ԵՐԵՎԱՆ, 3 ապրիլի – Sputnik. Արցախցիների իրավունքների պաշտպանության խորհրդի անդամները հանդիպել են ՀՀ փոխվարչապետ Տիգրան Խաչատրյանի հետ, որը հստակ ասել է` «40+10» ծրագրին հետդարձ չկա։Ավելի վաղ հայտնել էինք, որ Արցախից բռնի տեղահանվածների աջակցության ծրագիրը 2025 թվականի ապրիլի 1–ից կրճատվել է։ Աշխատունակ արցախցիներն այլևս չեն ստանալու 40 000+10 000 դրամ բնակվարձի գումարը։ Արցախցիների իրավունքների պաշտպանության խորհրդի կողմից մարտի 29-ին Երևանի Ազատության հրապարակում կազմակերպված մեծ հանրահավաքում ներկայացվեց պահանջագիր՝ ուղղված ՀՀ իշխանություններին և միջազգային հանրությանը:Հանդիպմանն արցախցիները ներկայացրել են իրենց պահանջագրի 12 կետերը, որից միայն սոցիալական բաղադրիչի մասով է քննարկում եղել։ՀՀ փոխվարչապետին մի հարց էլ են ուղղել` ինչ պետք է անեն այն անձինք, որոնք չեն հասել կենսաթոշակային տարիքի, չունեն երեխա, աշխատանք։ Խաչատրյանը հակափաստարկ է բերել, որ այդ նույն կարգավիճակում ՀՀ քաղաքացիներ էլ կան, ինչին ի պատասխան արցախցիները վրդովվել են, որ տեղահանված և չտեղահանված անձնաց միջև հավասարության նշան է դրվել։«Ինքը 3 անգամ կրկնեց, որ ՀՀ բազմաթիվ քաղաքացիներ էլ կան այդ իրավիճակում, հետո էլ ընդգծեց, որ պետք լինի, 5 անգամ էլ նույնը կասի։ Փոխվարչապետը չի հասկանում` բռնի տեղահանվածին չի կարելի համեմատել մեկ այլ կարգավիճակում գտնվող մարդու հետ։ Չեմ պատկերացնում, որ իրենցից ինչ–որ տարբերակ կլսենք»,– ասաց Աբրահամյանը։Մեկ այլ արցախցի էլ ասաց, որ հավանաբար գործողությունների կանցնեն, բայց չմանրամասնեց, թե հստակ ինչ են անելու։Անդրադարձ է եղել նաև իրենց հուզող մեկ այլ հարցի` ՀՀ քաղաքացիություն ստանալիս ինչու է բռնի տեղահանվածների անձնագրերում ծննդավայրը նշվում Ադրբեջան։ Խաչատրյանն ասել է, որ Ադրբեջանը IKAO (Քաղաքացիական ավիացիայի միջազգային կազմակերպություն) կազմակերպությանն է դիմել դեռ 2015 թվականից, բայց բռնի տեղահանումից հետո է որոշվել, որ հենց այդ երկրի անունը նշվի։Արցախցիները կառավարության մոտից շարժվեցին դեպի Ազատության հրապարակ, որտեղ նրանք հանրահավաքներ և հանրային քննարկումներ են անցկացնում մարտի 29-ից սկսած։Հիշեցնենք, որ ՀՀ կառավարությունն այսուհետև աջակցություն է տրամադրելու միայն երեխաներին (մինչև 18 տարեկան), թոշակառուներին (63 տարեկանից բարձր), 1-ին և 2-րդ խմբերի հաշմանդամներին, ինչպես նաև կերակրողին կորցրած ընտանիքներին։ Եվ նույնիսկ նրանց համար աջակցությունը կնվազի ամսական մինչև 40 000 դրամ, իսկ հուլիսից` մինչև 30 հազար։
Արցախցիների իրավունքների պաշտպանության խորհուրդը պատրաստվում է կրկին քննարկումներ անցկացնել հետագա քայլերը որոշելու համար։
ԵՐԵՎԱՆ, 3 ապրիլի – Sputnik. Արցախցիների իրավունքների պաշտպանության խորհրդի անդամները հանդիպել են ՀՀ փոխվարչապետ Տիգրան Խաչատրյանի հետ, որը հստակ ասել է` «40+10» ծրագրին հետդարձ չկա։
Ավելի վաղ հայտնել էինք, որ Արցախից բռնի տեղահանվածների աջակցության ծրագիրը 2025 թվականի ապրիլի 1–ից կրճատվել է։ Աշխատունակ արցախցիներն այլևս չեն ստանալու 40 000+10 000 դրամ բնակվարձի գումարը։ Արցախցիների իրավունքների պաշտպանության խորհրդի կողմից մարտի 29-ին Երևանի Ազատության հրապարակում կազմակերպված մեծ հանրահավաքում ներկայացվեց պահանջագիր՝ ուղղված ՀՀ իշխանություններին և միջազգային հանրությանը:
Հանդիպմանն արցախցիները ներկայացրել են իրենց պահանջագրի 12 կետերը, որից միայն սոցիալական բաղադրիչի մասով է քննարկում եղել։
«Պատասխանը հստակ էր` «40+10»–ին հետդարձ ճանապարհ չի լինելու։ Մեր խորհուրդը պետք է լայն քննարկում ունենա և որոշենք մեր հետագա անելիքները, քանի որ մեր պահանջն այլ էր` «40+10»–ը պետք է այլընտրանք չունենա»,– նշեց խորհրդի անդամ, Արցախի մայրերի աջակցության կենտրոնի հիմնադիր Մարիամ Աբրահամյանը։
ՀՀ փոխվարչապետին մի հարց էլ են ուղղել` ինչ պետք է անեն այն անձինք, որոնք չեն հասել կենսաթոշակային տարիքի, չունեն երեխա, աշխատանք։ Խաչատրյանը հակափաստարկ է բերել, որ այդ նույն կարգավիճակում ՀՀ քաղաքացիներ էլ կան, ինչին ի պատասխան արցախցիները վրդովվել են, որ տեղահանված և չտեղահանված անձնաց միջև հավասարության նշան է դրվել։
«Ինքը 3 անգամ կրկնեց, որ ՀՀ բազմաթիվ քաղաքացիներ էլ կան այդ իրավիճակում, հետո էլ ընդգծեց, որ պետք լինի, 5 անգամ էլ նույնը կասի։ Փոխվարչապետը չի հասկանում` բռնի տեղահանվածին չի կարելի համեմատել մեկ այլ կարգավիճակում գտնվող մարդու հետ։ Չեմ պատկերացնում, որ իրենցից ինչ–որ տարբերակ կլսենք»,– ասաց Աբրահամյանը։
Մեկ այլ արցախցի էլ ասաց, որ հավանաբար գործողությունների կանցնեն, բայց չմանրամասնեց, թե հստակ ինչ են անելու։
Անդրադարձ է եղել նաև իրենց հուզող մեկ այլ հարցի` ՀՀ քաղաքացիություն ստանալիս ինչու է բռնի տեղահանվածների անձնագրերում ծննդավայրը նշվում Ադրբեջան։ Խաչատրյանն ասել է, որ Ադրբեջանը IKAO (Քաղաքացիական ավիացիայի միջազգային կազմակերպություն) կազմակերպությանն է դիմել դեռ 2015 թվականից, բայց բռնի տեղահանումից հետո է որոշվել, որ հենց այդ երկրի անունը նշվի։
Արցախցիները կառավարության մոտից շարժվեցին դեպի Ազատության հրապարակ, որտեղ նրանք հանրահավաքներ և հանրային քննարկումներ են անցկացնում մարտի 29-ից սկսած։
Հիշեցնենք, որ ՀՀ կառավարությունն այսուհետև աջակցություն է տրամադրելու միայն երեխաներին (մինչև 18 տարեկան), թոշակառուներին (63 տարեկանից բարձր), 1-ին և 2-րդ խմբերի հաշմանդամներին, ինչպես նաև կերակրողին կորցրած ընտանիքներին։ Եվ նույնիսկ նրանց համար աջակցությունը կնվազի ամսական մինչև 40 000 դրամ, իսկ հուլիսից` մինչև 30 հազար։
