոչ մի ռազմական օբյեկտ հարվածի տակ չի հայտնվել: Հնդկական կողմի տվյալներով՝ ոչնչացվել է առնվազն 17 ահաբեկիչ, որոնք մասնակցել են Քաշմիրում ապրիլյան ահաբեկչությանը։Միաժամանակ հնդկական կողմը հայտնում է 10 զոհի և 48 վիրավորի մասին՝ վերահսկողության գծում Պակիստանի կողմից գնդակոծությունից հետո:Հիշեցնենք՝ Հնդկաստանի և Պակիստանի միջև հարաբերությունները կտրուկ վատացել են Պահալգամ քաղաքում ապրիլի 22-ին իրականացված ահաբեկչությունից հետո, ինչի հետևանքով զոհվել են Հնդկաստանի 25 և Նեպալի 1 քաղաքացի, կան բազմաթիվ վիրավորներ։ Ահաբեկիչներին հաջողվել է թաքնվել։ Հնդկաստանի հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։Ահաբեկչությունից հետո Հնդկաստանը գրեթե երկու անգամ կրճատել է Իսլամաբադում իր դեսպանության աշխատակիցների թիվը, անցանկալի անձ է հայտարարել Հնդկաստանում Պակիստանի դիվանագիտական ներկայացուցչության ռազմական խորհրդականներին, փակել է Պակիստանի հետ սահմանին գտնվող «Աթթարի» առանցքային անցակետը:Բացի այդ, Հնդկաստանի իշխանությունները կասեցրել են Իսլամաբադի հետ ջրային ռեսուրսների բաշխման մասին համաձայնագրի գործողությունը, իսկ կառավարությունը որոշում է ընդունել անհապաղ դադարեցնել վիզաների տրամադրումը Պակիստանի քաղաքացիներին և ապրիլի 27-ից չեղարկել ավելի վաղ տրամադրվածները:
հնդկաստան
պակիստան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հնդկաստան, պակիստան, զոհ
Հնդկաստանի ռազմաօդային ուժերի հարվածների հետևանքով 26 պակիստանցի է զոհվել. «Reuters»
Հնդկաստանը հայտնում է պակիստանցի ահաբեկիչների ոչնչացման մասին, Պակիստանը հայտարարում է, որ հնդիկների հարվածի հետևանքով խաղաղ բնակիչներ են զոհվել:
ԵՐԵՎԱՆ, 7 մայիսի – Sputnik. Հնդկաստանի ռազմաօդային ուժերի հարվածների հետևանքով զոհված պակիստանցիների թիվը հասել է 26-ի, ևս 46-ը տուժել են։ Տեղեկությունը հայտնում է «Reuters» գործակալությունը՝ հղում անելով Պակիստանի զինված ուժերի ցամաքային զորքերի շտաբի պետ, գեներալ Ասիմ Մունիրին:
Ավելի վաղ ԶԼՄ–ները տեղեկացրել էին, որ
Հնդկաստանն այս գիշեր հարվածներ է հասցրել Պակիստանի 4 և Քաշմիրի 5 թիրախի։ Պակիստանի ռազմաօդային ուժերը հնդկական 5 կործանիչ են խոցել Հնդկաստանի հարվածը հետ մղելու ժամանակ: Պակիստանի ԱԳՆ-ն հայտարարել է, որ Հնդկաստանի իշխանությունների անխոհեմ գործողությունները միջուկային զենք ունեցող երկու պետություններին մոտեցրել են զինված հակամարտության: Պակիստանը պնդում է, որ Հնդկաստանը հարձակվել է հինգ բնակավայրերի վրա, որտեղ խաղաղ բնակիչներ են զոհվել:
Հնդկաստանը վստահեցնում է, որ «Սինդուր» գործողության շրջանակում հարվածներ են հասցրել միայն ահաբեկչական ենթակառուցվածքի օբյեկտներին, և պակիստանյան ոչ մի ռազմական օբյեկտ հարվածի տակ չի հայտնվել: Հնդկական կողմի տվյալներով՝ ոչնչացվել է առնվազն 17 ահաբեկիչ, որոնք մասնակցել են Քաշմիրում ապրիլյան ահաբեկչությանը։
Միաժամանակ հնդկական կողմը հայտնում է 10 զոհի և 48 վիրավորի մասին՝ վերահսկողության գծում Պակիստանի կողմից գնդակոծությունից հետո:
Հիշեցնենք՝ Հնդկաստանի և Պակիստանի միջև հարաբերությունները կտրուկ վատացել են Պահալգամ քաղաքում
ապրիլի 22-ին իրականացված ահաբեկչությունից հետո, ինչի հետևանքով զոհվել են Հնդկաստանի 25 և Նեպալի 1 քաղաքացի, կան բազմաթիվ վիրավորներ։ Ահաբեկիչներին հաջողվել է թաքնվել։ Հնդկաստանի հետախուզական ծառայությունները հայտնաբերել են ապացույցներ, որ «Լաշքար-է-Թայբա» խմբավորման իրականացրած ահաբեկչական գործողությանը մասնակցել է Պակիստանի միջգերատեսչական հետախուզությունը (ISI)։
Ահաբեկչությունից հետո Հնդկաստանը գրեթե երկու անգամ կրճատել է Իսլամաբադում իր դեսպանության աշխատակիցների թիվը, անցանկալի անձ է հայտարարել Հնդկաստանում Պակիստանի դիվանագիտական ներկայացուցչության ռազմական խորհրդականներին, փակել է Պակիստանի հետ սահմանին գտնվող «Աթթարի» առանցքային անցակետը:
Բացի այդ, Հնդկաստանի իշխանությունները կասեցրել են Իսլամաբադի հետ ջրային ռեսուրսների բաշխման մասին համաձայնագրի գործողությունը, իսկ կառավարությունը որոշում է ընդունել անհապաղ դադարեցնել վիզաների տրամադրումը Պակիստանի քաղաքացիներին և ապրիլի 27-ից չեղարկել ավելի վաղ տրամադրվածները:
