https://arm.sputniknews.ru/20250306/tsaghkadzvorum-tatrvon-kkarucvi-karavarutjuny-havanutjun-tvec-nakhagtsin-86464321.html
Ծաղկաձորում Կեչառիս վանական համալիրի մոտ թատրոնի շենք կկառուցվի
Ծաղկաձորում Կեչառիս վանական համալիրի մոտ թատրոնի շենք կկառուցվի
Sputnik Արմենիա
Մինչև 2029թ․ ավարտը կառուցվելու է նաև համայնքապետարանի համար վարչական շենք, ինչպես նաև ավտոկայանատեղի և քաղաքային զբոսայգի։ 06.03.2025, Sputnik Արմենիա
2025-03-06T11:07+0400
2025-03-06T11:07+0400
2025-03-06T12:16+0400
ծաղկաձոր
թատրոն
շենք
մշակույթի տուն
https://cdn.am.sputniknews.ru/img/166/25/1662520_0:83:1600:983_1920x0_80_0_0_10931efd33fbd5d2af3172061371000e.jpg
ԵՐԵՎԱՆ, 6 մարտի – Sputnik․ Ծաղկաձորում՝ Կեչառիս վանական համալիրի մոտ, թատրոնի շենք կկառուցվի։ Համապատասխան որոշումն ընդունվեց այսօր կառավարության նիստում։Նախկինում համալիրի հարակից տարածքում եղել է գիշերօթիկ դպրոց, որը 1990-ական թվականներից չի գործում։ Տարածքում կան 5 շինություններ, որոնք անմխիթար վիճակում են և շահագործման ենթակա չեն։ Նախատեսվում է ապամոնտաժել գոյություն ունեցող շինությունները և տեղում կառուցել մինչև 3 վերգետնյա հարկերով երկու մասնաշենք։Ջերմուկի ուրվականը․ ինչպե՞ս ստացվեց, որ շենքը տեր ունի, բայց անտեր է մնացելԱռաջին մասնաշենքը կծառայի որպես Ծաղկաձորի համայնքապետարանի վարչական շենք, իսկ մյուս մասնաշենքը կլինի թատրոնի համար։Մինչև 2029 թվականի ավարտը պետք է կառուցվեն ոչ միայն համայնքապետարանի և թատրոնի շենքերը, այլև ավտոկայանատեղի 110-200 մեքենաների համար, ինչը կնպաստի նաև համայնքի կենտրոնական փողոցների բեռնաթափմանը։ Բացի այդ, կառուցվելու է քաղաքային զբոսայգի՝ մանկական խաղահրապարակով, հեծանվուղիով և մշակութային միջոցառումների կազմակերպման բացօթյա բեմահարթակով։Ըստ որոշման հիմնավորման՝ ծրագրի իրականացումը կնպաստի զբոսաշրջության զարգացմանը, կունենա ժամանակակից և քաղաքակիրթ համայնքային կառավարման կենտրոն։Գալի՞ս ես սահելու Սևանի վրա․ խենթությո՞ւն, թե՞ տուրիստական նոր գրավչությունԾաղկաձոր համայնքի ղեկավարը տեղեկացրել է նաև, որ ծրագրի իրականացման համար անհրաժեշտ են լինելու ֆինանսական մեծ միջոցներ, որոնք համայնքը կարող է տրամադրել իր սեփական ռեսուրսներից:Որոշումն ընդունվելուց հետո ՀՀ վարչապետ Նիկոլ Փաշինյանը նշեց՝ ըստ էության, այս նախագծով Ծաղկաձորում 3հա տարածքը փրկվում է կոմերցիոն ներդրման տրամաբանությունից և հանրային նեդրում է ապահովվում։Էկոնոմիկայի նախարար Գևորգ Պապոյանը հավելեց՝ Ծաղկաձորը՝ որպես ձմեռային տուրիզմի կարևոր վայր զարգացնելու համար, նոր ճոպանուղու և արհեստական ձյան համակարգի կառուցման անհրաժեշտություն կա՝ սեզոնը երկարաձգելու համար։
ծաղկաձոր
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծաղկաձոր, թատրոն, շենք, մշակույթի տուն
ծաղկաձոր, թատրոն, շենք, մշակույթի տուն
Ծաղկաձորում Կեչառիս վանական համալիրի մոտ թատրոնի շենք կկառուցվի
11:07 06.03.2025 (Թարմացված է: 12:16 06.03.2025) Մինչև 2029թ․ ավարտը կառուցվելու է նաև համայնքապետարանի համար վարչական շենք, ինչպես նաև ավտոկայանատեղի և քաղաքային զբոսայգի։
ԵՐԵՎԱՆ, 6 մարտի – Sputnik․ Ծաղկաձորում՝ Կեչառիս վանական համալիրի մոտ, թատրոնի շենք կկառուցվի։ Համապատասխան որոշումն ընդունվեց այսօր կառավարության նիստում։
Նախկինում համալիրի հարակից տարածքում եղել է գիշերօթիկ դպրոց, որը 1990-ական թվականներից չի գործում։ Տարածքում կան 5 շինություններ, որոնք անմխիթար վիճակում են և շահագործման ենթակա չեն։ Նախատեսվում է ապամոնտաժել գոյություն ունեցող շինությունները և տեղում կառուցել մինչև 3 վերգետնյա հարկերով երկու մասնաշենք։
Առաջին մասնաշենքը կծառայի որպես Ծաղկաձորի համայնքապետարանի վարչական շենք, իսկ մյուս մասնաշենքը կլինի թատրոնի համար։
Մինչև 2029 թվականի ավարտը պետք է կառուցվեն ոչ միայն համայնքապետարանի և թատրոնի շենքերը, այլև ավտոկայանատեղի 110-200 մեքենաների համար, ինչը կնպաստի նաև համայնքի կենտրոնական փողոցների բեռնաթափմանը։ Բացի այդ, կառուցվելու է քաղաքային զբոսայգի՝ մանկական խաղահրապարակով, հեծանվուղիով և մշակութային միջոցառումների կազմակերպման բացօթյա բեմահարթակով։
Ըստ որոշման հիմնավորման՝ ծրագրի իրականացումը կնպաստի զբոսաշրջության զարգացմանը, կունենա ժամանակակից և քաղաքակիրթ համայնքային կառավարման կենտրոն։
Ծաղկաձոր համայնքի ղեկավարը տեղեկացրել է նաև, որ ծրագրի իրականացման համար անհրաժեշտ են լինելու ֆինանսական մեծ միջոցներ, որոնք համայնքը կարող է տրամադրել իր սեփական ռեսուրսներից:
Որոշումն ընդունվելուց հետո ՀՀ վարչապետ Նիկոլ Փաշինյանը նշեց՝ ըստ էության, այս նախագծով Ծաղկաձորում 3հա տարածքը փրկվում է կոմերցիոն ներդրման տրամաբանությունից և հանրային նեդրում է ապահովվում։
Էկոնոմիկայի նախարար Գևորգ Պապոյանը հավելեց՝ Ծաղկաձորը՝ որպես ձմեռային տուրիզմի կարևոր վայր զարգացնելու համար, նոր ճոպանուղու և արհեստական ձյան համակարգի կառուցման անհրաժեշտություն կա՝ սեզոնը երկարաձգելու համար։
