https://arm.sputniknews.ru/20250326/ete-aghazarjany-qp-andam-liner-kgajiq-nujn-mijnvordutjamb-tvovmasjany-vardapetjanin-87163614.html
Եթե Աղազարյանը ՔՊ անդամ լիներ, կգայի՞ք նույն միջնորդությամբ․ Թովմասյանը՝ Վարդապետյանին
Եթե Աղազարյանը ՔՊ անդամ լիներ, կգայի՞ք նույն միջնորդությամբ․ Թովմասյանը՝ Վարդապետյանին
Sputnik Արմենիա
ՀՀ գլխավոր դատախազը հայտարարեց, որ իրենց նպատակն էր ամբողջական ծավալով ապահովել քննությունը և ԱԺ գալ միայն այն ժամանակ, երբ պատրաստ կլինեն գործն ուղարկել... 26.03.2025, Sputnik Արմենիա
2025-03-26T12:28+0400
2025-03-26T12:28+0400
2025-03-26T12:55+0400
հայաստան
աննա վարդապետյան
թագուհի թովմասյան
հովիկ աղազարյան
https://cdn.am.sputniknews.ru/img/07e9/03/1a/87161663_0:0:1250:704_1920x0_80_0_0_ff35cb1ecf392b247678d648a97bf58c.jpg.webp
ԵՐԵՎԱՆ, 26 մարտի – Sputnik․ ՀՀ գլխավոր դատախազ Աննա Վարդապետյանը վստահեցնում է, որ ինքն Ազգային ժողով կգար նաև այն դեպքում, եթե պատգամավոր Հովիկ Աղազարյանը շարունակեր «Քաղաքացիական պայմանագիր» կուսակցության անդամ լինել։ Նա այդ մասին հայտարարեց` պատասխանելով անկախ պատգամավոր Թագուհի Թովմասյանին։Ավելի վաղ հայտնել էինք, որ Վարդապետյանն Ազգային ժողով է եկել` նախկին ՔՊ–ական, այժմ անկախ պատգամավոր Հովիկ Աղազարյանի նկատմամբ քրեական հետապնդում հարուցելու միջնորդագիրը ներկայացնելու։Թովմասյանը գլխավոր դատախազին հարցրեց` եթե 2024թ․ ամռանից դատախազությանը հայտնի են իրողություններ, ըստ որի՝ կոնկրետ անձնավորություն կաշառքի գործով ցուցմունք է տվել Հովիկ Աղազարյանի դեմ, պնդել է, որ նման բան եղել է, ինչո՞ւ է գլխավոր դատախազը միջնորդությամբ հիմա գալիս ԱԺ, երբ Աղազարյանն արդեն ՔՊ-ից դուրս է եկել։Թովմասյանը կրկնեց հարցը՝ եթե այս տվյալները հայտնի լինեին, բայց Հովիկ Աղազարյանը լիներ ՔՊ խմբակցության անդամ, գլխավոր դատախազն այս միջնորդությամբ ԱԺ կգա՞ր։Թագուհի Թովմասյանը նաև ևս մեկ հարց ուղղեց դատախազին՝ հետաքրքրվելով, թե երբ նախորդ տարի Հովիկ Աղազարյանի հեռախոսն առգրավվեց քննչական կոմիտեի կողմից, դրա տվյալները դարձան հանրության քննարկման առարկա, արդյոք սա նախաքննական գաղտնիքի բացահայտում համարվո՞ւմ է, թե՞ ոչ։«Որովհետև նախաքննության ընթացքում էր հեռախոսի պարունակությունը հասանելի դարձել իշխող թիմին, բայց որևէ վարույթ չեք հարուցել»,- ասաց Թովմասյանը։ԱԺ նախագահ Ալեն Սիմոնյանը միջամտեց՝ պնդելով, որ բովանդակությունից որևէ բան չի հրապարակվել։Գլխավոր դատախազն իր հերթին նշեց, որ Աղազարյանի հեռախոսը լրիվ այլ գործի շրջանակներում է խուզարկվել (երրորդ անձին վերաբերող․ խմբ․), այսօր ներկայացված միջնորդագրին չի վերաբերում, իսկ ԱԺ կանոնակարգ օրենքով՝ այսօր քննարկվում է բացառապես միջնորդագրին վերաբերող գործը։Հիշեցնենք` Հովիկ Աղազարյանը 2024 թվականի դեկտեմբերի 3-ին հեռացվեց «Քաղաքացիական պայմանագիր» կուսակցությունից, իսկ հաջորդ օրը հայտարարեց, որ դուրս է գալիս նաև ՔՊ խմբակցությունից։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աննա վարդապետյան, թագուհի թովմասյան, հովիկ աղազարյան
հայաստան, աննա վարդապետյան, թագուհի թովմասյան, հովիկ աղազարյան
Եթե Աղազարյանը ՔՊ անդամ լիներ, կգայի՞ք նույն միջնորդությամբ․ Թովմասյանը՝ Վարդապետյանին
12:28 26.03.2025 (Թարմացված է: 12:55 26.03.2025) ՀՀ գլխավոր դատախազը հայտարարեց, որ իրենց նպատակն էր ամբողջական ծավալով ապահովել քննությունը և ԱԺ գալ միայն այն ժամանակ, երբ պատրաստ կլինեն գործն ուղարկել դատարան։
ԵՐԵՎԱՆ, 26 մարտի – Sputnik․ ՀՀ գլխավոր դատախազ Աննա Վարդապետյանը վստահեցնում է, որ ինքն Ազգային ժողով կգար նաև այն դեպքում, եթե պատգամավոր Հովիկ Աղազարյանը շարունակեր «Քաղաքացիական պայմանագիր» կուսակցության անդամ լինել։ Նա այդ մասին հայտարարեց` պատասխանելով անկախ պատգամավոր Թագուհի Թովմասյանին։
Ավելի վաղ հայտնել էինք, որ
Վարդապետյանն Ազգային ժողով է եկել` նախկին ՔՊ–ական, այժմ անկախ պատգամավոր Հովիկ Աղազարյանի նկատմամբ քրեական հետապնդում հարուցելու միջնորդագիրը ներկայացնելու։
Թովմասյանը գլխավոր դատախազին հարցրեց` եթե 2024թ․ ամռանից դատախազությանը հայտնի են իրողություններ, ըստ որի՝ կոնկրետ անձնավորություն կաշառքի գործով ցուցմունք է տվել Հովիկ Աղազարյանի դեմ, պնդել է, որ նման բան եղել է, ինչո՞ւ է գլխավոր դատախազը միջնորդությամբ հիմա գալիս ԱԺ, երբ Աղազարյանն արդեն ՔՊ-ից դուրս է եկել։
«Այսօրվա նիստից հետո գործն ուղարկվում է դատարան, այսինքն՝ վարույթն ամբողջ ծավալով ավարտվել է։ Մենք գործ ունենք բազմադրվագ կաշառքի սխեմայի հետ, մեր նպատակն էր ամբողջական ծավալով ապահովել քննությունը և ԱԺ գալ միայն այն ժամանակ, երբ մենք պատրաստ կլինենք գործն ուղարկել դատարան»,- պատասխանեց Վարդապետյանը՝ նշելով, որ այս ամիսների ընթացքում մեծ ծավալի աշխատանք է կատարվել։
Թովմասյանը կրկնեց հարցը՝ եթե այս տվյալները հայտնի լինեին, բայց Հովիկ Աղազարյանը լիներ ՔՊ խմբակցության անդամ, գլխավոր դատախազն այս միջնորդությամբ ԱԺ կգա՞ր։
«Այո՛, կգայի, քանի որ առանց դրա կստացվեր, որ մենք քննությունն արել ենք կիսատ և ոչ բոլոր անձանց ենք պատասխանատվության համար կանչել դատարան»,- պատասխանեց Աննա Վարդապետյանը։
Թագուհի Թովմասյանը նաև ևս մեկ հարց ուղղեց դատախազին՝ հետաքրքրվելով, թե երբ նախորդ տարի Հովիկ Աղազարյանի հեռախոսն առգրավվեց քննչական կոմիտեի կողմից, դրա տվյալները դարձան հանրության քննարկման առարկա, արդյոք սա նախաքննական գաղտնիքի բացահայտում համարվո՞ւմ է, թե՞ ոչ։
«Որովհետև նախաքննության ընթացքում էր հեռախոսի պարունակությունը հասանելի դարձել իշխող թիմին, բայց որևէ վարույթ չեք հարուցել»,- ասաց Թովմասյանը։
ԱԺ նախագահ Ալեն Սիմոնյանը միջամտեց՝ պնդելով, որ բովանդակությունից որևէ բան չի հրապարակվել։
Գլխավոր դատախազն իր հերթին նշեց, որ Աղազարյանի հեռախոսը լրիվ այլ գործի շրջանակներում է խուզարկվել (երրորդ անձին վերաբերող․ խմբ․), այսօր ներկայացված միջնորդագրին չի վերաբերում, իսկ ԱԺ կանոնակարգ օրենքով՝ այսօր քննարկվում է բացառապես միջնորդագրին վերաբերող գործը։
Հիշեցնենք` Հովիկ Աղազարյանը 2024 թվականի դեկտեմբերի 3-ին
հեռացվեց «Քաղաքացիական պայմանագիր» կուսակցությունից, իսկ հաջորդ օրը
հայտարարեց, որ դուրս է գալիս նաև ՔՊ խմբակցությունից։
