https://arm.sputniknews.ru/20250506/pashinjani-qajlery-khandanjanin-ispanakan-amvot-zgalu-pvordz-hastat-tvel-en-mamijanjan-88648167.html
Փաշինյանի քայլերը Խանդանյանին «իսպանական ամոթ» զգալու փորձ հաստատ տվել են․ Մամիջանյան
Փաշինյանի քայլերը Խանդանյանին «իսպանական ամոթ» զգալու փորձ հաստատ տվել են․ Մամիջանյան
Sputnik Արմենիա
«Հայաստանի Հանրապետական» և «Ժառանգություն» կուսակցությունների ջանքերով բանաձևում ներառվել է արցախահայության վերադարձի իրավունքի մասին հիշատակում։ 06.05.2025, Sputnik Արմենիա
2025-05-06T16:38+0400
2025-05-06T16:38+0400
2025-05-06T17:10+0400
հայաստան
հայկ մամիջանյան
արցախ
նիկոլ փաշինյան
սարգիս խանդանյան
https://cdn.am.sputniknews.ru/img/07e9/01/16/85026918_0:84:1600:984_1920x0_80_0_0_2a9bdefa75019d784dc82ab1231a1b77.jpg
ԵՐԵՎԱՆ, 6 մայիսի – Sputnik․ Եվրոպական ժողովրդական կուսակցության համաժողովում ընդունված բանաձևի հայանպաստ կետերն ավելացվել են ՀՀԿ-ի և «Ժառանգության» կուսակցության (ԵԺԿ ասոցացված դիտորդ անդամներ) ջանքերով։ Sputnik Արմենիայի հետ զրույցում այս մասին ասաց ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը՝ արձագանքելով «Քաղաքացիական պայմանագիր» խմբակցության անդամ Սարգիս Խանդանյանի այսօրվա ելույթին։Խանդանյանն այսօր ԱԺ–ում խոսեց նախորդ շաբաթ Վալենսիայում անցկացված եվրոպական ամենամեծ կուսակցության՝ ԵԺԿ-ի ամենամյա համաժողովի մասին, մեղադրեց ՀՀԿ-ին և «Ժառանգություն» կուսակցությանը հայանպաստ բանաձևի դեմ պայքարելու համար։ Նա նշեց, որ Եվրախորհրդարանի մի քանի պատգամավորներ որոշել էին Հայաստանի վերաբերյալ բավականին լավ բանաձև ներկայացնել, որում խոսվում էր ՀՀ–ում ժողովրդավարական առաջընթացի, ԵՄ-ի հետ մերձեցման մասին, կոչ էր արվում ազատ արձակել գերիներին և այլն։«Մեր եվրոպացի գործընկերները տարակուսած մոտենում և ասում էին, որ ձեր հայ գործընկերներն ուզում են, որ բանաձևը դուրս բերվի համաժողովի օրակարգից»,- հայտարարեց Սարգիս Խանդանյանը՝ դա որակելով «խայտառակություն» և հավելելով, որ «իսպանական ամոթ» (ուրիշի փոխարեն ամաչել) է զգացել, քանի որ ՀՀԿ-ն ու «Ժառանգությունը» պայքարում էին Հայաստանի Հանրապետության շահերի ու ՀՀ-ի դեմ։ Ըստ Խանդանյանի՝ չնայած դրան՝ բանաձևը համաժողովի օրակարգ մտավ և ընդունվեց գրեթե միաձայն։ «Նրանց հաջողվեց հայտարարության տեքստից դուրս բերել մեկ նախադասություն, որում ԵԺԿ-ն ողջունում է ՀՀ վարչապետ Նիկոլ Փաշինյանի «իրական Հայաստանի» գաղափարախոսությունը։ Եվ հաջողվեց ավելացնել Արմեն Աշոտյանի անունը»,- ասաց Խանդանյանը։Նա հավելեց, թե իր կարծիքով ՀՀԿ-ն ավելի մտահոգված էր բանաձևի այն ձևակերպումից, թե «Հայաստանը հեռատես քայլեր է կատարում՝ դառնալու ավելի սուվերեն և ժողովրդավար երկիր՝ առանց անցյալի կախվածությունների, մասնավորապես՝ Ռուսաստանից կախվածության», քանի որ այդ նույն օրերին ՀՀԿ-ն Մոսկվայում մասնակցում էր «Եդինայա Ռոսիա»-ի կազմակերպած կոնգրեսին։Հայկ Մամիջանյանը Sputnik Արմենիայի հետ զրույցում շեշտեց՝ ինքն ու գործընկերները բազմիցս խնդրել, համոզել, բացատրել են եվրոպացի գործընկերներին, թե ինչու է պետք քվեարկել այս կամ այն հայանպաստ բանաձևի օգտին, օրինակ՝ Հայոց ցեղասպանության 100-րդ տարելիցի կամ Արցախի վերաբերյալ բանաձևեր։ Այս անգամ էլ հենց իրենց աշխատանքի շնորհիվ է բանաձևում ավելացվել արցախահայության վերադարձի իրավունքի հիշատակումը։Մամիջանյանի խոսքով` Խանդանյանը վստահաբար գիտի, թե ինչ է «իսպանական ամոթը», որովհետև իր կյանքում այն զգալու շատ առիթներ է ունեցել։Ինչ վերաբերում է բանաձևից Փաշինյանի անունը դուրս բերելուն, Մամիջանյանն ընդգծեց` մի տեղից չի հանվել, այլ երկու։«Նաև մեր առաջարկով փաստաթղթում ներառվել է արցախահայության վերադարձի իրավունքի վերաբերյալ հիշատակում և քաղբանտարկյալ Արմեն Աշոտյանի վերաբերյալ ԵԺԿ՝ նախկինում ընդունած բանաձևին հղում»,- մանրամասնեց Մամիջանյանը։Ինչ վերաբերում է ԵՄ-ի հետ կապված մի շարք հիշատակումներին, ապա դրանք էլ բանաձևում ՔՊ-ական պատգամավորների խնդրանքով են ներառվել։ Սակայն, ըստ նրա, ելույթներից ոչ մեկում, այդ թվում՝ ԵԺԿ փոխնախագահ, եվրոպական խորհրդարանի արտաքին հարաբերությունների հանձնաժողովի նախագահ Դեյվիդ Մաքալիսթերի ելույթում չի եղել «ԵՄ անդամակցության ՔՊ-ականների կենացի» վերաբերյալ հիշատակում։Ինչ վերաբերում է Խանդանյանի հիշատակմանը, թե այդ օրերին ՀՀԿ-ն Մոսկվայում մասնակցում էր հաղթանակի 80–ամյակի միջոցառմանը, Մամիջանյանը հիշեցրեց՝ հենց այդ ժամանակ էլ իր ելույթում ՀՀԿ գործադիր մարմնի անդամ Էդուարդ Շարմազանովն ադրբեջանցի պատվիրակներին հավուր պատշաճի, արժանապատիվ պատասխան տվեց՝ խոսելով 44–օրյա պատերազմից հետո ԼՂ–ում Ադրբեջանի կողմից իրականացվող վանդալիզմի, էթնիկ զտման մասին, որի հետևանքով այսօր 120 հազար հայ գտնվում է իր հայրենիքից դուրս։Մամիջանյանը նաև պնդեց, որ ՔՊ-ական պատգամավորներ Սարգիս Խանդանյանն ու Մարիա Կարապետյանը խաբեությամբ են հայտնվել ԵԺԿ-ի համագումարում՝ կանոնադրության խախտումով, և այդ մասին ինքը տեղեկացրել է ԵԺԿ–ին։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայկ մամիջանյան, արցախ, նիկոլ փաշինյան, սարգիս խանդանյան
հայաստան, հայկ մամիջանյան, արցախ, նիկոլ փաշինյան, սարգիս խանդանյան
Փաշինյանի քայլերը Խանդանյանին «իսպանական ամոթ» զգալու փորձ հաստատ տվել են․ Մամիջանյան
16:38 06.05.2025 (Թարմացված է: 17:10 06.05.2025) «Հայաստանի Հանրապետական» և «Ժառանգություն» կուսակցությունների ջանքերով բանաձևում ներառվել է արցախահայության վերադարձի իրավունքի մասին հիշատակում։
ԵՐԵՎԱՆ, 6 մայիսի – Sputnik․ Եվրոպական ժողովրդական կուսակցության համաժողովում ընդունված բանաձևի հայանպաստ կետերն ավելացվել են ՀՀԿ-ի և «Ժառանգության» կուսակցության (ԵԺԿ ասոցացված դիտորդ անդամներ) ջանքերով։
Sputnik Արմենիայի հետ զրույցում այս մասին ասաց ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը՝ արձագանքելով «Քաղաքացիական պայմանագիր» խմբակցության անդամ Սարգիս Խանդանյանի այսօրվա ելույթին։
Խանդանյանն այսօր ԱԺ–ում խոսեց նախորդ շաբաթ Վալենսիայում անցկացված եվրոպական ամենամեծ կուսակցության՝ ԵԺԿ-ի ամենամյա համաժողովի մասին, մեղադրեց ՀՀԿ-ին և «Ժառանգություն» կուսակցությանը հայանպաստ բանաձևի դեմ պայքարելու համար։ Նա նշեց, որ Եվրախորհրդարանի մի քանի պատգամավորներ որոշել էին Հայաստանի վերաբերյալ բավականին լավ բանաձև ներկայացնել, որում խոսվում էր ՀՀ–ում ժողովրդավարական առաջընթացի, ԵՄ-ի հետ մերձեցման մասին, կոչ էր արվում ազատ արձակել գերիներին և այլն։
«Մեր եվրոպացի գործընկերները տարակուսած մոտենում և ասում էին, որ ձեր հայ գործընկերներն ուզում են, որ բանաձևը դուրս բերվի համաժողովի օրակարգից»,- հայտարարեց Սարգիս Խանդանյանը՝ դա որակելով «խայտառակություն» և հավելելով, որ «իսպանական ամոթ» (ուրիշի փոխարեն ամաչել) է զգացել, քանի որ ՀՀԿ-ն ու «Ժառանգությունը» պայքարում էին Հայաստանի Հանրապետության շահերի ու ՀՀ-ի դեմ։ Ըստ Խանդանյանի՝ չնայած դրան՝ բանաձևը համաժողովի օրակարգ մտավ և ընդունվեց գրեթե միաձայն։ «Նրանց հաջողվեց հայտարարության տեքստից դուրս բերել մեկ նախադասություն, որում ԵԺԿ-ն ողջունում է ՀՀ վարչապետ Նիկոլ Փաշինյանի «իրական Հայաստանի» գաղափարախոսությունը։ Եվ հաջողվեց ավելացնել Արմեն Աշոտյանի անունը»,- ասաց Խանդանյանը։
Նա հավելեց, թե իր կարծիքով ՀՀԿ-ն ավելի մտահոգված էր բանաձևի այն ձևակերպումից, թե «Հայաստանը հեռատես քայլեր է կատարում՝ դառնալու ավելի սուվերեն և ժողովրդավար երկիր՝ առանց անցյալի կախվածությունների, մասնավորապես՝ Ռուսաստանից կախվածության», քանի որ այդ նույն օրերին ՀՀԿ-ն Մոսկվայում մասնակցում էր «Եդինայա Ռոսիա»-ի կազմակերպած կոնգրեսին։
Հայկ Մամիջանյանը
Sputnik Արմենիայի հետ զրույցում շեշտեց՝ ինքն ու գործընկերները բազմիցս խնդրել, համոզել, բացատրել են եվրոպացի գործընկերներին, թե ինչու է պետք քվեարկել այս կամ այն հայանպաստ բանաձևի օգտին, օրինակ՝ Հայոց ցեղասպանության 100-րդ տարելիցի կամ Արցախի վերաբերյալ բանաձևեր։ Այս անգամ էլ հենց իրենց աշխատանքի շնորհիվ է բանաձևում ավելացվել արցախահայության վերադարձի իրավունքի հիշատակումը։
Մամիջանյանի խոսքով` Խանդանյանը վստահաբար գիտի, թե ինչ է «իսպանական ամոթը», որովհետև իր կյանքում այն զգալու շատ առիթներ է ունեցել։
«Նա պետք է «իսպանական ամոթ» զգար, երբ Փաշինյանը ճանաչում էր Արցախն Ադրբեջանի կազմում, երբ Նիկոլ Փաշինյանի հայտարարության շնորհիվ ՄԱԿ-ում Ադրբեջանն արդարանում էր։ Կամ ուղղակի կարող է գնալ Ջերմուկ, տեսնել, որ ՀՀ սուվերեն տարածքը Ադրբեջանի վերահսկողության տակ է, այդ ժամանակ «իսպանական ամոթ» զգա, կամ փորձի գնալ Արցախ ու ամոթ զգա, որ իր քաղաքական ղեկավարի գործողությունների արդյունքում մենք, ովքեր սիրում ու կարոտում ենք Արցախը, զրկված ենք այդ հնարավորությունից»,- ասաց Մամիջանյանը։
Ինչ վերաբերում է բանաձևից Փաշինյանի անունը դուրս բերելուն, Մամիջանյանն ընդգծեց` մի տեղից չի հանվել, այլ երկու։
«Նաև մեր առաջարկով փաստաթղթում ներառվել է արցախահայության վերադարձի իրավունքի վերաբերյալ հիշատակում և քաղբանտարկյալ Արմեն Աշոտյանի վերաբերյալ ԵԺԿ՝ նախկինում ընդունած բանաձևին հղում»,- մանրամասնեց Մամիջանյանը։
Ինչ վերաբերում է ԵՄ-ի հետ կապված մի շարք հիշատակումներին, ապա դրանք էլ բանաձևում ՔՊ-ական պատգամավորների խնդրանքով են ներառվել։ Սակայն, ըստ նրա, ելույթներից ոչ մեկում, այդ թվում՝ ԵԺԿ փոխնախագահ, եվրոպական խորհրդարանի արտաքին հարաբերությունների հանձնաժողովի նախագահ Դեյվիդ Մաքալիսթերի ելույթում չի եղել «ԵՄ անդամակցության ՔՊ-ականների կենացի» վերաբերյալ հիշատակում։
Ինչ վերաբերում է Խանդանյանի հիշատակմանը, թե այդ օրերին ՀՀԿ-ն Մոսկվայում մասնակցում էր հաղթանակի 80–ամյակի միջոցառմանը, Մամիջանյանը հիշեցրեց՝ հենց այդ ժամանակ էլ իր ելույթում ՀՀԿ գործադիր մարմնի անդամ
Էդուարդ Շարմազանովն ադրբեջանցի պատվիրակներին հավուր պատշաճի, արժանապատիվ պատասխան տվեց՝ խոսելով 44–օրյա պատերազմից հետո ԼՂ–ում Ադրբեջանի կողմից իրականացվող վանդալիզմի, էթնիկ զտման մասին, որի հետևանքով այսօր 120 հազար հայ գտնվում է իր հայրենիքից դուրս։
Մամիջանյանը նաև պնդեց, որ ՔՊ-ական պատգամավորներ Սարգիս Խանդանյանն ու Մարիա Կարապետյանը խաբեությամբ են հայտնվել ԵԺԿ-ի համագումարում՝ կանոնադրության խախտումով, և այդ մասին ինքը տեղեկացրել է ԵԺԿ–ին։
