https://arm.sputniknews.ru/20250217/hajkakan-ynkerutjuny-bernery-kteghapvokhi-chabaharvov-bajc-sakagnery-der-hajtni-chen-85827217.html
Հայկական ընկերությունը բեռներ կտեղափոխի «Չաբահարով», բայց սակագները դեռ հայտնի չեն
Հայկական ընկերությունը բեռներ կտեղափոխի «Չաբահարով», բայց սակագները դեռ հայտնի չեն
Sputnik Արմենիա
Նախագիծը պետք է կարևոր օղակ դառնար տարածաշրջանային լոգիստիկ ցանցի ամրապնդման գործում։ 17.02.2025, Sputnik Արմենիա
2025-02-17T08:55+0400
2025-02-17T08:55+0400
2025-02-17T09:12+0400
չաբահար
հայաստան–իրան գործակցություն
իրանի իսլամական հանրապետություն
նավահանգիստ
հայաստան
էկոնոմիկայի նախարարություն
https://cdn.am.sputniknews.ru/img/07e8/01/12/71254960_11:0:678:375_1920x0_80_0_0_b32a93fb2d9fb2811c6d0c5271476702.jpg
ԵՐԵՎԱՆ, 17 փետրվարի – Sputnik. Հայկական ընկերություններից մեկը պայմանավորվածություն է ձեռք բերել իրանական «Չաբահար» նավահանգստի ազատ առևտրի գոտում գրանցվելու և լոգիստիկ գործունեություն սկսելու վերաբերյալ։ Այս մասին Sputnik Արմենիայի գրավոր հարցմանն ի պատասխան հայտնեցին ՀՀ էկոնոմիկայի նախարարությունից։Հայկական ընկերության գրանցումը Չաբահար ԱԱԳ-ում հայկական ընկերությունների և իրանական կողմի միջև փոխըմբռնման և համագործակցության հուշագրի ստորագրման արդյունք է:Խոստումներ VS իրականություն․ իշխանությունների ո՞ր մեգանախագծերը այդպես էլ չիրականացվեցինԳերատեսչությունում հիշեցրել են, որ հուշագիրը ստորագրվել է 2024 թվականի նոյեմբերի 11-ից 14-ը ՀՀ էկոնոմիկայի փոխնախարար Նարեկ Հովակիմյանի գլխավորած պատվիրակության Իրան և, մասնավորապես, Չաբահարի նավահանգիստ կատարած աշխատանքային այցի արդյունքում։Ընդ որում, նախատեսվող բեռնափոխադրումների արժեքի վերաբերյալ Երևանն առայժմ տվյալներ չունի։Մեր հարցմանն ի պատասխան նշվում է նաև, որ Հայաստանը շահագրգռված է Իրանի և Հնդկաստանի միացմամբ առևտրային միջանցքի նախագծի իրականացման հարցում։ Ավելին, Երևանն աշխատում է Իրանի «Չաբահար» նավահանգստով դեպի Հնդկաստան և Չինաստան և հակառակ ուղղությամբ բեռնափոխադրումների գործընթացը կազմակերպելու ուղղությամբ։Նախարարությունը պարզաբանում է, որ Հայաստանն աշխատում է արտաքին աշխարհի հետ նոր լոգիստիկ երթուղիների դիվերսիֆիկացման ուղղությամբ, և հեռանկարային շուկաներ հասանելիություն ապահովելու տեսանկյունից «Չաբահար» նավահանգստով բեռնափոխադրումների իրականացումը դիտարկվում է որպես այդ երթուղիներից մեկը։ՌԴ-ի հետ կապի համար ավելի ձեռնտու է ճանապարհը ՀՀ–ով, ոչ թե Ադրբեջանով. իրանցի փորձագետԲացի այդ, հայկական կողմը գտնում է, որ «Չաբահար» նավահանգստով բեռնափոխադրումները, այդ թվում՝ Հնդկաստանից Հայաստան և հակառակ ուղղությամբ կանոնավոր ծովային բեռնափոխադրումները, թույլ կտան էապես կրճատել բեռնափոխադրումների ժամանակը: Դա թույլ կտա բարենպաստ պայմաններ ստեղծել փոխադարձ առևտրի ծավալների մեծացման համար։Հիշեցնենք, որ 2024 թվականի մայիսին Երևանը նախատեսում էր իրանական «Չաբահար» նավահանգստով նոր առևտրային երթուղի բացել Հայաստանը Հնդկաստանի հետ կապելու համար։Այս նախագիծը պետք է կարևոր օղակ դառնար տարածաշրջանային լոգիստիկ ցանցի ամրապնդման գործում։ Երթուղու ստեղծման գաղափարը ծագել է 2023 թվականին, երբ վարչապետ Նիկոլ Փաշինյանի հանձնարարությամբ ստեղծվել է միջգերատեսչական աշխատանքային խումբ՝ բեռնափոխադրումների կազմակերպման և «Չաբահարում» գործառնական կետ բացելու համար։Իրանը պատրաստ է «Չաբահարի» մուտք տրամադրել ոչ միայն Հայաստանին, այլև ԵԱՏՄ մյուս երկրներինԵրթուղու գործարկման ժամկետները, սակայն, հետաձգվել են անորոշ ժամանակով։ Երթուղին, ըստ նախագծի, ենթադրում է բեռների տեղափոխում Հնդկաստանի «Մումբայ» նավահանգստից մինչև «Չաբահար», այնուհետև ցամաքային ճանապարհով Հայաստան, ապա՝ Վրաստան։ Վրացական նավահանգիստները կարող էին մեկնակետ դառնալ դեպի Եվրոպա, իսկ «Վերին Լարս» անցակետով՝ Ռուսաստան մատակարարումների համար։
չաբահար
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
չաբահար , հայաստան–իրան գործակցություն, իրանի իսլամական հանրապետություն, նավահանգիստ, հայաստան, էկոնոմիկայի նախարարություն
չաբահար , հայաստան–իրան գործակցություն, իրանի իսլամական հանրապետություն, նավահանգիստ, հայաստան, էկոնոմիկայի նախարարություն
Հայկական ընկերությունը բեռներ կտեղափոխի «Չաբահարով», բայց սակագները դեռ հայտնի չեն
08:55 17.02.2025 (Թարմացված է: 09:12 17.02.2025) Նախագիծը պետք է կարևոր օղակ դառնար տարածաշրջանային լոգիստիկ ցանցի ամրապնդման գործում։
ԵՐԵՎԱՆ, 17 փետրվարի – Sputnik. Հայկական ընկերություններից մեկը պայմանավորվածություն է ձեռք բերել իրանական «Չաբահար» նավահանգստի ազատ առևտրի գոտում գրանցվելու և լոգիստիկ գործունեություն սկսելու վերաբերյալ։ Այս մասին
Sputnik Արմենիայի գրավոր հարցմանն ի պատասխան հայտնեցին ՀՀ էկոնոմիկայի նախարարությունից։
Հայկական ընկերության գրանցումը Չաբահար ԱԱԳ-ում հայկական ընկերությունների և իրանական կողմի միջև փոխըմբռնման և համագործակցության հուշագրի ստորագրման արդյունք է:
Գերատեսչությունում հիշեցրել են, որ հուշագիրը ստորագրվել է 2024 թվականի նոյեմբերի 11-ից 14-ը ՀՀ էկոնոմիկայի փոխնախարար Նարեկ Հովակիմյանի գլխավորած պատվիրակության Իրան և, մասնավորապես, Չաբահարի նավահանգիստ կատարած աշխատանքային այցի արդյունքում։
Ընդ որում, նախատեսվող բեռնափոխադրումների արժեքի վերաբերյալ Երևանն առայժմ տվյալներ չունի։
«Տնտեսական արդյունավետության ցուցանիշը հասկանալու առումով անհրաժեշտ է որոշակի քանակությամբ բեռների փոխադրումներ իրականացնել, որոնց ուղղությամբ ևս ներկայում աշխատանքներ են իրականացվում»,-նշել են էկոնոմիկայի նախարարությունում։
Մեր հարցմանն ի պատասխան նշվում է նաև, որ Հայաստանը շահագրգռված է Իրանի և Հնդկաստանի միացմամբ առևտրային միջանցքի նախագծի իրականացման հարցում։ Ավելին, Երևանն աշխատում է Իրանի «Չաբահար» նավահանգստով դեպի Հնդկաստան և Չինաստան և հակառակ ուղղությամբ բեռնափոխադրումների գործընթացը կազմակերպելու ուղղությամբ։
Նախարարությունը պարզաբանում է, որ Հայաստանն աշխատում է արտաքին աշխարհի հետ նոր լոգիստիկ երթուղիների դիվերսիֆիկացման ուղղությամբ, և հեռանկարային շուկաներ հասանելիություն ապահովելու տեսանկյունից «Չաբահար» նավահանգստով բեռնափոխադրումների իրականացումը դիտարկվում է որպես այդ երթուղիներից մեկը։
Բացի այդ, հայկական կողմը գտնում է, որ «Չաբահար» նավահանգստով բեռնափոխադրումները, այդ թվում՝ Հնդկաստանից Հայաստան և հակառակ ուղղությամբ կանոնավոր ծովային բեռնափոխադրումները, թույլ կտան էապես կրճատել բեռնափոխադրումների ժամանակը: Դա թույլ կտա բարենպաստ պայմաններ ստեղծել փոխադարձ առևտրի ծավալների մեծացման համար։
Հիշեցնենք, որ 2024 թվականի մայիսին Երևանը նախատեսում էր իրանական «Չաբահար» նավահանգստով նոր առևտրային երթուղի բացել Հայաստանը Հնդկաստանի հետ կապելու համար։
Այս նախագիծը պետք է կարևոր օղակ դառնար տարածաշրջանային լոգիստիկ ցանցի ամրապնդման գործում։ Երթուղու ստեղծման գաղափարը ծագել է 2023 թվականին, երբ վարչապետ Նիկոլ Փաշինյանի հանձնարարությամբ ստեղծվել է միջգերատեսչական աշխատանքային խումբ՝ բեռնափոխադրումների կազմակերպման և «Չաբահարում» գործառնական կետ բացելու համար։
Երթուղու գործարկման ժամկետները, սակայն, հետաձգվել են անորոշ ժամանակով։ Երթուղին, ըստ նախագծի, ենթադրում է բեռների տեղափոխում Հնդկաստանի «Մումբայ» նավահանգստից մինչև «Չաբահար», այնուհետև ցամաքային ճանապարհով Հայաստան, ապա՝ Վրաստան։ Վրացական նավահանգիստները կարող էին մեկնակետ դառնալ դեպի Եվրոպա, իսկ «Վերին Լարս» անցակետով՝ Ռուսաստան մատակարարումների համար։
