https://arm.sputniknews.ru/20241223/inchpes-aktivacnel-zbvosashrjutjuny-arevvot-meghrium-drneri-gaghtniqnern-u-hin-vanqery-84165726.html
Ինչպես ակտիվացնել զբոսաշրջությունը արևոտ Մեղրիում. դռների գաղտնիքներն ու հին վանքերը
Ինչպես ակտիվացնել զբոսաշրջությունը արևոտ Մեղրիում. դռների գաղտնիքներն ու հին վանքերը
Sputnik Արմենիա
2020-ից հետո Մեղրի ավելի շատ զբոսաշրջիկներ են սկսել այցելել։ Այստեղի մրգերը վաղուց են հայտնի, իսկ ճարտարապետական հուշարձանները՝ ոչ այնքան: Դրանք լրացուցիչ... 23.12.2024, Sputnik Արմենիա
2024-12-23T08:55+0400
2024-12-23T08:55+0400
2024-12-23T08:55+0400
մեղրի
սյունիք
զբոսաշրջություն
զբոսաշրջիկ
դուռ
եկեղեցի
https://cdn.am.sputniknews.ru/img/07e7/06/0c/61014706_0:250:1333:1000_1920x0_80_0_0_efbec96d2effa23ed584506a934be8b2.jpg
ԵՐԵՎԱՆ, 23 դեկտեմբերի – Sputnik, Արամ Գարեգինյան. Մեղրի քաղաքի մասին տեղեկությունները շատերի մոտ սահմանափակվում են խուրմայով և նռով, ինչպես նաև նրանով, որ Երևանից Մեղրի շատ հեռու է՝ 6-7 ժամ լեռնային ճանապարհներով։ Ոչ բոլորն են այստեղ հասնելու ժամանակ և ցանկություն ունենում, ի տարբերություն, օրինակ, Դմիտրի Խառատյանի, որը մի քանի տարի առաջ եկել էր իր պապի հայրենիքը տեսնելու։Վերջին տարիներին այս շրջանները բացահայտել ցանկացողների թիվը շատացել է։ Sputnik Արմենիայի հետ զրույցում պատմում է Մեղրիի հյուրատներից մեկի սեփականատեր Կարեն Կանդազյանը։ Նրա կարծիքով՝ մարդկանց հավանաբար հետաքրքրում է, թե այդ ինչ տեղանք է, որը գրավել է համաշխարհային տերությունների ուշադրությունը։ Մեկ այլ, տխուր պատճառ էլ կա. Մեղրի սկսել են գնալ Արցախի փոխարեն։ «Իհարկե, մեկը մյուսով չես փոխարինի, բայց...»,-ավելացնում է նա։«Հիմա ավելի հաճախ են գալիս Գերմանիայից, Ֆրանսիայից, Ռուսաստանից, բայց ասեմ՝ ամենաշատը տեղացի զբոսաշրջիկներն են, որոնք առաջ Մեղրիի մասին ոչինչ չգիտեին»,-պատմում է Կարենը։Տեղացիների համար հեռու է, իրանցիների համար՝ թանկՏեղացի զբոսաշրջիկները հիմա էլ քիչ են, արտասահմանցիները՝ ավելի քիչ, բայց, ինչպես պարզաբանեց Կանդազյանը, մինչև 2020 թվականը երկուսն էլ փաստացի չկային։ Թե՛ տեղացիներին, թե՛ եվրոպացիներին հետ է պահում երկար ճանապարհը (Երևանից), հատկապես, եթե համեմատենք Սևանի և Դիլիջանի հետ։ Իրանցիներին Մեղրին ավելի մոտ է, քան Երևանը, բայց թանկ է․ հայկական դրամի նկատմամբ իրանական ռեալի փոխարժեքը շատ ցածր է, ուստի իրանցի զբոսաշրջիկներ այստեղ հաճախ չեն լինում: Որոշ ժամանակ առաջ ամենագնացներով մի խումբ զբոսաշրջիկներ են եկել, անցել են Հայաստանի լեռնային երթուղիներով և շարունակել ճանապարհը դեպի Վրաստան։Իրանում մեկ լիտր բենզինն արժե 50 դրամ՝ 10 անգամ ավելի էժան, քան Հայաստանում։ Այդ գինը գործում է միայն Իրանի քաղաքացիների համար, բայց սահմանը հատելուն պես հանդիպում ես իրանցի տաքսիստների, որոնք 10 հազար դրամով կարող են տանել Թավրիզ և հակառակ ուղղությամբ (ընդհանուր՝ մոտ 300 կմ): Հայաստանում նման ուղևորությունը երեք անգամ ավելի թանկ կարժենար։ 8 հազար դրամով կարելի է գիշերել այնտեղ (Հայաստանի համար չլսված էժանություն է նույնիսկ բյուջետային հյուրանոցի համար)։Այդ պատճառով էլ մեղրեցիները հաճախ են գնում Իրան` գնումներ կատարելու, թեև Թավրիզի մոտակայքում էլ շատ տեսնելու բան կա։ Բուն Թավրիզում երեք հայկական եկեղեցի կա, Ջուղայի մոտակայքում՝ Նախիջևանի սահմանի մոտ, Սուրբ Ստեփանոս Նախավկայի վանքն է, իսկ քիչ ավելի հեռու՝ դեպի Իրանի արևմուտք, սուրբ Թադևոսի վանքը (երկուսն էլ հոյակապ շինություններ են)։ Այստեղ էքսկուրսիաների են տանում, բայց հիմնականում Երևանից, ոչ թե Մեղրիից։Նռան փառատոնՀնարավոր է, որ մոտակա տարիներին նման ուղևորություններն ավելի հաճախակի դառնան։ Ինչպես Sputnik Արմենիայի հետ զրույցում ասաց Մեղրու համայնքապետի տեղակալ Արմեն Անտոնյանը, այս տարի համայնքապետարանի պատվիրակությունը՝ քաղաքապետի գլխավորությամբ, այցելել է Ջուղայում անցկացվող իրանական նռան փառատոնին։ Հետագայում նույնպիսի փառատոն կանցկացվի սահմանի այս կողմում՝ Մեղրիում, իրանցի հյուրերի (այդ թվում՝ Կապանում Իրանի հյուպատոսի) մասնակցությամբ։«Մենք պայմանավորվել ենք պարբերաբար այցելել միմյանց փառատոներին։ Դա կնպաստի ոչ միայն առևտրին, այլև մեր ժողովուրդների միջև մարդկային շփումներին»,-հավելում է Անտոնյանը։Եվ վերջապես՝ բուն Մեղրիի մասինՄեղրիում պահպանված որմնանկարներով մի քանի եկեղեցի կա` Սուրբ Մարիամ Աստվածածին, Սուրբ Հովհաննես եկեղեցիները և Անապաստանաց վանքը, որը նույնպես Սուրբ Հովհաննես անունն է կրում (դրանց մասին առանձին կպատմենք)։Վանքին կից պահպանվել է օժանդակ շինություն, որտեղ ուզում են երկրագիտական թանգարան տեղակայել։ Լեռներում մի քանի ամրոց է պահպանվել։ Ճիշտ է՝ դրանց պատերի ամրությունը վաղուց չեն ստուգել և փլուզման ռիսկերը չեն գնահատել։Ներկայումս վերականգնվում է քաղաքի հին թաղամասերից մեկը (Փոքր թաղը)՝ Սուրբ Հովհաննես եկեղեցու հարակիցը (այն եկեղեցիներից մեկն է, որտեղ պահպանվել և մի քանի տարի առաջ վերականգնվել են հին որմնանկարները)։Ամեն դեպքում ակտիվացում պետք էՈրքան էլ պարադոքսալ հնչի՝ արևոտ Մեղրի զբոսաշրջիկներ բերելու համար «հալեցում» է պետք։ Մի քանի տարի առաջ քաղաքով անցնում էր «Հյուսիս-Հարավ» մայրուղու հնարավոր երթուղիներից մեկը, ուստի ազատ հողերում կառուցապատումը սահմանափակ էր։ Արգելքը չհանվեց նույնիսկ այն բանից հետո, երբ ճանապարհը սկսեցին կառուցել այստեղից մի քանի կիլոմետր հեռու։Զբոսաշրջիկներին ավելի գայթակղելու համար ավելացնենք, որ Մեղրիում հին բնակելի տներ կան, որոնց դարպասների վրա պահպանվել են օղակաձև թակիչները։ Ավելին, այստեղ, տեղական ավանդույթի համաձայն, դարպասներին երկուական թակիչ էին կախում։ Մեկը` տղամարդկանց համար՝ մեծ և ավելի բարձր հնչող, մյուսը` կանանց համար՝ ավելի փոքր և ցածր ձայնով (որպեսզի տանտերերն իմանային, թե ով է թակողը)։ Եկեք, ձեր աչքով կտեսնեք։Չգնա՞նք ձիթապտղի. Մեղրին շուտով նոր բրենդ կունենա
մեղրի
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մեղրի, սյունիք, զբոսաշրջություն , զբոսաշրջիկ, դուռ, եկեղեցի
մեղրի, սյունիք, զբոսաշրջություն , զբոսաշրջիկ, դուռ, եկեղեցի
Ինչպես ակտիվացնել զբոսաշրջությունը արևոտ Մեղրիում. դռների գաղտնիքներն ու հին վանքերը
2020-ից հետո Մեղրի ավելի շատ զբոսաշրջիկներ են սկսել այցելել։ Այստեղի մրգերը վաղուց են հայտնի, իսկ ճարտարապետական հուշարձանները՝ ոչ այնքան: Դրանք լրացուցիչ ուշադրության կարիք ունեն։ Չլուծված է մնում նաև հյուրանոցներ կառուցելու համար օգտագործվող հողերի հարցը։
ԵՐԵՎԱՆ, 23 դեկտեմբերի – Sputnik, Արամ Գարեգինյան. Մեղրի քաղաքի մասին տեղեկությունները շատերի մոտ սահմանափակվում են խուրմայով և նռով, ինչպես նաև նրանով, որ Երևանից Մեղրի շատ հեռու է՝ 6-7 ժամ լեռնային ճանապարհներով։ Ոչ բոլորն են այստեղ հասնելու ժամանակ և ցանկություն ունենում, ի տարբերություն, օրինակ, Դմիտրի Խառատյանի, որը մի քանի տարի առաջ եկել էր իր պապի հայրենիքը տեսնելու։
Վերջին տարիներին այս շրջանները բացահայտել ցանկացողների թիվը շատացել է։ Sputnik Արմենիայի հետ զրույցում պատմում է Մեղրիի հյուրատներից մեկի սեփականատեր Կարեն Կանդազյանը։ Նրա կարծիքով՝ մարդկանց հավանաբար հետաքրքրում է, թե այդ ինչ տեղանք է, որը գրավել է համաշխարհային տերությունների ուշադրությունը։ Մեկ այլ, տխուր պատճառ էլ կա. Մեղրի սկսել են գնալ Արցախի փոխարեն։ «Իհարկե, մեկը մյուսով չես փոխարինի, բայց...»,-ավելացնում է նա։
«Հիմա ավելի հաճախ են գալիս Գերմանիայից, Ֆրանսիայից, Ռուսաստանից, բայց ասեմ՝ ամենաշատը տեղացի զբոսաշրջիկներն են, որոնք առաջ Մեղրիի մասին ոչինչ չգիտեին»,-պատմում է Կարենը։
Տեղացիների համար հեռու է, իրանցիների համար՝ թանկ
Տեղացի զբոսաշրջիկները հիմա էլ քիչ են, արտասահմանցիները՝ ավելի քիչ, բայց, ինչպես պարզաբանեց Կանդազյանը, մինչև 2020 թվականը երկուսն էլ փաստացի չկային։ Թե՛ տեղացիներին, թե՛ եվրոպացիներին հետ է պահում երկար ճանապարհը (Երևանից), հատկապես, եթե համեմատենք Սևանի և Դիլիջանի հետ։ Իրանցիներին Մեղրին ավելի մոտ է, քան Երևանը, բայց թանկ է․ հայկական դրամի նկատմամբ իրանական ռեալի փոխարժեքը շատ ցածր է, ուստի իրանցի զբոսաշրջիկներ այստեղ հաճախ չեն լինում: Որոշ ժամանակ առաջ ամենագնացներով մի խումբ զբոսաշրջիկներ են եկել, անցել են Հայաստանի լեռնային երթուղիներով և շարունակել ճանապարհը դեպի Վրաստան։
Իրանում մեկ լիտր բենզինն արժե 50 դրամ՝ 10 անգամ ավելի էժան, քան Հայաստանում։ Այդ գինը գործում է միայն Իրանի քաղաքացիների համար, բայց սահմանը հատելուն պես հանդիպում ես իրանցի տաքսիստների, որոնք 10 հազար դրամով կարող են տանել Թավրիզ և հակառակ ուղղությամբ (ընդհանուր՝ մոտ 300 կմ): Հայաստանում նման ուղևորությունը երեք անգամ ավելի թանկ կարժենար։ 8 հազար դրամով կարելի է գիշերել այնտեղ (Հայաստանի համար չլսված էժանություն է նույնիսկ բյուջետային հյուրանոցի համար)։
Այդ պատճառով էլ մեղրեցիները հաճախ են գնում Իրան` գնումներ կատարելու, թեև Թավրիզի մոտակայքում էլ շատ տեսնելու բան կա։ Բուն Թավրիզում երեք հայկական եկեղեցի կա, Ջուղայի մոտակայքում՝ Նախիջևանի սահմանի մոտ, Սուրբ Ստեփանոս Նախավկայի վանքն է, իսկ քիչ ավելի հեռու՝ դեպի Իրանի արևմուտք, սուրբ Թադևոսի վանքը (երկուսն էլ հոյակապ շինություններ են)։ Այստեղ էքսկուրսիաների են տանում, բայց հիմնականում Երևանից, ոչ թե Մեղրիից։
Հնարավոր է, որ մոտակա տարիներին նման ուղևորություններն ավելի հաճախակի դառնան։ Ինչպես
Sputnik Արմենիայի հետ զրույցում ասաց Մեղրու համայնքապետի տեղակալ Արմեն Անտոնյանը, այս տարի համայնքապետարանի պատվիրակությունը՝ քաղաքապետի գլխավորությամբ, այցելել է Ջուղայում անցկացվող իրանական նռան փառատոնին։ Հետագայում նույնպիսի փառատոն կանցկացվի սահմանի այս կողմում՝ Մեղրիում, իրանցի հյուրերի (այդ թվում՝ Կապանում Իրանի հյուպատոսի) մասնակցությամբ։
«Մենք պայմանավորվել ենք պարբերաբար այցելել միմյանց փառատոներին։ Դա կնպաստի ոչ միայն առևտրին, այլև մեր ժողովուրդների միջև մարդկային շփումներին»,-հավելում է Անտոնյանը։
Եվ վերջապես՝ բուն Մեղրիի մասին
Մեղրիում պահպանված որմնանկարներով մի քանի եկեղեցի կա` Սուրբ Մարիամ Աստվածածին, Սուրբ Հովհաննես եկեղեցիները և Անապաստանաց վանքը, որը նույնպես Սուրբ Հովհաննես անունն է կրում (դրանց մասին առանձին կպատմենք)։
Վանքին կից պահպանվել է օժանդակ շինություն, որտեղ ուզում են երկրագիտական թանգարան տեղակայել։ Լեռներում մի քանի ամրոց է պահպանվել։ Ճիշտ է՝ դրանց պատերի ամրությունը վաղուց չեն ստուգել և փլուզման ռիսկերը չեն գնահատել։
«Բացի այդ, մեր շրջանի 10 գյուղերից յուրաքանչյուրում առնվազն մեկ հին եկեղեցի կա, իսկ որոշներում՝ երկուական։ Պատկերացրեք, թե որքան բան կարող են տեսնել զբոսաշրջիկները, եթե այդ ամենը վերականգնվի»,-ասում է Կարենը։
Ներկայումս վերականգնվում է քաղաքի հին թաղամասերից մեկը (Փոքր թաղը)՝ Սուրբ Հովհաննես եկեղեցու հարակիցը (այն եկեղեցիներից մեկն է, որտեղ պահպանվել և մի քանի տարի առաջ վերականգնվել են հին որմնանկարները)։
Ամեն դեպքում ակտիվացում պետք է
Որքան էլ պարադոքսալ հնչի՝ արևոտ Մեղրի զբոսաշրջիկներ բերելու համար «հալեցում» է պետք։ Մի քանի տարի առաջ քաղաքով անցնում էր «Հյուսիս-Հարավ» մայրուղու հնարավոր երթուղիներից մեկը, ուստի ազատ հողերում կառուցապատումը սահմանափակ էր։ Արգելքը չհանվեց նույնիսկ այն բանից հետո, երբ ճանապարհը սկսեցին կառուցել այստեղից մի քանի կիլոմետր հեռու։
«Թող կառավարությունը հանի արգելքը, դա ախր պարզ որոշում է։ Այդ դեպքում առնվազն մի քանի հոգի կգտնվի, որ կցանկանա այստեղ հյուրանոց կամ այլ օբյեկտներ բացել»,-նշում է Կարենը։
Զբոսաշրջիկներին ավելի գայթակղելու համար ավելացնենք, որ Մեղրիում հին բնակելի տներ կան, որոնց դարպասների վրա պահպանվել են օղակաձև թակիչները։ Ավելին, այստեղ, տեղական ավանդույթի համաձայն, դարպասներին երկուական թակիչ էին կախում։ Մեկը` տղամարդկանց համար՝ մեծ և ավելի բարձր հնչող, մյուսը` կանանց համար՝ ավելի փոքր և ցածր ձայնով (որպեսզի տանտերերն իմանային, թե ով է թակողը)։ Եկեք, ձեր աչքով կտեսնեք։
