Ռուսաց լեզուն առանցքային դեր է կատարում ՌԴ-ի և Հայաստանի հարաբերություններում. դեսպան
16:31 17.01.2025 (Թարմացված է: 16:49 17.01.2025)
© Sputnik / Aram NersesyanՌուսաստանի դեսպան Սերգեյ Կոպիրկինը «Հայաստանի Հանրապետության 2024 թվականի լավագույն ռուսերեն ուսուցիչ» մրցույթի արդյունքների ամփոփման արարողության ժամանակ

© Sputnik / Aram Nersesyan
Բաժանորդագրվել
Դեսպանը հույս ունի, որ ընթացիկ տարում երկու երկրների հարաբերություններն է'լ ավելի ինտենսիվ կզարգանան։
ԵՐԵՎԱՆ, 17 հունվարի - Sputnik. Ռուսերենը շարունակում է մնալ Ռուսաստանի և Հայաստանի միջև համագործակցության կարևոր տարր՝ չնայած երկու երկրների անկախությանն ու ինքնիշխանությանը: Այս մասին հայտարարեց Հայաստանում Ռուսաստանի դեսպան Սերգեյ Կոպիրկինը «Հայաստանի Հանրապետության 2024 թվականի լավագույն ռուսերեն ուսուցիչ» մանկավարժական վարպետության XV ազգային մրցույթի արդյունքների ամփոփման արարողության ժամանակ։
Կոպիրկինի խոսքով՝ Ռուսաստանին և Հայաստանին միավորում են տարբեր ոլորտներում՝ տնտեսությունից մինչև մշակույթ, առկա սերտ կապերը։
«Ռուսաստանը եղել և մնում է Հայաստանի խոշորագույն տնտեսական գործընկերը։ Մեզ կապում են ինտեգրացիոն հարաբերությունները, իսկ ռուսաստանցիներն ավանդաբար կազմում են դեպի Հայաստան զբոսաշրջային հոսքի հիմնական մասը։ Սա ընդգծում է ռուսաց լեզվի կարևորությունը ոչ միայն մեր միջպետական հարաբերությունների զարգացման, այլև Հայաստանի ներքին ներուժի ամրապնդման գործում», -նշեց նա։
Դեսպանը նաև ուշադրություն է հրավիրել ռուսերեն դասավանդող մանկավարժների առանցքային դերի վրա՝ նրանց աշխատանքը կենսական համարելով Հայաստանում ռուսաց լեզվի առաջխաղացման համար:
«Սա վեհ առաքելություն է, հատկապես հաշվի առնելով ռուսերենի պատմական դերը մեր հարաբերություններում։ Մեր ժողովուրդների փոխգործակցությունը մշտապես նպաստել է երկու երկրների մշակութային և հոգևոր հարստացմանը, մտավոր ներուժի զարգացմանը», - հավելեց Կոպիրկինը։
© Sputnik / Aram NersesyanՌուսաստանի դեսպան Սերգեյ Կոպիրկինը «Հայաստանի Հանրապետության 2024 թվականի լավագույն ռուսերեն ուսուցիչ» մրցույթի արդյունքների ամփոփման արարողության ժամանակ

Ռուսաստանի դեսպան Սերգեյ Կոպիրկինը «Հայաստանի Հանրապետության 2024 թվականի լավագույն ռուսերեն ուսուցիչ» մրցույթի արդյունքների ամփոփման արարողության ժամանակ
© Sputnik / Aram Nersesyan
Նա ընդգծեց, որ մանկավարժական վարպետության մրցույթը ռուսաց լեզվի դիրքերի ամրապնդմանն ուղղված աշխատանքի միայն մի ուղղությունն է: Ռուսաստանի պետական քաղաքականության շրջանակներում ռուսաց լեզվի պահպանումն ու առաջխաղացումն աշխարհում, հատկապես եղբայրական հարաբերություններ ունեցող երկրներում, ինչպիսին Հայաստանն է, մնում է առաջնահերթություն:
Դեսպանը նշեց, որ Ռուսաստանի դեսպանատունը հատուկ ուշադրություն է դարձնում խնդիրներին, որոնց բախվում են ռուսաց լեզվի ուսուցիչները:
«Հուսով եմ՝ մանկավարժներին տեսանելի է, թե որքան լուրջ են Ռուսաստանն ու նրա ներկայացուցչությունը վերաբերվում Հայաստանում ռուսաց լեզվի զարգացմանն ու պահպանմանը», - եզրափակեց Կոպիրկինը: